ზურაბ ბატიაშვილი - საბჭოთა კავშირის ახალი ფორმით შექმნის საშიშროება რეალური გახდა - თუ უკრაინაში რუსებს გაუვიდათ, შემდეგ საქართველო იქნება მიზანში ამოღებული

ზურაბ ბატიაშვილი - საბჭოთა კავშირის ახალი ფორმით შექმნის საშიშროება რეალური გახდა - თუ უკრაინაში რუსებს გაუვიდათ, შემდეგ საქართველო იქნება მიზანში ამოღებული

access_time2021-04-14 12:40:00

საბჭოთა კავშირის ახალი ფორმით შექმნის საშიშროება რეალური გახდა - თუ უკრაინაში რუსებს გაუვიდათ, ცხადია, რომ უკრაინის შემდეგ საქართველო იქნება მიზანში ამოღებული, - ამის შესახებ საგარეო საკითხებში ექსპერტმა ზურაბ ბატიაშვილმა „ინტერპრესნიუსთან“ საუბარში განაცხადა, რითაც უკრაინაში განვითარებული მოვლენები შეაფასა.


ექსპერტის თქმით, საქართველო ყველანაირად უნდა ეცადოს, რომ შექმნილ ვითარებაში უკრაინასთან ერთად იყოს, თუმცა ხელისუფლების მხრიდან არანაირი იდეა არ ჩანს.


„ახლა საერთაშორისო პარტნიორების ყურადღება ძირითადად უკრაინისკენ არის მიმართული იმიტომ, რომ რუსული აგრესიის საფრთხე რეალურად დგას და ეს საფრთხე მხოლოდ უკრაინას არ ემუქრება. ზოგადად ევროპის უსაფრთხოების კონცეფციას თავდაყირა აყენებს და საბჭოთა კავშირის ახალი ფორმით შექმნის საშიშროება რეალური გახდა, ამიტომ ბუნებრივია, რომ ამერიკელი და ევროპელი პოლიტიკოსების მთავარი საკითხი დღის წესრიგში არის უკრაინა, მაგრამ ჩვენ უნდა ვეცადოთ უკრაინასთან ერთად საქართველოც იყოს მუდმივად დღის წესრიგში ორი მიზეზის გამო - ერთი არის რუსული აგრესია და თუ უკრაინაში რუსებს გაუვიდათ, ცხადია, რომ უკრაინის შემდეგ საქართველო იქნება მიზანში ამოღებული და მეორე არის ის, რომ რეალურად საქართველოში გვჭირდება დემოკრატიის განვითარება, გვჭირდება დაცული იყოს ადამიანის უფლებები, სასამართლო იყოს დამოუკიდებელი და ა.შ. ჩვენ ჩვენი დღის წესრიგით უნდა შევეცადოთ, რომ ვიყოთ უკრაინასთან ერთად ყველანაირად და უკრაინასთან ერთად უფრო ადვილი იქნება ბევრი საკითხის გატანა საერთაშორისო არენაზე, რომელიც წაადგება ჩვენს ქვეყანას. სამწუხაროდ, ვერ ვხედავ, რომ ხელისუფლებას რამე იდეა ჰქონდეს დარჩენილი. მათი ერთადერთი იდეა არის ის, რომ იყვნენ ხელისუფლებაში, ოღონდ ეს ხელისუფლებაში ყოფნა რისთვის სჭირდებათ ამაში მთლად ბოლომდე, როგორც ჩანს, არ არიან ჩამოყალიბებულები. სამწუხარო ფაქტია ის, რომ ქვეყანაში ვერანაირად ვერ ვხედავთ წინსვლას, ვერც ერთი მიმართულებით. ყველა მიმართულებით არის სერიოზული ჩავარდნები, სერიოზული რისკები, რაც გამომდინარეობს იქიდან, რომ არ ჩანს რაიმე იდეა. იდეა რომ ჰქონდეთ, ექნებოდათ შესაბამისი გეგმაც და სამწუხაროდ, პოლიტიკურ ელიტაში არ არის არავითარი გეგმა, თუ სად ვხედავთ ჩვენს ქვეყანას წლების შემდეგ და საით უნდა წავიდეს ეს ქვეყანა“, - განაცხადა ბატიაშვილმა.



IPN.GE






ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“
access_time2021-05-14 17:00:56
,,კარგი მოვლის შემთხვევაში, 1 ჰექტრიდან 8-9 ათასი დოლარის შემოსავლის მიღება არის შესაძლებელი“ - ამის შესახებ ,,ბიზნესპრესნიუსთან“ საუბრისას ,,ქართული ზეთისხილის დამფუძნებელმა და მსოფლიო ზეთისხილის საბჭოს პრეზიდენტმა განაცხადა.   გიორგი სვანიძის თქმით, წელს გასულ წელთან შედარებით 2-ჯერ გაზრდილ მოსავალს ელოდებიან, ქართული ზეთისხილი კი რუსეთსა და ნიდერლანდებშიც გაიყიდება.   ,,წელს, საკმაოდ კარგი მოლოდინი გვაქვს მოსავლის კუთხით. დაახლოებით 2-ჯერ მეტს...

Los-Angeles times: ახალ ამერიკულ სანქციებს არასწორი სამიზნე აქვთ

Los-Angeles times: ახალ ამერიკულ სანქციებს არასწორი სამიზნე აქვთ
access_time2021-05-14 20:00:23
აშშ-ს საელჩომ მოსკოვში რუსეთის მოქალაქეებისთვის არასაემიგრაციო ვიზების გაცემა შეაჩერა. რუსები, რომლებსაც შტატებში ბიზნესისთვის ან სასწავლებლად წასვლა სურთ, ვიზების მიღება მესამე ქვეყნებში შეუძლიათ.   საკონსულო მომსახურეობის შეჩერება - ვაშინგტონს და მოსკოვს შორის სანქციების გაცვლის შედეგებია - პრინციპი „თვალი თვალის წილ“ დიპლომატიაშიც მოქმედებს.   ამერიკა უფრო შორს წავიდა და მოსკოვში თავის საელჩოში რუსეთის მოქალაქეების დასაქმება აკრძალა, რაც...


მსგავსი სიახლეები

up