2025 წლის იანვარ–სექტემბერში რუსეთის მოქალაქეებმა საზღვარგარეთ 24 მილიონი ტურისტული ვიზიტი განახორციელეს, რაც წინა წელთან შედარებით 7%-ით მეტია, ამის შესახებ ინფორმაციას რუსეთის სტატისტიკის ეროვნული ბიურო (ЕМИСС) ავრცელებს. 

რუსებისთვის მთავარი დასასვენებელი ადგილი კვლავ თურქეთია -  5.3 მილიონი ვიზიტით, მიუხედავად იმისა, რომ რუსი ტურისტების ნაკადი 4%-ით შემცირდა. მეორე ადგილს აფხაზეთი იკავებს, ხოლო მესამე პოზიციაზე - ყაზახეთია, რუსი ტურისტების ვიზიტებმა 7.6%-იანი ზრდა აჩვენა.

ყველაზე დიდი ზრდა ეგვიპტეში (+33%) დაფიქსირდა და ჩინეთში (+25%), რაც ექსპერტების შეფასებით რუსი მოგზაურების პრეფერენციებში ცვლილებას ასახავს - მათ შორის რუბლის კურსის მერყეობის, ფრენების ხელმისაწვდომობის და გეოპოლიტიკური შეზღუდვების ფონზე.

რუსეთის სტატისტიკის სამსახურის ინფორმაციით, 2025 წელს საქართველოში 1.2 მლნ რუსი ჩამოვიდა. 

რუსეთის მოქალაქეების ტოპ ტურისტული მიმართულებები ასეთია: 

  • თურქეთი — 5.3 მლნ

  • აფხაზეთი — 4.6 მლნ 

  • ყაზახეთი — 2.4 მლნ

  • ჩინეთი — 1.7 მლნ

  • არაბთა გაერთიანებული საამიროები — 1.6 მლნ

  • ეგვიპტე — 1.4 მლნ

  • საქართველო — 1.2 მლნ

  • ტაილანდი — 0.9 მლნ

  • სომხეთი — 0.8 მლნ

  • უზბეკეთი — 0.5 მლნ

ანალიტიკოსების თქმით, 2025 წელს რუსული ტურისტული ნაკადი ორიენტირებულია ქვეყნებზე, სადაც ვიზის გარეშე მოგზაურობა მარტივადაა შესაძლებელი და ფასები კონკურენტულია.