მსოფლიოს უმცირესმა სუვერენულმა სახელმწიფომ, ვატიკანმა 2024 წელი 1.6 მლნ ევროს ოდენობის ბიუჯეტის პროფიციტით დაასრულა, 2023 წელს 51.2 მლნ ევროს დეფიციტი ჰქონდა. ერთი წლის განმავლობაში დეფიციტი თითქმის, 50%-ით შემცირდა, 83 მილიონიდან 44 მლნ ევრომდე. შემოსავალი 79 მლნ ევროთი გაიზარდა, რაც, თავის მხრივ შემოწირულებების ზრდამ, საავადმყოფოების მუშაობამ და „უძრავი ქონებისა და კომერციული აქტივების მართვაში მიღწეულმა პროგრესმა“ განაპირობა
2024 წელს ვატიკანის ფინანსური შემოსავალი, წინა წლის 45.8 მლნ ევროსთან შედარებით, 75 მლნ ევრომდე გაიზარდა, რაც საინვესტიციო აქტივობების შედეგია.
ვატიკანმა ფინანსური ანგარიშის გამოქვეყნება 2022 წლის შემდეგ დაიწყო.
2021 წლის ივლისში ვატიკანმა მისი უძრავი ქონების შესახებ ინფორმაცია პირველად გაამჟღავნა. 2020 წელს წმინდა საყდრის კონსოლიდირებულმა ფინანსურმა ანგარიშმა 64.8 მლნ ევროს დეფიციტი აჩვენა, მაშინ, როცა 2019 წელს 79.2 მლნ ევროს შეადგენდა. 2024 წლის სექტემბერში პაპმა ფრანცისკემ კარდინალებს მოუწოდა, ხარჯი შეემცირებინათ, რომ ვატიკანის ბიუჯეტის დეფიციტი ნულამდე დასულიყო.
