„საწვავის ფასის შემდგომი ტენდენცია დამოკიდებული იქნება საერთაშორისო ფასებზე Platt’s-ის მიხედვით და ლარის კურსზე დოლართან მიმართებაში“

access_time2017-11-14 12:07:59

ნავთობპროდუქტების იმპორტიორთა კავშირის განცხადებით, ბოლო თვეების განმავლობაში ნავთობის ფასი იზრდება და დაახლოებით ბოლო 2 წლის მაქსიმუმ მაჩვენებელზე დგას.


კერძოდ, კავშირის ცნობით, დღეისთვის ლონდონში Inter Continental Exchange Futures Europe-ზე (ICE Futures Europe)-Brent ტიპის ნავთობის ფასმა შეადგინა 63.16 დოლარი/ბარელზე, ხოლო ნიუ-იორკში York Mercantile Exchange-ზე (NYMEX) - Light Sweet ტიპის ნავთობის ფასმა - 56.76 დოლარი/ბარელზე.


„ნავთობის ფასის ზრდა ძირითადად განპირობებულია „ოპეკი +"-ის წევრთა მიერ ნავთობის მოპოვების შემცირების შეთანხმების გაგრძელების პერსპექტივით. კერძოდ, როგორც ცნობილია 2016 წლის ბოლოს ოპეკის წევრმა და რამოდენიმე არაწევრმა ქვეყენამ მიიღეს გადაწყვეტილება ნავთობის ყოველდღიური მოპოვების კვოტების 1,8 მლნ ბარელით შემცირებასთან დაკავშირებით. აღნიშნული შეთანხმება დაიდო 2017 წლის პირველი 6 თვის ვადით მისი შესაძლო გაგრძელების პერსპექტივით. 2017 წლის მაისში ის გაგრძელდა კიდევ 9 თვით 2018 წლის მარტის ბოლომდე. მ/წლის 30 ნოემბერს ვენაში დაგეგმილია „ოპეკი +"-ის მორიგი შეხვედრა, სადაც სავარაუდოდ მოხდება აღნიშნული შეთანხმების გაგრძელების საკითხის განხილვა.


ოქტომბრის თვიდან მოყოლებული მოხდა საერთაშორისო ფასების ზრდა ნავთობპროდუქტებზე S&P Global Platts-ის მიხედვით, რომლის მიხედვითაც ხორციელდება საქართველოში საწვავის იმპორტი. კერძოდ, ბენზინის ფასი გაიზარდა საშუალოდ 70-80 დოლარით/ტონაზე, ხოლო დიზელის საწვავის - 40-50 დოლარით/ტონაზე.



უნდა აღინიშნოს ასევე საქართველოს ეროვნული ვალუტის - ლარის გაუფასურება დოლართან მიმართებაში. შედარებისათვის, ოქტომბრის დასაწყისში ლარის ოფიციალური გაცვლითი კურსი დოლართან მიმართებაში შეადგენდა 2,4764 ერთეულს, ხოლო დღეისათვის - 2,6538 ერთეულს.


საერთაშორისო ფასის ზრდისა და ლარის გაუფასურების პირობებში დოლართან მიმართებაში მოხდა ასევე საწვავის ფასის ზრდა საქართველოს საცალო ქსელში. კერძოდ, ოქტომბერ-ნოემბრის თვეებში მოხდა რეგულარი ტიპის ბენზინისა და დიზელის საწვავის ფასის მატება: ევრო დიზელის საწვავის - საშუალოდ 6-11 თეთრით ლიტრაზე, რეგულარი ტიპის ბენზინის - 5-10 თეთრით/ლიტრაზე.


საწვავის ფასის შემდგომი ტენდენცია დამოკიდებული იქნება საერთაშორისო ფასებზე Platt's-ის მიხედვით და ლარის კურსზე დოლართან მიმართებაში“ - ნათქვამია ნავთობპროდუქტების იმპორტიორთა კავშირის განცხადებაში.

 

 

 

 

 

 



„არავინ იცის, როგორი დენი მიდის მომხმარებლამდე!“ - ენერგეტიკოსები ელექტროენერგიის ხარისხის კონტროლის გამკაცრებას ითხოვენ

person access_time2018-01-16 11:10:24
ელექტროენერგიის ხარისხის კონტროლი გასამკაცრებელია. ენერგეტიკოსების ერთი ნაწილი მიიჩნევს, რომ დენის ხარისხი არ კონტროლდება და ამით მომხმარებელი ზარალდება. ბოლო პერიოდში კომპანიებს ამ მხრივ გარკვეული ვალდებულებები დაეკისრათ, მაგრამ ეს ჯერჯერობით არ არის თანამედროვე სტანდარტების შესაბამისი, საქართველოს ენერგეტიკის მარეგულირებელ კომისიაში კი ამტკიცებენ, რომ ელექტროენერგიის ხარისხი დამაკმაყოფილებელია. ენერგეტიკოსები ეჭვობენ, რომ დენის ხარისხის კონტროლი არ მიმდინარეობს....

H&M-მა და არჩევნებმა გარე სარეკლამო ბაზარი 15%-ით გაზარდა - outdoor.ge

person access_time2018-01-16 12:15:18
„გასულ წელს მთელი ქვეყნის მასშტაბით დატვირთული ბანერების რაოდენობამ 70-80% შეადგინა“, - ამის შესახებ „კომერსანტს“ სარეკლამო სააგენტო outdoor.ge-ს დირექტორმა ზურაბ პერტაიამ განუცხადა. მისი თქმით, ამ ეტაპზე გარე სარეკლამო ბაზარი საკმაოდ დატვირთულია, თუმცა „თამბაქოს კონტროლის შესახებ“ ცვლილებების ამოქმედების შემთხვევაში, ბაზარზე შესაძლოა, მცირედი ცვლილებები მოხდეს. „ამ ეტაპზე სარეკლამო ბაზარი...

დეპოზიტების სავალდებულო დაზღვევა ამოქმედდა - თქვენს ანგარიშს თვეში 0.067%-ს ჩამოაჭრიან

person access_time2018-01-15 19:00:24
2018 წლის იანვრიდან ყველა პირს, რომელსაც თანხა ქართულ კომერციულ ბანკში აქვს განთავსებული, სპეციალური სახელმწიფო ფონდი აზღვევს. დეპოზიტების დაზღვევის სააგენტო თქვენი ანაბრიდან/მიმდინარე ანგარიშიდან სავალდებულო წესით, ყოველთვიურად ჩამოჭრის სპეციალურ საკომისიოს. სააგენტო ბანკის გაკოტრების შემთხვევაში 5000 ლარამდე თანხით აგინაზღაურებთ თქვენს ანაბარს. სახელმწიფო ფონდში სავალდებულო წესით გაწევრიანდება ყველა მეანაბრე. კანონის მიხედვით, ფონდი მეანაბრეებს ყოველთვიური საკომისიოს...

„მივიღე მტკივნეული გაკვეთილი - დისტანცია უნდა დავიჭირო იმ ქვეყნების შიდა პოლიტიკისგან, სადაც ჩემი ფონდი ოპერირებს“

person access_time2018-01-15 20:00:38
ჯორჯ სოროსის განცხადებით, იგი ნაციონალიზმის წინააღმდეგ ბრძოლას კვლავ აპირებს - იდეოლოგიის, რომელსაც იგი „დომინანტს“ უწოდებს. აღნიშნულთან დაკავშირებით მილიარდერმა ინვესტორმა Financial Times-თან ისაუბრა. საუბარი საქართველოს ყოფილ პრეზიდენტს, მიხეილ სააკაშვილსაც შეეხო. „დეჟა ვუ მაქვს - მსოფლიოში დომინანტი იდეოლოგია კვლავ ნაციონალიზმია. ევროკავშირი დაშლის პირას არის, რუსეთი კი ძალას იკრებს - ქვეყანა, რომელიც ნაციონალიზმზეა დაფუძნებული,“ განაცხადა...

რეგულაციების დაწესება სათამაშოების ბაზარზე - რას ითხოვენ ქართველი მწარმოებლები ხელისუფლებისგან

person access_time2018-01-16 10:20:35
პოპულარიზაცია, წარმოების ზრდა და უსაფრთხო სათამაშოები — ეს ის საკითხებია, რის დაყენებასაც სათამაშოების ქართველი მწარმოებლები სააგენტო „აწარმოე საქართველოს“ ფარგლებში დაგეგმილ შეხვედრაზე გაახმაურებენ. როგორ კომპანიებში აცხადებენ, სახელმწიფოს მხრიდან გარკვეული ნაბიჯები იდგმევა, თუმცა წარმოების გაზრდისთვის და ქართული პროდუქციის პოპულარიზაციისთვის ეს საკმარისი არ არის. როგორც ცნობილია, ადგილობრივ თუ საერთაშორისო ბაზრებზე არსებული გამოწვევებისა და...


მსგავსი სიახლეები