ზურაბ ბატიაშვილი - სირიაში მდგომარეობის გამწვავებამ  შესაძლოა, საქართველოზე გავლენა მოახდინოს როგორც ეკონომიკური, ისე უსაფრთხოების კუთხით

ზურაბ ბატიაშვილი - სირიაში მდგომარეობის გამწვავებამ შესაძლოა, საქართველოზე გავლენა მოახდინოს როგორც ეკონომიკური, ისე უსაფრთხოების კუთხით

access_time2019-10-13 15:15:39

სირიაში მიმდინარე კონფლიქტს საქართველოსთვის ორი განზომილება აქვს, - ამის შესახებ რონდელის ფონდის მკვლევარმა, ზურაბ ბატიაშვილმა „ინტერპრესნიუსთან“ საუბრისას განაცხადა.


ბატიაშვილის თქმით, თუ თურქეთის წინააღმდეგ სანქციები იქნება შემოღებული, რაც თურქული ლირის გაუფასურებას გამოიწვევს, ეს ქართული ლარის კურსზეც უარყოფითად აისახება.


„სირიაში მიმდინარე კონფლიქტს საქართველოსთვის ორი განზომილება აქვს. პირველი - ეს არის ეკონომიკური. ეკონომიკური იმდენად, რამდენადაც, თუ თურქეთის წინააღმდეგ სანქციები იქნება შემოღებული, მაშინ აუცილებლად მოსალოდნელია, რომ გაუფასურდება თურქული ლირა, რომელიც ისედაც დევალვაციას განიცდის და წნეხის ქვეშაა. ამას აუცილებლად მოჰყვება ქართული ლარის გაუფასურება, რადგან საქართველოს ათასობით მოქალაქე ცხოვრობს და მუშაობს თურქეთში და ისინი ხელფასს იღებენ თურქულ ლირაში, შესაბამისად, ისინი უფრო ნაკლები უცხოური ვალუტის შეძენასა და საქართველოში გამოგზავნას შეძლებენ. არაფერი რომ არ ვთქვათ იმაზე, რომ თურქეთი საქართველოსთვის ნომერ პირველი სავაჭრო პარტნიორია და ესეც მოახდენს გავლენას საქართველოზე. ამასთან, ინვესტიციების შემცირება მოსალოდნელია, რადგან, როდესაც ეკონომიკას უჭირს, ბიზნესმენები, როგორც წესი, თავს იკავებენ ხოლმე ინვესტიციების განხორციელებისგან. ანუ, თუ თურქეთიდან ვინმე ინვესტიციას ფიქრობდა, ეკონომიკური კრიზისის ფონზე ამის შანსი ნაკლები იქნება“, - განაცხადა ბატიაშვილმა.


როგორც ზურაბ ბატიაშვილი აღნიშნავს, სირიაში მდგომარეობის გამწვავებამ საქართველოზე გავლენა შესაძლოა, უსაფრთხოების კუთხითაც მოახდინოს.


„ როგორც დავინახეთ იგივე ჩატაევისა და მისი რაზმის შემთხვევაში, როდესაც სირიაში დიდი ცვლილებები ხდება, როგორც წესი, რადიკალური ჯიჰადისტური მოძრაობები იწყებენ ხოლმე მოძრაობას. თუ ამ მოძრაობის კიდევ ახალი ნაკადი დაიწყება, შესაძლოა ჯერ თურქეთში გადმოვიდნენ, თურქეთიდან კი შეიძლება საქართველოში წამოვიდნენ - ესეც საფრთხის შემცველია. აქ ისიც არის გასათვალისწინებელი, რომ ბრძოლებში მონაწილეობენ როგორც საქართველოს მოქალაქეები, ისე - ჩრდილოკავკასიელი რუსეთის მოქალაქეები, რომლებიც ერთ-ერთ ალტერნატივად ყოველთვის განიხილავენ ხოლმე საქართველოს - ეს დავინახეთ ჩატაევის შემთხვევაშიც“, - განაცხადა ბატიაშვილმა.


რაც შეეხება საქართველოს პოზიციონერიების საკითხს ამერიკის შეერთებულ შტატებსა და თურქეთს შორის, ზურაბ ბატიაშვილის თქმით, ორივე ქვეყანასთან კეთილმეზობლური ურთიერთობა საქართველოსთვის ძალიან მნიშვნელოვანია.


„ორივე ქვეყანა ჩვენი პარტნიორი და სტრატეგიული მოკავშირეა, ორივე ნატოს წევრია და მათთან კეთილმეზობლური ურთიერთობა ჩვენთვის სასიცოცხლოდ მნიშვნელოვანია. შესაბამისად, ამ კონფლიქტის მონაწილე მხარე არ ვართ და ამასთან, ყოველ შემთხვევაში ამ მომენტისთვის, სიტუაცია ისე დაძაბული არ არის, რომ ერთმა ან მეორე მხარემ ჩვენ პოზიციონერება მოგვთხოვოს“, - განაცხადა ბატიაშვილმა.


შეგახსენებთ, რომ 10 ოქტომბერს თურქეთის ჯარმა და სირიის ეროვნულმა არმიამ სირიაში ქურთების წინააღმდეგ საჰაერო და სახმელეთო თავდასხმა განახორციელეს. თურქეთის პრეზიდენტის რეჯეფ ტაიფ ერდოღანის განცხადებით, საბრძოლო მოქმედებების მიზანი ტერორისტული დერეფნის განადგურება და რეგიონში მშვიდობის დამყარებაა.


ipn





იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up