საქართველოს პარლამენტში განსახილველად შესული 2026 წლის ბიუჯეტის პროექტის საბოლოო ვერსიაში გაზრდილია სახელმწიფო ბიუჯეტის შემოსულობები.
მომავალი წლის სახელმწიფო ბიუჯეტის შემოსულობების ჯამურად, პროექტის წინა ვერსიასთან შედარებით, გაზრდილია 468,6 მლნ ლარით და განისაზღვრება 30 759,4 მლნ ლარიით, საიდანაც 24 996,3 მლნ ლარი შემოსავლებია. პროექტის წინა ვერსიასთან შედარებით ზრდა 397,3 მლნ ლარია.
საგადასახადო შემოსავლების პროგნოზი გაზრდილია 170 მლნ ლარით და უტოლდება 23,200,0 მლნ ლარს. სხვა წყაროებიდან მისაღები შემოსულობები ჯამში გაზრდილია 71,3 მლნ ლარით, ხოლო გრანტების სახით დაგეგმილი მაჩვენებელი გაზრდილია 127,3 მლნ ლარით და 346,3 მლნ ლარს შეადგენს
მთლიანად 23,2 მილიარდის ოდენობის საგადასახადო გეგმა ასეთია:
- საშემოსავლო გადასახადი - 8.2 მლრდ ლარი;
- მოგების გადასახადი - 3.2 მლრდ ლარი;
- დღგ - 8.7 მლრდ ლარი;
- აქციზი - 2.7 მლრდ ლარი;
- იმპორტის გადასახადი - 150 მლნ ლარი;
- სხვა გადასახადები - 185 მლნ ლარი.
