Cartier-ის პანტერათი დაწყებული და Hermès-ის ცხენით დამთავრებული, პრემიუმ ბრენდები ხშირად ინსპირაციას ბუნებაში პოულობენ. მიღებული გადაწყვეტილებით კი ემოციურად და სიმბოლურად რეზონანსულ გამოცდილებებს ქმნიან, რასაც სასმელების ინდუსტრიაც უერთდება. ამ უკანასკნელში ეკოლოგიურ ცნობიერებასა და ავთენტურობას აფასებენ, ხშირად იყენებენ ორნამენტად დიზაინში ან სულაც რაღაც უფრო სიღრმისეულ მნიშვნელობას აკისრებენ და სწორედ ასე დაიბადა Oyster Gin-იც.
პირველივე შეხედვისთანავე მიხვდებით, რომ ვიზუალის ინსპირაციას გარემოდან იღებს, კერძოდ მონტენეგროდან, სადაც ციცაბო მთები ადრიატიკის ზღვას უერთდება… ამგვარად, Appartement 103-ის სააგენტოს მიზანი ამ ლანდშაფტის პრემიუმ სასმელების კატეგორიაში გაცოცხლება იყო ისე, რომ განსხვავებული ვიზუალიც მიეღოთ. თანაც ბრენდი ნულიდან შექმნეს…
ამბიციად სკულპტურული, საკულტო ბოთლის შექმნა დაისახეს, რომელიც ისეთივე დასამახსოვრებელი უნდა ყოფილიყო, როგორც ხამანწკების ფორმა. ამიტომაც ბოთლის დიზაინში ბუნებრივ უსწორმასწორებებს ვხვდებით, ტალღისებრ ხაზებს, რომლებიც თითქოს მასში არსებული სასმლის ექოს გადმოსცემს.
შედეგად, სრულიად განსხვავებულ ვიზუალურ იდენტობას ვიღებთ კატეგორიაში, რომელშიც სულ უფრო რთული ხდება დიფერენცირება.
