ზურაბ ჯაფარიძე გირჩის ფეისბუჯ ჯგუფს წერს, რომ გაყოფის გადაწყვეტილება არ იყო გუშინ მიღებული — გუშინწინ საღამოს მე მქონდა საუბარი იმ ადამიანებთან, ვინც ჩაუყარა საფუძველი გირჩს, ვინც წლებია საკუთარი დრო, ენერგია და ცხოვრება ჩადო გირჩში, ვინც ჩემთან ერთად შექმნა და ჩაატარა მთელი წინასაარჩევნო კამპანია წელს, სექტემბერ-ოქტომბერში, ვინც არასოდეს ჩანდა წინა პლანზე, თუმცა აკეთებდა ფასდაუდებელ საქმეს გირჩისთვის
განხილვის თემა იყო გირჩის მომავალი
ჩვენ არ გვაქვს პრეტენზია გირჩის ყველა რესურსზე, მაგრამ ვთვლით რომ სახელი ‘გირჩი’, ისევე როგორც გირჩის ფბ გვერდი, უნდა დარჩეს ჩვენთან
ყველაფერს რომ თავი დავანებოთ - ერთიც და მეორეც გოგა ხაჩიძის შექმნილია
თუმცა გირჩის დანარჩენი ლიდერებისგან უარი მიიღო. — გუშინ დილით მე მქონდა კომუნიკაცია იაგო/სანდრო/ვახოსთან, და შევთავაზე ცივილიზებული ფორმით დაშორება - ჩვენ გვრჩება მხოლოდ სახელი და პეიჯი, ხოლო მათ რჩებათ ყველაფერი დანარჩენი - ბიბლიური თავისუფლება თავის შემოსავლებით, პორტალი თავის ჯედებით, ვებგვერდი, ფბ ჯგუფები, ავეჯი, ინვენტარი და ა.შ.
პასუხად მივიღე:
ჯერ რჩევა რომ ‘დავოკებულიყავი’
შემდეგ მუქარა რომ ‘გავნადგურდებოდი’
შემდეგ ეჭვი რომ შესაძლოა ‘სუსის კაცი’ ვიყო
ბოლოს კი ისევ რჩევა რომ ჩემი ნებით წავსულიყავი გირჩიდან, რადგან სახელში უკვე მიწერია გირჩი და ეგ უნდა ვიმყოფინო.
აქედან გამომდინარე ზურაბ ჯაფარიძე წერს, რომ ამჯერად საჯაროდ მიმართავს მათ და სთავაზობს იგივე შეთავაზებას.
ჯაფარიძე
