ზურაბ ჯაფარიძე: ხელოვნური რეგულაციები თამბაქოს მოხმარებას ვერ შეამცირებს

ზურაბ ჯაფარიძე: ხელოვნური რეგულაციები თამბაქოს მოხმარებას ვერ შეამცირებს

access_time2016-07-19 11:16:35

ახალი პოლიტიკური ცენტრი „გირჩის“ ერთ-ერთი დამფუძნებელი, ზურაბ ჯაფარიძე მიიჩნევს, რომ „თამბაქოს მოხმარების შესახებ“ კანონში შესატანი ცვლილებები, რომლის ინიციატორი გარემოს დაცვისა და ბუნებრივი რესურსების კომიტეტის წევრი გუგული მაღრაძეა, არაეფექტური იქნება და განსაკუთრებულ შედეგს ვერ მოიტანს. 

 

როგორც ჯაფარიძე განმარტავს, საჭიროა არა აკრძალვების დაწესება, რომელიც არ მუშაობს, არამედ ახალგაზრდებისთვის ამ საკითხთან დაკავშირებით მეტი განათლების მიცემა. 

 

„ჩემი აზრით, ასეთ რეგულაციებს არანაირი განსაკუთრებული შედეგი არ ექნება იმ თვალსაზრისით, რომ მათი მიღებით მოქალაქეები თამბაქოს მოხმარებას თავს არ დაანებებენ. არ მგონია, რომ ამას სერიოზული ეფექტი ჰქონდეს. 

 

განათლების მხრივ არის ძალიან ბევრი რამ შესაცვლელი. ბავშვებს და ახალგაზრდებს უნდა ვასწავლოთ, ზოგადად რატომაა ნარკოტიკები მავნე. ეს არის ის, რაც საბოლოო ჯამში მოიტანს შედეგს. ჩემი აზრით, ეს არის სწორი გზა, რითაც ჩვენ უნდა წავიდეთ და არა ის, რომ რაღაც ხელოვნურად რეგულაციები შემოვიღოთ. არანაირი რეგულაციები შედეგს არ მოიტანს“,- განაცხადა ჯაფარიძემ. 

 

მისი თქმით, აღნიშნული რეგულაციები ეკონომიკაზე ნაკლებად მოახდენს გავლენას, რადგან თამბაქოს მომხმარებელზე აკრძალვები არ იმოქმედებს, შესაბამისად, გაყიდვებიც არ შემცირდება.


 

„ეკონომიკური თვალსაზრისით ამ რეგულაციებმა არ მგონია, რაღაც დიდი ეფექტი იქონიოს. ნიკოტინს ვინც მოიხმარს, ის მაინც გააგრძელებს ამის კეთებას. ამიტომ არ მგონია, ბიუჯეტზე განსაკუთრებული გავლენა ჰქონდეს ამ ყველაფერს. ეს საკითხი ნაკლებად არის ეკონომიკური. უფრო საზოგადოებრივი ჯანდაცვის საკითხი მგონია. 

 

კიდევ ერთხელ ვიმეორებ, ამისთვის საჭიროა განათლების მიცემა და არა აკრძალვების შემოტანა. აკრძალვები არ მუშაობს არსად დედამიწაზე“,- განაცხადა ჯაფარიძემ. 

 

თამბაქოს რეგულაციების შესახებ კანონპროექტი მთელ რიგ შეზღუდვებს ითვალისწინებს. მათ შორის, მაღაზიებსა და სუპერმარკეტებში ხილვადობის შემცირება, გარე რეკლამების აკრძალვას, კაფე-ბარებში თამბაქოს მოწევის სრულ აკრძალვას.

 

გარდა ამისა, კანონპროექტი ასევე ითვალისწინებს თამბაქოს ნაწარმის შეფუთვაზე სამედიცინო გაფრთხილების მიერ დაკავებული ფართობის 30%-დან 65%-მდე გაზრდას.

 

ამასთან, ცვლილებები ითვალისიწნებს თამბაქოს ნაწარმის ან მისი აქსესუარის რეალიზაციის აკრძალვას იმ ფორმით, რომ ობიექტიდან მისი მიწოდება ხდება უშუალოდ ტრანსპორტში მსხდომთათვის.

 

პარლამენტართა გარკვეული ნაწილი მიიჩნევს, რომ მსგავსი ცვლილებების მიღებამდე კანონმდებლებმა საკითხი კარგად უნდა შეისწავლონ და სახელმწიფო პოლიტიკა უნდა იყოს არა რეგულაციების დაწესება, არამედ საგანმანათლებლო კამპანიის წარმოება. 



თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-03 21:30:18
დღის Top-10 საინტერესო ამბავი 1.თუ ღვინო ყურძნისგან გაკეთდება და ხარისხის პრობლემა მოგვარდება, რთველის სუბსიდირება საჭირო აღარ იქნება - ირაკლი იაშვილი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“...

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?
access_time2020-07-03 18:00:58
იმედი, რომ ახალი „შრომის კოდექსი“, რომელზეც ახლა პარლამენტში მსჯელობენ, არსებულზე გაცილებით სრულყოფილი და ევროპულ სტანდარდარტებთან მიახლოებული იქნებოდა, ნელ-ნელა უქრებათ მშრომელთა უფლებებზე მომუშავე არასამთავრობო ორგანიზაციებს.კომიტეტებში კანონპროექტის განხილვისას გამოჩნდა, რომ უმრავლესობაში არსებობს წინააღმდეგობა კანონში არაერთი ჩანაწერის მიმართ.კანონპროექტის თავდაპირველი ვერსია უკვე საგრძნობლად შეცვლილი და როგორც სამოქალაქო სექტორი ამბობს, „დაჩეხილია“. თუმცა მთავარი...

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...


მსგავსი სიახლეები

up