ავიაციის სფეროში მომსახურების გლობალურმა ჯგუფმა, ACC Aviation–მა, გამოაქვეყნა 2025 წელს მსოფლიო ავიაციის მაჩვენებლების დეტალური ანალიზი. ექსპერტების თქმით, ინდუსტრია მდგრადი რჩება გეოპოლიტიკური არეულობების, მიწოდების ჯაჭვის გამოწვევებისა და ეკონომიკური არასტაბილურობის მიუხედავად.
ACC Aviation-ის ლიზინგის დირექტორის, დეივ უილიამსის თქმით, სექტორი ადაპტაციისა და ზრდის მაღალ შესაძლებლობებს ავლენს. მგზავრთა მოთხოვნა კვლავ დადებით იმპულსს აჩვენებს: IATA იუწყება გლობალური მგზავრობის 4.6%-ით ზრდისა და რეკორდული 86%-იანი დატვირთვის კოეფიციენტის შესახებ. საერთაშორისო მგზავრობა წლიურად 6.6%-ით გაიზარდა, რაც ძირითადად აზია-წყნარი ოკეანის რეგიონში 9.8%-იანი ზრდით იყო განპირობებული. შიდა ბაზრები „სტაბილური რჩება, თუმცა უფრო თავშეკავებული“.
თვითმფრინავებისა და ძრავების დეფიციტი კვლავ გადამწყვეტ პრობლემად რჩება. Airbus-ისა და Boeing-ის მიწოდების შეფერხებები ავიაკომპანიებს აიძულებს, უფრო დიდხანს შეინახონ ძველი თვითმფრინავები, რაც საშუალო სიმძლავრის თვითმფრინავების ლიზინგის ტარიფების ზრდას იწვევს.
ზოგიერთი ოპერატორი ახალი თვითმფრინავების დემონტაჟსაც კი ახდენს სათადარიგო ნაწილების უზრუნველსაყოფად. ტექნიკური მომსახურების პრობლემები კვლავ რჩება: ძრავის შეკეთებას და კომპლექსურ შემოწმებას პანდემიამდელ პერიოდთან შედარებით ორჯერ მეტი დრო სჭირდება. სიტუაციის გაუმჯობესება 2027 წლამდე არ არის მოსალოდნელი.
ვრცლად buyingbusinesstravel – ზე
