ზურაბ ჯაფარიძე : „სამშენებლო რეგულაციები საერთოდ არ უნდა არსებობდეს“

ზურაბ ჯაფარიძე : „სამშენებლო რეგულაციები საერთოდ არ უნდა არსებობდეს“

access_time2019-02-12 19:30:29

პოლიტიკური პარტია „გირჩის“ დამფუძნებელი ზურაბ ჯაფარიძე სამშენებლო რეგულაციების არარსებობას ემხრობა. მეტიც, მისთვის დაუშვებელია ცენტრალიზებული მმართველობა, რაშიც დედაქალაქის მერიას პირდაპირ პასუხისმგებლობას აკისრებს. ჯაფარიძის თქმით, თბილისის დამახინჯებული და ქაოტური მშენებლობაც სწორედ სამშენებლო რეგულაციების შედეგია და ახლა, როცა კანონი უფრო მკაცრი გახდა, შედეგიც უარესი იქნება.


„სამშენებლო რეგულაციები საერთოდ არ უნდა არსებობდეს. ამ საკითხზე ბიზნესს აქვს თავისი ლოგიკური არგუმენტები და მათაც ვეთანხმები. გარდა იმისა, რომ ეს გამოიწვევს ბაზარზე ფასის მატებას და კერძო სექტორს შეექმნება პრობლემა, პირველ რიგში, თბილისისთვის არის საზიანო. დღეს ნებისმიერ მშენებლობაზე გადაწყვეტილებას იღებს მერია, რაც არასწორია და უარესი შედეგი გვექნება. საჭიროა დეცენტრალიზებული მმართველობითი სისტემა,“ - ამბობს ჯაფარიძე.


მისივე თქმით, დედაქალაქის მერს ადგილობრივ მაცხოვრებლებზე უკეთ ვერ ეცოდინება, მაგალითად, ვარკეთილის მე-3 მიკრორაიონში რა და როგორი კორპუსი უნდა აშენდეს. მაცხოვრებლებმა კი ბევრად უკეთ იციან, როგორ გარემოში უნდათ ცხოვრება და რა იქნება მათთვის პრიორიტეტული.


„დარწმუნებული ვარ, არავის მოუნდება სახლის წინ საშინელი და უსახური კორპუსი აუშენონ. ამიტომ, კალაძეზე უკეთ იციან ადგილობრივებმა, რა სჭირდებათ. ისინი საკუთარი თავის საზიანო გადაწყვეტილებას ნამდვილად არ მიიღებენ და თუ მაინც ასე მოხდა, იქნება მათი პრობლემა. ყოველ შემთხვევაში, მერე მთელი გლდანი არ გამოვა და კალაძეს არ დაუწყებს გინებას, ესა თუ ის კორპუსი რატომ ააშენა. არგუმენტი, რომ სამშენებლო რეგულაციები თბილისის კეთილდღეობისთვის ამოქმედდა, არასწორია,“ - განმარტავს ჯაფარიძე.



რეგულაციები რომ დედაქალაქის კეთილდღეობას არ ემსახურება, ამას „გირჩის“ დამფუძნებელი რამდენიმე ფაქტორით ხსნის:


„ის, რაც დღეს თბილისში არ მოგვწონს, რეალურად აშენდა და გაკეთდა სწორედ სამშენებლო რეგულაციების ფარგლებში და არა თავისუფალი ბაზრის პირობებში. თავის დროზე ცენტრალიზებულად გაიცა ნებართვები და მივიღეთ დღევანდელი იერსახე. კომპანიები მიდიან მერიაში, ფულს იხდიან და ნებისმიერ მშენებლობაზე თანხმობას იღებენ. კოეფიციენტის მომატება უნდა ბიზნესმენს? - კი ბატონო, გადაიხადე და მოიმატებს. სართულების დამატებაც არ იქნება პრობლემა, თუ საჭირო თანხას გადაიხდი. ზუსტად ამიტომ, სამშენებლო რეგულაციები თბილისის კეთილდღეობას არ ემსახურება,“ - აღნიშნავს ზურაბ ჯაფარიძე.


გარდა იმისა, რომ ჯაფარიძე გამოსავალს გადაწყვეტილებების ადგილობრივად მიღებაში ხედავს და სამშენებლო რეგულაციების არსებობას კორუფციულ სქემას უკავშირებს, იგი არც თბილისის გენერალურ გეგმას იწონებს.


„გენგეგმის მთავარი პრობლემა არის იმაში, რომ ნებისმიერ დროს შეიძლება დოკუმენტის ჩასწორება, რაიმეს ჩამატება ან ამოღება. გამოდის, რომ უფრო ფორმალურ სახეს ატარებს და ყველას შეუძლია საკუთარ ინტერესებს მოარგოს. ზოგადად, არ მგონია კალაძე დღე და ღამე იმაზე ფიქრობდეს, მე და თქვენ როგორ ვცხოვრობთ, რადგან თავად არის  წყნეთში და მუშაობს საბურთალოზე. და კიდევ, კონკრეტული მშენებლობის გამო ადგილობრივი მაცხოვრებლები რომ აპროტესტებენ, ლანძღავენ და აგინებენ მერს, მის ადგილას რატომ მივიღებდი ხალხისთვის სალანძღავ გადაწყვეტილებას, თუ რაიმე ინტერესი არ მექნებოდა?!“ - ამბობს ჯაფარიძე.



სალომე ლემოჯავა 






საქართველოში მალე შეიძლება Game of Thrones-ის ვისკი შემოვიდეს

საქართველოში მალე შეიძლება Game of Thrones-ის ვისკი შემოვიდეს
access_time2019-04-18 14:25:16
საქართველოში მალე შეიძლება Game of Thrones-ის ვისკი შემოვიდეს.  HBO-მ უკვე მიმართა საქპატენტი • Sakpatenti-ს სავაჭრო ნიშნის რეგისტრაციისთვის.  ეს ინფორმაცია საქპატენტის ოფიციალური გვერდზეა გამოქვეყნებული.  HBO ამერიკული საკაბელო და სატელიტური ტელევიზიის ქსელია, რომელიც სატელევიზიო შოუებს, პროგრამებსა და საკუთარი წარმოების სერიალებს სთავაზობს მომხმარებელს. HBO-ს სერიალებს შორისაა „სოპრანოს კლანი“, „სექსი დიდ ქალაქში“, „ანტურაჟი“, „სამეფო კარის...

„მეღვინეობა ჩელთმა“ საქართველოს ისტორიაში პირველად გრანდ ოქროს ტიტული მოიპოვა

„მეღვინეობა ჩელთმა“  საქართველოს ისტორიაში პირველად გრანდ ოქროს ტიტული მოიპოვა
access_time2019-04-18 13:30:18
ქართულმა ღვინომ საქართველოს ისტორიაში პირველად გრანდ ოქროს ტიტული მოიპოვა. ჯილდოს მფლობელი „მეღვინეობა ჩელთი“ გახდა. როგორც „კომერსანტს“ მარნის გენერალურმა მენეჯერმა ანდრია მირიანაშვილმა განუცხადა „პროვაინის“ გამოფენაზე მათ მიერ წარდგენილმა ხუთი სხვადასხვა სახეობის ღვინომ უმაღლეს ნომინაციაში გაიმარჯვა და ხუთი ოქროს მედალი...

თანაინვესტირების ფონდი: „პანორამა თბილისის“ მშენებლობისას 3 მუშის ჩამოვარდნის სავარაუდო მიზეზი იყო ბაგირის და კალათის გამოდება წინაღობაზე

თანაინვესტირების ფონდი: „პანორამა თბილისის“ მშენებლობისას 3 მუშის ჩამოვარდნის სავარაუდო მიზეზი იყო ბაგირის და კალათის გამოდება წინაღობაზე
access_time2019-04-18 11:58:15
თანაინვესტირების ფონდი განცხადებას ავრცელებს. „კომერსანტი“ მას უცვლელად გთავაზობთ. „გვსურს გამოვეხმაუროთ 2019 წლის 17 აპრილს, რუსთავი 2-ის ეთერში, კერძოდ გადაცემაში „კურიერი“ გასულ სიუჟეტს პანორამა თბილისისა და სამი დაშავებული მუშის თაობაზე, რომელშიც გაჟღერდა არაერთი მცდარი ინფორმაცია. • რუსთავი 2-ის მიერ გავრცელებული ინფორმაციის თანახმად შრომის ინსპექციის წარმომადგენლებმა ობიექტზე შესვლა მხოლოდ სამოქალაქო აქტივისტების დახმარებით შეძლეს, რაც ტყუილია. შრომის უსაფრთხოების...

ვასილ სოფრომაძე ვიცე მერს დოკუმენტით პასუხობს - ფრესკოს დამფუძნებელი მერიისგან გაგზავნილ გადაწყვეტილებას ასაჯაროვებს

ვასილ სოფრომაძე ვიცე მერს დოკუმენტით პასუხობს - ფრესკოს დამფუძნებელი მერიისგან გაგზავნილ გადაწყვეტილებას ასაჯაროვებს
access_time2019-04-18 12:30:01
„ფრესკოს დამფუძნებელი, ვასილ სოფრომაძე მერიის იმ გადაწყვეტილებას აქვეყნებს, რომელიც მის მიერ რამდენიმე დღის წინ გაკეთებულ განცხადებას დოკუმენტურად ამყარებს. გადაწყვეტილებაში ვკითხულობთ: „ვინაიდან მომიჯნავე ს/კ N01.13.05.015.008 მიწის ნაკვეთი წარმოადგენს შეუსაბამო მიწის ნაკვეთს, საპროექტო ტერიტორიის კონფიგურაციაში რეკომენდირებულია მოაზრებულ იქნას ს/კ N01.13.05.015.008 მიწის ნაკვეთიც და მოხდეს მისი ერთიანი გაერთიანება“....

დათო დარჩია: ღატაკებში ვიყავი და ახლა მათხოვრებში გადავედი... ერთი სული მაქვს, ამ ქვეყნიდან გავიქცე“

დათო დარჩია: ღატაკებში ვიყავი და ახლა მათხოვრებში გადავედი...  ერთი სული მაქვს, ამ ქვეყნიდან გავიქცე“
access_time2019-04-18 11:25:10
“უკაცრავად და, ქვეყანა გვაქვს  ჩასვრილი (მე მაპატიეთ) და შესაბამისად, მსახიობებიც ჩასვრილი (კიდევ ერთხელ, ბოდიში) ვართ, როგორც ყველა სხვა პროფესიის წარმომადგენლები. არც კინოშია ფული და არც – თეატრში. დღეს ჩემი ხელფასით მათხოვრებში ვარ. ღატაკებში ვიყავი და ახლა მათხოვრებში გადავედი. ყველაფრი ცუდადაა და ერთი სული მაქვს, ამ ქვეყნიდან გავიქცე. იქ წავალ, სადაც შრომა და ნიჭი ფასდება. ამერიკაზე ვფიქრობ. ამ ეტაპზე მარტო ვაპირებ, მაგრამ ჩემს შვილებსაც ვურჩევ, აუცილებლად გაიქცნენ ამ ქვეყნიდან,...


მსგავსი სიახლეები

up