ზურაბ ჭიაბერაშვილი საპენსიო რეფორმაზე: „ეს ფინანსური პირამიდაა, რომელშიც მთავრობა ძალით მიგვათრევს“

ზურაბ ჭიაბერაშვილი საპენსიო რეფორმაზე: „ეს ფინანსური პირამიდაა, რომელშიც მთავრობა ძალით მიგვათრევს“

access_time2018-02-20 12:30:14

„პრობლემა იმაშია, რომ საზოგადეობას არც კი რჩება დასაზოგი თანხა. ვის ეხება ეს კანონპროექტი?“- ამის შესახებ  რადიო „კომერსანტის“ გადაცემაში „ეკონომისტის დრო ლევან ქისტაურთან ერთად“ „ევროპული საქართველოს წევრმა ზურაბ ჭიაბერაშვილმა საპენსიო რეფორმაზე კომენტირებისას განაცხადა.

 

როგორც ჭიაბერაშვილი აცხადებს, დღევანდელი პენსია და ზოგადად შემოსავალი მოქალაქის ცხოვრებას სრულფასოვნად ვერ უზრუნველყოფს.

 

„ჩვენ რომ ჩვეულებრივი მოქალაქის თვალით შევხედოთ, ყველანი უნდა შევთანხმდეთ იმაზე, რომ დღევანდელი 180 ლარიანი პენსიით ადამიანი უზრუნველად ვერ იცხოვრებს, რადგან ცხოვრება გაძვირდა. ასევე აღსანიშნავია ისიც, რომ ჩვენ ბოლო წლების განმავლობაში დაბალ ეკონომიკურ ზრდას ვხედავთ.

 

2017 წელს ფასების ზრდა მკვეთრად (6,7%-ად) შეინიშნებოდა. ელემენტარულად, როდესაც ადამიანს საკვებზე ძალიან დიდი თანხა ეხარჯება მას საკმარისი თანხა ტანისამოსის შეძენასა და დასვენებაზე აღარ რჩება

პრობლემა იმაშია, რომ საზოგადეობას დასაზოგი თანხა არც კი რჩება. ვის ეხება ეს კანონპროექტი? ანუ ვინ უნდა დააგროვოს სავალდებულოდ? “ - განაცხადა ჭიაბერაშვილმა.  

 

„ევროპული საქართველოს“ წევრი ამავე ჭრილში ქვეყნის მთავარ ეკონომიკურ გამოწვევებზეც საუბრობს. მას მიაჩნია, რომ აღნიშნული კანონპროექტით სასურველი შედეგის მიღწევა საეჭვოა.

„ჩვენი მთავარი გამოწვევა დღეს უმუშევრობა, ფასების ზრდა და დაბალი შემოსავალია.


ადამიანებს თანხის დაგროვება როგორც არ უნდა სურდეთ, სამწუხაროდ დღევანდელი შემოსავლები ამის საშუალებას არ იძლევა და სახელმწიფოს მხრიდან ამის იძულება არასწორია.

იმ შედეგის მიღწევა, რაც აღნიშნული კანონპროექტის ავტორებს სურთ საკმაოდ საეჭვოა, რადგან წინასწარ პროგნოზების გაკეთება რთულია“, - აღშნიშნა ზურაბ ჭიაბერაშვილმა.  

 

როგორც „ევროპული საქართველოს წევრმა „კომერსანტს“ განუცხადა, იმ ქვეყნებში სადაც მსგავსი მოდელია საპენსიო ასაკი 65-დან 67-წლამდეა გადავადებული. ჭიაბერაშვილი მიმდინარე პროცესს მთავრობის მხრიდან იძულებად აფასებს და ამას სახიფათოდ მიიჩნევს.

 

„მესამე წელია ქართული ოცნება უყაირათო ბიუჯეტის გამო პენსიას ვერ ზრდის.

ადამიანებს უნდა მივცეთ თავისუფლება მათ როგორც სურთ ისე შეინახონ საკუთარი დანაზოგი. მთავრობის მხრიდან იძულება სახიფათოა. ყველგან სადაც მსგავსი მოდელია იქ საპენსიო ასაკი 65-დან 67-წლამდეა გადავადებული იმისათვის, რომ სქემამ ფინანსურად იმუშაოს და არ გაკოტრდეს.

ეს ერთგვარი ფინანსური პირამიდაა, რომელშიც მთავრობა ძალით მიგვათრევს, რატომ? ძალით რატომ აკეთებს მთავრობა ამას?“ - კითხულობს ჭიაბერაშვილმა.

 

მთავრობა 2018 წლის მესამე კვარტლიდან ქვეყანაში ნაწილობრივ სავალდებულო დაგროვებითი საპენსიო რეფორმის ამოქმედებას გეგმავს.

სისტემის ამოქმედების შემთხვევაში მოქალაქეების მიერ დაზოგილ თანხას სპეციალური საპენსიო ფონდი განკარგავს, აღნიშნულ თანხას გარკვეულ საპროცენტო განაკვეთს დაარიცხავს და მოქალაქეებს ამ თანხას პენსიაზე გასვლის შემდეგ დაუბრუნებს. რეფორმა მოსახლეობის საპენსიო უზრუნველყოფის ტვირთის ბიუჯეტიდან მოქალაქეებზე გადატანას ისახავს მიზნად და ის საკმაოდ გრძელვადიან პერიოდს (40 წელი და მეტი) ეხება.

რეფორმის სქემა:

საპენსიო სქემაში ავტომატურად ჩაერთვება ყველა მოქალაქე, ვინც ანაზღაურებას გაფორმებული კონტრაქტის შედეგად იღებს. სისტემა ნაწილობრივ სავალდებულო პრინციპით მოქმედებს. 40 წელზე უფროსებს არჩევანი ექნებათ, გაწევრიანდნენ თუ არა სისტემაში, 40 წლამდე პირებს კი, დაზოგვის ვალდებულება გაუჩნდებათ. საპენსიო სქემა ეხება დასაქმებულს, დამსაქმებელსა და სახელმწიფოს.


„კომერსანტი“

 

 




კომპანიები და მათი მფლობელები, რომელთა „გაშავებასაც“ მერია ითხოვს

კომპანიები და მათი მფლობელები, რომელთა „გაშავებასაც“ მერია ითხოვს
access_time2020-08-11 17:20:07
თბილისის მერი კახი კალაძე საჯარო გამოსვლებში პირობების ჯეროვნად შეუსრულებლობის გამო „გაშავებით“ არაერთხელ დამუქრებია ტენდერებში გამარჯვებულ სხვადასხვა კომპანიას. „ბიზნესპრესნიუსი“ დაიტერესდა, სატენდერო ხელშეკრულებების დარღვევის გამო რამდენ შემთხვევაში მოითხოვა მერიამ კომპანიის „შავ სიაში“ მოხვედრა. მერიის შესაბამისი სამსახურების მიერ მოწოდებული ინფორმაციიდან ირკვევა, რომ თბილისის მერიამ მიმწოდებლის „შავ სიაში" რეგისტრაციასთან დაკავშირებით სახელმწიფო შესყიდვების სააგენტოს...

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა
access_time2020-08-11 16:10:36
ვლადიმერ პუტინის განცხადებით რუსეთის ჯანდაცვის სამინისტრომ ადამიანებზე ორ თვიანი ტესტირების შემდეგ, მსოფლიოში პირველი კორონავირუსის ვაქცინა დაამტკიცა. რუსეთის მიერ შექმნილი კორონავირუსის საწინააღმდეგო ვაქცინა ვლადიმერ პუტინის შვილმაც გაიკეთა. „ჩემმა ერთ-ერთმა ქალიშვილმა ვაქცინა გაიკეთა, ამ მხრივ, მან პრეპარატის შემოწმების პროცესშიც მიიღო მონაწილეობა“ - აცხადებს რუსეთის პრეზიდენტი. პირველი ვაქცინის შემდეგ პუტინის ქალიშვილს 38 გრადუსი სიცხე დაუფიქსირდა,...

ვითიბი ბანკი ავტო სესხზე განსაკუთრებულ პირობებს სთავაზობს

ვითიბი ბანკი ავტო სესხზე განსაკუთრებულ პირობებს სთავაზობს
access_time2020-08-11 11:00:27
ვითიბი ბანკი, ახალი ავტომობილის შეძენის მსურველებს, განსაკუთრებულ პირობებს სთავაზობს. შეთავაზების ფარგლებში მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად. რაც მთავარია 3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის...

რუსი ტურისტების რაოდენობა თურქეთის კურორტებზე 32%-ით გაიზარდა

რუსი ტურისტების რაოდენობა თურქეთის კურორტებზე 32%-ით გაიზარდა
access_time2020-08-11 18:00:56
1 აგვისტოდან რუსეთმა თურქეთის მიმართულებით ავიაფრენები განაახლა და დღეისთვის მოთხოვნამ 2019 წლის ანალოგიური პერიოდს უკვე გადააჭარბა. Аэрофлот-ის ყველაზე მოთხოვნად რეისზე - „მოსკოვი-სტამბოლი“, მგზავრთა ნაკადმა 85%-ს მიაღწია. ავიაკომპანია S7-ში ამბობენ, რომ ბილეთების დაჯავშნა წინმსწრები ტემპებით მიმდინარეობს და სახეზეა გადადებული მოთხოვნის ეფექტი. Aviasales-ის მონაცემებით, 24 ივლისიდან, როდესაც ავიამიმოსვლის აღდგენის შესახებ...

ქართულმა ზეითუნის ზეთმა იმპორტირებულის 22% ჩაანაცვლა

ქართულმა ზეითუნის ზეთმა იმპორტირებულის 22% ჩაანაცვლა
access_time2020-08-11 13:30:04
„საქართველოში წარმოებული ზეითუნის ზეთით იმპორტის 22%-ს ვანაცვლებთ,“ - განუცხადა „ბიზნესპარტნიორს“ „ქართული ზეთისხილის“ დამფუძნებელმა გიორგი სვანიძემ. მისივე განმარტებით, უახლოეს პერიოდში ეს მაჩვენებლები 30%-საც გადააჭარბებს. „წლების წინ, როცა ჩვენ დავიწყეთ საქართველოში ზეთისხილის ბიზნესი. პროდუქტის 100% იმპორტირებული იყო. ეტაპობრივად ჩვენ მოვახერხეთ ბაზრის წილის ათვისება და ამ დროისთვის ეს მაჩვენებელი უკვე 20-22%-ს შეადგენს,“ -...


მსგავსი სიახლეები

up