ზვიად ხორგუაშვილი : შეუძლებელია მომზადებულები დავხვდეთ რუბლის გაუფასურებას, რადგან ხელისუფლება ვერ უზრუნველყოფს ეკონომიკურ პოლიტიკას

ზვიად ხორგუაშვილი : შეუძლებელია მომზადებულები დავხვდეთ რუბლის გაუფასურებას, რადგან ხელისუფლება ვერ უზრუნველყოფს ეკონომიკურ პოლიტიკას

access_time2019-08-15 11:00:06

„ჩვენნაირ ქვეყანაზე,  რომელიც დამოკიდებული ვართ არა მარტო რუსეთზე, არამედ სხვა ქვეყნებზე. რუსეთს რომ პრობლემები შეექმნას, ეს ავტომატურად ნიშნავს იმას, რომ  ჩვენს ვალუტაზე უარყოფითად აისახება. რუსეთის ეკონომიკური ზრდა ისედაც დაბალი იყო  და ეს მათ ვალუტაზე აისახა, ეს კი  პირდაპირ არის ჩვენს ეკონომიკაზეც ასახული, იქიდან გამომდინარე, რომ ძალიან დიდი თანხა, გადმორიცხვების სახით, შემოდის რუსეთდან.  სხვა ქვეყნებიდან გზავნილები ერთად რომ ავიღოთ, მაინც ვერ უტოლდება რუსეთიდან ფულად გზავნილების რიცხვს.  ამიტომ,  თუ გაუფასურდება რუბლი  ჩვენ ამისთვის მზად უნდა ვიყოთ. მანამდეც მომხდარა  (2009 , 2010, 2011 წლებში) კატასტროფები რუსულ ეკონომიკაში, მაშინ ჩვენ ამ ყველაფერს მზად შევხვდით და კურსზე გავლენა იყო მინიმალური იმის მიუხედავად, რომ გარკვეული პერიოდი გზავნილებმაც იკლო. საქართველოში უნდა გვქონდეს მეტი დოლარის შემოდინების ტენდენცია  სხვა ქვეყნებიდან და რუსეთი უნდა დააბალანსონ ამ გზით.  ამისთვის საჭიროა მასშტაბური ეკონომიკური ცვლილებები, ეკონომიკური თავისუფლებისკენ უნდა ავიღოთ გეზი და არა პირიქით, შეზღუდვებისკენ.  დღესდღეობით შეუძლებელია ჩვენ დავხვდეთ მომზადებულები რუბლის მოსალოდნელ გაუფასურებას იმიტომ,  რომ დღევანდელი ხელისუფლება ვერ უზრუნველყოფს ეკონომიკურ პოლიტიკას, რომელიც საგარეო პოლიტიკის ყველა გამოწვევას თავს გაართმევდა და ეს ჩვენ არაერთხელ ვნახეთ,“ - ასე აფასებს ეკონომიკური ექსპერტი ზვიად ხორგუაშვილი რუბლის მოსალოდნელი გაუფასურების გავლენას ქართულ ლარსა და ეკონომიკაზე.


მსოფლიო და თავად რუსი ექსპერტები ვარაუდობენ, რომ მსოფლიო ომების და რუსეთის შიდა პოლიტიკური არასტაბილურობის გამო, შემოდგომაზე რუბლის მკვეთრი გაუფასურებაა მოსალოდნელი. 


მას შემდეგ, რაც ვაშინგტონში სკრიპალების საქმის გამო რუსეთის მიმართ სანქციების ახალი პაკეტის განხილვა დაიწყეს, რუსულმა რუბლმა გაუფასურება დაიწყო - დოლართან მიმართებაში რუბლის კურსი შეადგენს 65, ევროსთან - 72-ს, ინვესტორებმა კი რუსული სახელმწიფო ობლიგაციების გაყიდვა დაიწყეს.



ზვიად ხორგუაშვილი მიიჩნევს, რომ თუკი აშშ-ჩინეთის სავაჭრო ომი უარყოფითად აისახება რუსეთის ექსპორტზე და, შესაბამისად, რუსულ რუბლზე, რამაც თავისთავად ქართული ეროვნული ვალუტის მერყეობა კიდევ უფრო შეიძლება დაამძიმოს. თუმცა ეკონომისტის აზრით, მიმდინარე სავაჭრო ომი  ნაკლებსავარაუდოა რუსული ეკონომიკისთვის საბედისწერო აღმოჩნდეს.  რუბლის გაუფასურება ქვეყნის შიგნით ეკონომიკურ არასტაბილურობას შეუძლია, ხოლო რაც შეეხება ნედლეულის ექსპორტს, რაც ასე სასიცოცხლოდ მნიშვნელოვანია ყველა ქვეყნისთვის,  აშშ-სთან სავაჭრო ომის პირობებში ჩინეთისთვის რუსული ბაზარი  უფრო საინტერესო და საჭირო ხდება.




„იმის მიუხედავად, რომ ნებისმიერი ტიპის სავაჭრო ომი აზარალებს ეკონომიკას,  ამერიკაც და ჩინეთიც საკმაოდ მაღალი ტემპით იზრდებიან. ჩინეთი რუსეთთან უფრო გაზრდის ვაჭრობას.  არასწორია იმის თქმა, რომ შეიძლება რუბლი გაუფასურდეს იმის გამო რომ აშშ-ჩინეთი სავაჭრო ომის სტადიაში არიან. შესაბამისად, შეუძლებელია იმის თქმაც, რომ მერე ჩვენზე აისახება რუბლის გაუფასურება. რუსული რუბლი თუ გაუფასურდება, ეს სხვა რამეების გამო მოხდება.



ჩინეთი და ამერიკა ერთმანეთთან ომში დიდი ხნია იმყოფებიან,  ამერიკამ მკვეთრი ნაბიჯები გადადგა ამ პერიოდში, მაგრამ  თუ ამის გამო რუსეთის ექსპორტი დაეცემა, რა თქმა უნდა ამან გავლენა შეიძლება მოახდინოს ეროვნულ ვალუტაზე. მაგრამ კიდევ სხვა ბევრი ფაქტორია,  რუსეთს ბევრად უფრო უნდა ეშინოდეს პოლიტიკური არასტაბილურობის,  ვიდრე აშშ-ჩინეთის ომის. რეალურად რუსეთი ჩინეთში ბევრ რამეს გაიტანს და ჩინეთიც შემოიტანს,  ვინაიდან ჩინეთს გასაღების ბაზრები უმცირდება, როცა ამერიკას ეხება საქმე.“ ამბობს ხორგუაშვილი.



Bloomberg-ზე გავრცელებული ინფორმაციის თანახმად, ჩინეთ-აშშ-ს სავაჭრო ომი იწვევს პირველ რიგში ჩინეთის ეკონომიკის ზრდის შემცირებას, ამერიკული ბაზრის დაკარგვის შემთხვევაში ჩინეთის მრეწველობაც შემცირდება, შესაბამისად, მას არ დასჭირდება იმდენი ნავთობი, გაზი, ნახშირი, რკინა, ალუმინი და ა.შ. რამდენიც სჭირდებოდა აქამდე. თავისთავად, ეს პირდაპირ ურტყამს ნედლეულის ექსპორტზე გათვლილ რუსეთის ეკონომიკას.



ამას ემატება სანქციების ახალი პაკეტი, რომელიც უკრძალავს ამერიკელ ინვესტორებს რუსული სახაზინო ქაღალდების შეძენას, განსაკუთრებით, თუ ისინი დენომინირებულია არა რუბლებში, არამედ უცხოურ ვალუტაში, მაგალითად, დოლარებში. ეს კიდევ უფრო შეზღუდავს რუსეთის წვდომას დასავლურ ფონდებთან, რომლებიც საჭიროა რუსეთის ეკონომიკის ზრდის დაჩქარებისთვის - მიიჩნევს საერთაშორისო სააგენტო Moody's Investors Service.

 

საერთაშორისო სავალუტო ფონდმა შეამცირა რუსეთის ეკონომიკის ზრდა და დაითვალა, რომ სანქციების გამო რუსეთი ყოველწლიურად კარგავს ზრდის 0,2%-ს. 



 

მარიამ მორგოშია





საქართველოში პირველი 24/7 აუთსორსინგული ქოლ ცენტრი K•Call-ი რუსთავში ახალ ფილიალს ხსნის

საქართველოში პირველი 24/7 აუთსორსინგული ქოლ ცენტრი K•Call-ი რუსთავში ახალ ფილიალს ხსნის
access_time2019-09-15 17:00:43
კომპანია K•Call-ი ქოლ ცენტრის მომსახურებას დისტანციურად ახორციელებს 24 საათიან რეჟიმში და მათი საქმიანობა ძირითადად გულისხმობს კომპანიებისთვის ხარჯების შემცირებასა და რესურსების სწორად გადანაწილებას. კომპანია აქტიურად თანამშრომლობს როგორც მცირე, ისე საშუალო და მსხვილ ბიზნესებთან.  K•Call -ი წარმოადგენს მარკეტინგული კომპანია  Sales Partner...

ვასილ სოფრომაძე - არ ვაპირებ საგანგებო სიტუაციების სამსახურის მოთხოვნის შესრულებას და სასამართლოში სარჩელი შემაქვს

ვასილ სოფრომაძე - არ ვაპირებ საგანგებო სიტუაციების სამსახურის მოთხოვნის შესრულებას და სასამართლოში სარჩელი შემაქვს
access_time2019-09-15 13:30:08
არ ვაპირებ საგანგებო სიტუაციების სამსახურის მოთხოვნის შესრულებას და სასამართლოში სარჩელი შემაქვს,- ამის შესახებ ბიზნესმენი ვასილ სოფრომაძე ვიდეომიმართვაში საუბრობს, სადაც სახანძრო უსაფრთხოების საკითხზე მისი კომპანიის მიმართ განხორციელებულ მოქმედებებს განიხილავს. ბიზნესმენი ხელისუფლებას ურჩევს, ეს თუ ის ნორმა ევროპული გამოცდილებიდან აიღოს და არა საბჭოთა კავშირის წესებიდან. „ფრესკოს“ ყველა ობიექტი მიღებულია ექსპლუატაციაში კანონის დაცვით. ამ ხნის...

როგორ ააშენა Alibaba-ს დამფუძნებელმა მრავალმილიარდიანი ბიზნესი ჩინეთში

როგორ ააშენა Alibaba-ს დამფუძნებელმა მრავალმილიარდიანი ბიზნესი ჩინეთში
access_time2019-09-15 16:00:15
Alibaba Group-ის დამფუძნებელმა ჯეკ მამ 10 სექტემბერს, 55-ე დაბადების დღეს, დატოვა მის მიერ შექმნილი ტექნოლოგიური გიგანტის დირექტორთა საბჭოს თავჯდომარის პოსტი... მილიარდერმა, რომელიც ჯერ იყო ინგლისური ენის მასწავლებელი, მანამდე კი - ენერგიულ ბიჭი, რომელიც ქუჩაში დასდევდა ინგლისურენოვან ტურისტების ენის შესწავლისთვის, შეასრულა დავოსის ეკონომიკური ფორუმის დროს მიცემული დაპირება - „სამყარო იმდენად მშვენიერია, რომ არ მესმის, რატომ უნდა ვიყო მუდამ...

ახალგორელები საოკუპაციო ადმინისტაციის ხელმძღვანელს მიმათავენ

ახალგორელები საოკუპაციო ადმინისტაციის ხელმძღვანელს მიმათავენ
access_time2019-09-15 14:00:32
ახალგორის მოსახლეობა  ე.წ. სამხრეთ ოსეთის პრეზიდენტს ანატოლი ბიბილობს თხოვნით მიმართავს არ დაიხუროს საზღვარი საქართველოსთან. წერილში ნათქვამია, რომ ეს გზა აუცილებელია ახალგორელებისთვის. „ჩვენს რაიონში არის ბერვი ონკოდაავადებული და მათი უმრავლესობა მკურნალობს თბილისში. არიან ავადმყოფები, რომლებსაც ესაჭიორებათ სასწრაფო ოპერაცია. შეუძლებელია ყველა პრობელმის ჩამოთვლა. ჩვენ ვერ მიგვაქვს ჩვენი ხმა ადგილობრივ ხელმძღვანელობამდე და...

მეთიუ ბრაიზა: ვფიქრობ, საქართველოს მთავრობა საკმარისად ჭკვიანია, ისწავლოს 2003 და 2007 წლების გაკვეთლებიდან, თუ როგორ რეაგირებს აშშ

მეთიუ ბრაიზა: ვფიქრობ, საქართველოს მთავრობა საკმარისად ჭკვიანია, ისწავლოს 2003 და 2007 წლების გაკვეთლებიდან, თუ როგორ რეაგირებს აშშ
access_time2019-09-15 18:00:01
ამერიკის შეერთებული შტატების ყოფილმა დიპლომატმა, სახელმწიფო დეპარტამენტის ყოფილმა მაღალჩინოსანმა მეთიუ ბრაიზამ თბილისში ყოფნის დროს „ინტერპრესნიუსს“ ვრცელი ინტერვიუ მისცა. ინტერვიუში ბრაიზამ ბევრ სხვადასხვა თემაზე ისაბრა, მათ შორის, ნატოს ყოფილი გენერალური...


მსგავსი სიახლეები

up