ზურაბ ჭიაბერაშვილი საპენსიო რეფორმაზე: “ბიზნესს ვკლავთ იმისთვის, რომ ისევ მთავრობას ჰქონდეს მეტი ფული და დააფინანსოს უაზრობები“

ზურაბ ჭიაბერაშვილი საპენსიო რეფორმაზე: “ბიზნესს ვკლავთ იმისთვის, რომ ისევ მთავრობას ჰქონდეს მეტი ფული და დააფინანსოს უაზრობები“

access_time2019-08-13 10:00:57

საპენსიო სქემა 141 000-მა ადამიანმა დატოვა, მათ შორის 41 000 საჯარო მოხელეა, - ამის შესახებ გუშინ ოფიციალურად განაცხადა საპენსიო სააგენტოს დირექტორმა, ლევან სურგულაძე. თუმცა, იმავე სააგენტოს მიერ „ევროპული საქართველოს ერთ-ერთი ლიდერისთვის ზურაბ ჭიაბერაშვილისთვის გაგზავნილ წერილში, რომელიც დეპუტატმა “კომერსანტს“ მიაწოდა ვკითხულობთ, რომ საპენსიო სისტემა დატოვა 148 ათასმა 40 წელს გადაცილებულმა დასაქმებულმა.



როგორც ჭიაბერაშვილი ჩვენთან საუბარში განმარტავს, ეს იმ ადამიანების 50%-ია, ვისაც საპენსიო სისტემის დატოვება შეეძლო.


 ივლისის მეორე ნახევრის მონაცემებით, დაახლოებით 148 ათასმა ადამიანმა დატოვა საპენსიო სქემა. იმ ადამიანთა რაოდენობა, ვისაც სქემის დატოვება შეუძლია (თქვენ იცით, რომ 40 წლის ქვემოთ ადამიანებს დატოვება არ შეუძლიათ), მათი რიცხვი მუდამ მერყეობდა - პირველ აპრილს 275 ათასს შეეძლო დატოვება, 6 აგვისტოს 325 ათასს. იმ მომენტისთვის, როცა 148 ათასმა ადამიანმა დატოვა, უნდა ვივარაუდოთ, რომ 300 ათას ადამიანს შეეძლო დატოვება. ანუ, ჯამურად, 50%-მა იმ ადამიანებისა, ვისაც შეეძლო დატოვება, სქემა დატოვა, - აღნიშნავს ზურაბ ჭიაბერაშვილი.



ევროპული საქართველოს ლიდერის თქმით, მეტი ინფორმირებულობის შემთხვევაში, სქემას კიდევ უფრო მეტი ადამიანი დატოვებდა:



საინფორმაციო კამპანია რომ უფრო სრულყოფილი ყოფილიყო, გაცილებით მეტი ადამიანი დატოვებდა. მთავრობამ ჯერ ყველანი შეგვიყვანა სქემაში და მერე არაფერი გააკეთა საიმისოდ, რომ განემარტა ადამიანებისთვის, როდის და როგორ შეეძლოთ მათ სქემის დატოვება, თორემ დარწმუნებული ვარ, საზოგადოების უფრო დიდ ნაწილსაც შეეძლო, 50% ისედაც დიდია.


რატომ ტოვებენ ადამიანები საპენსიო სისტემას, ამ საკითხის გარკვევა “კომერსანტმა“ ისევ ზურაბ ჭიაბერაშვილთან სცადა.


„სანამ ძალაში შევიდოდა საპენსიო რეფორმა, კვლევები აჩვენებდა მის მიმართ უნდობლობას. გამოკითხულთა 80 პროცენტი ამბობდა,  რომ რეფორმა საჭიროა,  მაგრამ 2/3 ამბობდა,  რომ ეს უნდა იყოს ნებაყოფლობითი, ეს ამოქმედებამდეც იცოდა მთავრობამ. ეს ხალხი ამბობს ასეთ რაღაცას, რომ „დაზოგვა მეც ვიცი რომ კარგია, მაგრამ მაქვს დღეს ამის საშუალება რომ რამე  დავზოგო?“ დასაქმებულების 2/3-ს ხელფასი აქვს 600 ლარი და ნაკლები, შემოსავალი არ ეზრდებათ და  ეზრდებათ ხარჯი. პარლამენტის ჯანდაცვის კომიტეტის თავმჯდომარე აკაკი ზოიძე პირდაპირ ამბობდა, რომ საპენსიო დაზღვევა ნებაყოფლობითი რომ იყოს, ადამიანები არ ჩაერთვებიანო - არ დააგროვებენ იმიტომ, რომ საშუალება არ აქვს, იმიტომ რომ დღევანდელი მიმდინარე ხარჯი აქვთ ძალიან დიდი. მეორე საკითხია ის, რომ ამ საზოგადოებას განცდილი აქვს საბჭოთა ანაბრების დაკარგვა.  ლარის მერყეობას რომ უყურებენ ეს ადამიანები, ანგარიშობენ, ინფლაცია მაღალია, გადადებული ფულით რას იყიდიან მომავალში. რაც უფრო დაბალშემოსავლიანია ადამიანი, მისი დანაზოგი უფრო მიზერული იქნება და მერე მთავარია, რომ იმ ფულს ძალა არ ექნება, ხალხს აქვს განცდა - რატომ მაგროვებინებთ სიბერისთვის, თუ დღესაც არ მყოფნის ეს ფული?“ - ამბობს ევროპული საქართველოს დეპუტატი.



 როგორც ცნობილია, ფონდში აკუმულირებული თანხა ამჟამად განთავსებულია დეპოზიტებზე ეროვნულ ბანკსა და კომერციულ ბანკებში (დაახლოებით 50%-50%). სარგებელი საშუალოდ 7-8%-ს შეადგენს. რეფორმის თანახმად დაგროვილი თანხით ინვესტიციები უნდა განხორციელდეს, რასაც სააგენტოს საინვესტიციო საბჭო წყვეტს. აქამდე ინვესტიციები იმიტომ არ განხორციელდა, რომ საბჭოს შემადგენლობა დამტკიცებული არ იყო. საბოლოოდ, მისი შემადგენლობა 11 ივნისს დაამტკიცა პარლამენტმა, ახლა კი საბჭომ საინვესტიციო პოლიტიკის დოკუმენტი უნდა შეიმუშავოს, რომლის მიხედვითაც ინვესტიციები განხორციელდება.



„რაც შეეხება აკრეფილი ფულის გამოყენებას ეკონომიკის განვითარებისთვის, ჯერ ფულის აკრეფის პრობლემა დგას, იმიტომ რომ ხალხს ფული არ აქვს და ღარიბ ადამიანებს რაც მეტს წაართმევ, ქვეყანაში სიღარიბე იზრდება. მე ვესწრებოდი საინვესტიციო საბჭოს კანდიდატურებთან ინტერვიუს, ეს ხალხი ძალიან კვალიფიციური და გამოცდილი ადამიანები არიან , მათთან პრობლემა არ მაქვს. მთავარი ისაა, რომ კომისიამ ამ ადამიანებს დავუსვით  ერთი და იგივე შეკითხვა - სად უნდა დაბანდდეს ეს ფული. ეს ხალხი ამბობს, რომ ქვეყანაში კაპიტალის ბაზარი არ არის და ერთადერთი რაც შეიძლება გაკეთდეს მომდევნო 5-7 წლის განმავლობაში არის ის, რომ ფული უნდა ჩაიდოს სახაზინო ობლიგაციებში და ბანკებში. ანუ ფული ისევ უნდა გამოიყენოს  მთავრობამ და ბანკებმა, რაც ნიშნავს უფრო სუსტ ეკონომიკას, უფრო მერყევ ლარს, ხალხის გაღარიბებას ჯერ იმით, რომ ზედმეტი ფული წავართვით და მეორეც  ეკონომიკა აღარ გვაქვს. ჩვენ არ გვაქვს ადგილი, სადაც უნდა დავაბანდოთ ფული, შეგვიძლია, რომ საინვესტიციო საბჭომ ეს ფული განათავსოს უცხოეთში, მაგრამ ამ რეფორმის მთავარი გამართლება იყო ის, რომ ეს ფული ჩვენს ეკონომიკაში უნდა დაბანდებულიყო, ადგილზე კი ეკონომიკა არ გვაქვს ისეთი, რომ საპენსიო სააგენტოს მიერ დაგროვილი ფული ბიზნესმა გამოიყენოს. გამოდის, რომ ჩვენ ადამიანებს და ბიზნესსაც წავართვით შემოსავლის ის ზედმეტი 2 პროცენტი, რომელიც მან თავის დასაქმებულს გადაუხადა  და ეს თანხა ისევ მოხდა მთავრობისა და ბანკების ხელში, ბიზნესი კი იმათ შეჰყურებს რადგან ფულის წყარო ისინი არიან. ბიზნესს ვკლავთ იმისთვის, რომ ისევ მთავ​რობას ჰქონდეს მეტი ფული და დააფინანსოს უაზრობები,  რომელსაც ცალკეული ადამიანებისთვის მოაქვს ხეირი და არა ეკონომიკისთვის. ეს არის ჩაკეტილი წრე. ეს აუცილებლად ახალგაზრდებში უმუშევრობას გაზრდის და გაზრდის სიღარიბეს.  გაისად გამოქვეყნდება სიღარიბის კვლევა და ვნახავთ არც ისე სახარბიელო შედეგს.“- განაცხადა ზურაბ ჭიაბერაშვილმა



მარიამ მორგოშია





საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს

საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს
access_time2020-01-29 19:30:04
შესაძლოა, საქართველოში 19 კილომდე მარიხუანას დათესვა/მოყვანა ნებადართული გახდეს.საქართველოს საკონსტიტუციო სასამართლოში უკვე შესულია პოლიტიკური მოძრაობა “გირჩის” სარჩელი, რომელიც კანაფის კულტივირებისთვის პატიმრობის გაუქმებას ითხოვს.საკონსტიტუციო სასამართლოში „გირჩის“ წევრებმა სარჩელი ბრალდებულ ავთანდილ მეტრეველის სახელით შეიტანეს. ლევან მეტრეველს მარიხუანას  კულტივირებისთვის სასჯელად ციხე ემუქრება. “გირჩი” მიიჩნევს, რომ სასჯელის ეს ზომა...

თბილისში მეორადი საბურავებით ვაჭრობა აიკრძალება

თბილისში მეორადი საბურავებით ვაჭრობა აიკრძალება
access_time2020-01-29 16:25:47
თბილისში აალებადი ნივთიერებებით და მეორადი საბურავებით ვაჭრობა აიკრძალება. აღნიშნულის შესახებ თბილისის მერიამ კანონპროექტი მოამზადა.როგორც დედაქალაქის ვიცე-მერმა, ირაკლი ხმალაძემ ჟურნალისტებს განუცხადა, უახლოეს დღეებში საკრებულო იმსჯელებს კონკრეტულ ადგილებზე, რასაც აკრძალვა შეეხება. „კანონპროექტი მომზადებული და მიღებულია. ის ითვალისწინებს, რომ საკრებულომ წესი დაადგინოს და განსაზღვროს ადგილები, სად არის დასაშვები რეალიზაცია და სად არ არის დასაშვები. ეს წესიც მომზადების...

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე
access_time2020-01-29 20:30:47
სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე. ვირუსი მოახდენს ნეგატიურ გავლენას კორპორაციებზე, რომელთა საქმიანობა ასე თუ ისე დაკავშირებულია ტურიზმთან - ნათქვამია Fitch-ის დასკვნაში. თუ ინფექციის გავრცელება გაიზრდება, ყველა საგრძნობლად დაზარალდება.მათ შორის, ტაილანდი, ვიეტნამი, და სინგაპური, რომლებიც ტურიზმისგან სოლიდურ შემოსავალს იღებენ.ასევე დაზარალდებიან ჰონკონგი და მაკაო. აზიურ ქვეყნებს, რომლებსაც...

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“
access_time2020-01-29 17:30:26
საქართველოს ეროვნული ბანკის პრეზიდენტი კობა გვენეტაძე ფიქრობს, რომ „ხმები მიკროსაფინანსო სექტორის გარდაცვალებაზე გადაჭარბებულია.როგორც კობა გვენეტაძემ მიკროსაფინანსო ორგანიზაციების რაოდენობის შემცირებასა და გასულ წელს მიკროსაფინანსო სექტორის წამგებიან ოპერირებასთან დაკავშირებით განაცხადა, მიკროსაფინანსო სექტორმა უნდა გაიაროს იგივე გზა, რაც გაიარა საბანკო სექტორმა 90-იან წლებში. როგორც ეროვნული ბანკის პრეზიდენტი განმარტავს, მიკროსაფინანსო სექტორი არაჯანსაღად იზრდებოდა და საჭირო იყო შესაბამისი...

„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს

„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს
access_time2020-01-29 14:45:33
ეროვნული ბანკის პრეზიდენტის კობა გვენეტაძის განცხადებით, მარტიდან შესაძლებელია, საბანკო რეგულაციებში გარკვეული ცვლილებები შევიდეს. როგორც გვენეტაძემ მონეტარული პოლიტიკის კომიტეტის სხდომის შემდეგ ჟურნალისტებს საბანკო რეგულაციების შესაძლო გამარტივების შესახებ განუცხადა, ადასტურებს, რომ გარკვეული ცვლილებები იგეგმება, რომელიც ამჟამად დამუშავების პროცესშია. მისივე თქმით,...


მსგავსი სიახლეები

up