ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

access_time2019-08-21 15:00:48

„ძალიან მშრალი განჩინებაა, რომელსაც გავასაჩივრებთ, მაგრამ  ისეთი უცნაურობები ხდება ამ საქმეზე, სიმართლე გითხრათ,  დიდი იმედი არ მაქვს, რომ აპელაცია რამეს შეცვლის.  მაგრამ ჩვენ ეს საფეხური უნდა გავიაროთ, რადგან როგორც ვატყობ, ეს საქმე და მისი არცერთ შუალედური განჩინება აქ არ დამთავრდება და მოგვიწევს ამ ყველაფრის სტრასბურგში ეტაპობრივად გასაჩივრება,“ - ასე აფასებს თიბისი ბანკის დამფუნძებლების  მამუკა ხაზარაძისა და ბადრი ჯაფარიძის ადვოკატი ზვიად კორძაძე სასამართლოს გადაწყვეტილებას, რომლის მიხედვითაც ხაზარაძესა და ჯაფარიძეს ანგარიშები დაუყადაღდათ. მხარე უახლოესი 48 საათის განმავლობაში გადაწყვეტილებას სააპელაციო სასამართლოში გაასაჩივრებს.

 

ინფორმაცია საბანკო ანგარიშების დაყადაღების შესახებ მამუკა ხაზარაძემ გაავრცელა. როგორც ხაზარაძე წერს, მისი და ბადრი ჯაფარიძის ყველა საბანკო ანგარიში დაყადაღდა, რაც იმას ემსახურება, რომ მოხდეს მათ მიერ დაანონსებული საზოგადოებრივი მოძრაობის და ყველა მიმდინარე დასაფინანსებელი საქველმოქმედო და ბიზნეს პროექტის, მათ შორის ანაკლიის პორტის საბოლოოდ გაჩერება

 

ამასთან, პროკურატურის განმარტებით, „სასამართლოს ხაზარაძის და ჯაფარიძის საბანკო ანგარიშებზე დანაშაულებრივი გზით მოპოვებული 16 664 000 დოლარის ეკვივალენტის ქონების დაყადაღების შუამდგომლობით“ მიმართეს.

 

„პროკურატურამ მიმართა სასამართლოს ქონების დაყადაღების მოთხოვნით, ხოლო სასამართლომ განჩინება გამოიტანა, სადაც  საერთოდ არაფერი წერია არგუმენტების სახით, თუ რატომ აკმაყოფილებს სასამართლო პროკურატურის შუამდგომლობას. წერია მხოლოდ ზოგადი ფრაზა, რომ სრულად აკმაყოფილებს ეს შუამდგომლობის სტანდარტს.  ჩვენ გვაქვს გასაჩივრების ვადა 48 საათი, ვაპირებთ  მოვითხოვოთ განჩინების გაუქმება,  ამბობს ზვიად კორძაძე.  




როგორც ადგოკატი განმარტავს, ხაზარაძე-ჯაფარიძის საქმეს დაზარალებული არ ჰყავს. მისი თქმით,  პროკურატურამ განმარტა, რომ არც ეყოლება არასდროს, რადგან  საქმეს, რომელსაც პრედიკატად იყენებენ (ანუ ისინი ამბობენ რომ ჯერ თაღლითობაა ჩადენეილი და მერე გაკეთდა ფულიო) თაღლითობის საქმესთან მიმართებაში ხანდაზმულია.   ამიტომ კიდევ უფრო უცნაურია პროკურატურის ეს ნაბიჯი და სასამართლოს გადაწყვეტილება.


“ეს თანხა არავის სასარგებლოდ არ დაყადაღდა, განაჩენის გამოტანამდე თანხა უნდა იყოს გაყინულ მდგომარეობაში და საბოლოო ჯამში აღმოჩნდა, რომ სახელმწიფოს სასარგებლოდ დაყადაღდა.


ჩვენ არ მიგვაჩნია, რომ განჩინება კანონიერია. პროცედურულად შეეძლო  მიემართა პროკურატურას სასამართლოსთვის, ამის უფლება ჰქონდათ, მაგრამ შესაბამისი არგუმენტები უნდა არსებობდეს. ძალიან მნიშვნელოვანი ისაა, თუ რატომ გახდა ეს საჭირო ახლა, გამოძიების ამ ეტაპზე და რატომ, არ გამოიყენა გამოძიებამ იგივე მექანიზმი მას შემდეგ რაც ბრალდებულად იქნა ცნობილი ხაზარაძე და ჯაფარიძე, აცხადებს ადვოკატი.



“კომერსანტის“ კითხვაზე უკავშირდება თუ არა თანხის დაყადაღება პოლიტიკურ პროცესებს და იმას, რომ მამუკა ხაზარაძემ საზოგადოებრივი მოძრაობის შექმნა დაანონსა, ზვიად კორძაძის პასუხი ასეთია:  მამუკას ხაზარაძეს მიაჩნია, რომ მთელი ეს პროცესები უკავშირდება მის გააქტიურებას საზოგადოებრივ ასპარეზზე და საზოგადოებრივი მოძრაობის შექმნას.  


მარიამ მორგოშია




დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან

დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან
access_time2020-01-25 16:30:27
...

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია თიბისი...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

ანაკლია და საქართველოს ადგილი „ახალი აბრეშუმის სავაჭრო გზაზე“

ანაკლია და საქართველოს ადგილი „ახალი აბრეშუმის სავაჭრო გზაზე“
access_time2020-01-25 18:00:28
შუა საუკუნეებში საქართველოს საგარეო პოლიტიკური კურსი ძირითადად სამხრეთით - სომხეთისა და შირვანისკენ (თანამედროვე აზერბაიჯანი) იყო მიმართული. წერილობით წყაროებში შემორჩენილი მწირი ინფორმაციის თანახმად, შავი ზღვის მიმართულებას ნაკლები ყურადღება ეთმობოდა. მხოლოდ XVII საუკუნიდან მოგვეპოვება მრავალი ცნობა ხელსაყრელი საპორტო ადგილის შესახებ, რომელიც უკვე “ანაკლიად” მოიხსენიება.   აღსანიშნავია, რომ ანაკლიის საპორტო აქტივობა დაემთხვა დასავლეთ საქართველოში საქალაქო ცხოვრების ზოგად...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...


მსგავსი სიახლეები

up