პოლიტიკურმა გაერთიანებამ „გირჩი“ საარჩევნო სიის პრეზენტაცია გამართა. ე.წ. პრაიმერიზის შედეგები მედიას გაერთიანების ლიდერმა ზურაბ ჯაფარიძემ გააცნო.
„ჩემი აზრით, თუ ჩვენ ამ სიით შევალთ პარლამენტში, „გირჩს“ ეყოლება საუკეთესო წარმომადგენლები სხვა პარტიებთნ შედარებით, რომელიც დღეს საქართველოში არსებობს. მე შემიძლია ამის გარანტია მოგცეთ“, -აღნიშნა ჯაფარიძემ.
„გირჩის“ პარტიული სიის ათეული მოხვდნენ: ზურაბ გირჩი ჯაფარიძე, ჰერმან საბო, იაგო ხვიჩია, ვახტანგ მეგრელიშვილი, გია ჯაფარიძე, ალექსანდრე რაქვიაშვილი, ლევან ჯგერენაია, ალექსანდრე სანდრო თარხან-მოურავი, ამირან ტორონჯაძე, გიორგი ლომინაძე.