ყატარის ეკონომიკის ზრდა 70-იან წლებში, ნავთობის და გაზის მარაგების აღმოჩენის შემდეგ დაიწყო. 2013 წელს კი, ახალმა ემირმა შეიხ ტამიმ ბინ ჰამაფ ალ-ტანიმ მნიშვნელოვანი რეფორმები დაიწყო და ქვეყანამ კურსი პოსტ-სანავთობო განვითარებაზე აიღო.
მთავარ პრიორიტეტებად ინფრასტრუქტურის, ჯანდაცვისა და განათლების სისტემის მოდერნიზება გამოცხადდა.
დღეს ყატარი არაბულ სამყაროში ერთ-ერთ ყველაზე მოწინავე ქვეყანაა - ზრდადი ეკონომიკა, ფინანსური მდგრადობა, დოლართან მიბმული ვალუტის სტაბილურობა - ეს ყველაფერი მრავალ საერთაშორისო ინვესტორს იზიდავს.
ამას ემატება საგადასახადო შეღავათები, რეზიდენტის სტატუსის მიღების მარტივი და სწრაფი პროცედურა და ევროპულ ბანკებზე ღია გასასვლელი - ყატარი უკვე გახდა მძლავრი ჰაბი ახლო აღმოსავლეთში და ჩრდილოეთ აფრიკაში ინვესტიციების ექსპანსიისთვის.
ყატარის საინვესტიციო კლიმატს მიმზიდველობას ძალიან ლიბერალური საგადასახადო სისტემაც მატებს - საიმპორტო ბაჟი მცირეა, საშემოსავლო და მოგების გადასახადი არ არსებობს, კორპორაციული გადასახადი კი 10%-ს არ აღემატება. სატრანსპორტო გადასახადების და აქციზებისგან ყატარის რეზიდენტები განთავისუფლებულები არიან.
ყატარის ხელისუფლება ეკონომიკის დივერსიფიცირებაზე მუშაობს და ნავთობ-გაზზე დამოკიდებულების შემცირებას ცდილობს. ახალი სტრატეგიის ნაწილია ტექნოლოგიების განვითარება და ამ დარგში უცხოელი ინვესტორების შემოყვანა.
სამომავლო განვითარების პრიორიტეტებს შორისაა 9 ძირითადი დარგი - ფინანსები, მრეწველობა, ინფრასტრუქტურა, ტრანსპორტი, ლოგისტიკა, ტექნოლოგიები, პროფესიული მომსახურეობა, გართობის ინდუსტრია, ტურიზმი, და სოფლის მეურნეობა.
სტრატეგიის რეალიზებისთვის შექმნილია თავისუფალი ეკონომიკური ზონები, ძირითადად მაღალი ტექნოლოგიებისთვის, და ასევე ინვესტიციების მოზიდვის სააგენტო დაარსდა.
ბაზარზე შესვლა მაქსიმალურად გამარტივებულია - ქვეყანაში სხვადასხვა დარგებისთვის 5 სალიცენზიო პლატფორმა მოქმედებს - : MOCI, Qatar Financial Centre, Qatar Free Zones, Qatar Science & Technology Park და Media City.
ახლო აღმოსავლეთი არაა მსოფლიოს ყველაზე მშვიდობიანი კუთხე, თუმცა, ყატარი ინვესტორებს არა მხოლოდ თავის, არამედ სხვა ქვეყნების ბაზრებზე შეღწევის შესაძლებლობას აძლევს. ერაყში, იემენში, სირიაში, ლიბანში, და სხვა არაბულ ქვეყნებში ბიზნესის გახსნის და განვითარებისთვის ყატარი - იდეალური ადგილია. აქ კანონს პატივს სცემენ, აქ არის მეზობლებთან საქმის წარმოებისთვის ყველანაირი ინფრასტრუქტურა, რომელიც რეგიონალური ექსპანსიისთვის საუკეთესო პირობებს ქმნის.
ყველაფერთან ერთად, ყატარი ახლო აღმოსავლეთში ყველაზე უსაფრთხო ქვეყანად ითვლება, და Numbeo-ს რეიტინგში ის პირველ ადგილზეა. დოხაში ქუჩაში გასვლა ნებისმიერ დროს და ნებისმიერ რაიონში სრულიად უსაფრთხოა. ქვეყნის მოსახლეობა 2,6 მლნ.-ს შეადგენს, მათ შორის დიდი ნაწილია უცხოელებია.
მათ ენობრივი ბარიერი არ აწუხებთ - არაბულ ერთად ქვეყანაში სახელმწიფო ენის სტატუსით ინგლისურიც სარგებლობს.
ცოდნაზე დაფუძნებული ეკონომიკის აშენებისთვის ყატარის ხელისუფლება განათლებას და მეცნიერებას ავითარებს. კერძოდ, განათლების, მეცნიერების, და საზოგადოებრივი განვითარების ფონდის ეგიდით ქვეყანაში 50-ზე მეტი სადგანმანათლობლო-სამეცნიერო დაწესებულება შეიქმნა. მათ შორის ცნობილი საერთაშორისო სასწავლო ცენტრების ფილიალები.
ყატარი აშენებს ჰარმონიულ და სამართლიან სახელმწიფოს, რომელიც მაღალ ეთიკურ სტანდარტებს და პასუხისმგებლიან სოციალურ პოლიტიკას ეფუძნება - სწორედ ამაში ხედავს ქვეყნის ხელმძღვანელობა მდგრადი განვითარების და არაბულ სამყაროში ლიდერობის საწინდარს.
Qatar.rbc.ru
თენგიზ აბლოთია
ყატარი
