``დავით სერგეენკოს საქმიანობამ ჯანდაცვის სფეროს გაცილებით მეტი ნეგატიური შედეგი მოუტანა, ვიდრე დადებითი`` - რას ფიქრობენ ექიმები ?

``დავით სერგეენკოს საქმიანობამ ჯანდაცვის სფეროს გაცილებით მეტი ნეგატიური შედეგი მოუტანა, ვიდრე დადებითი`` - რას ფიქრობენ ექიმები ?

access_time2020-07-29 10:00:55

„სანამ სერგეენკო ჯანდაცვის მინისტრი იყო, კარგი შედეგის მომტანი ნაბიჯები იყო ეპიზოდური, ხოლო  ცუდი  -  უფრო   მეტი“ - კლინიკა ღია გულის განყოფილების ხელმძღვანელი გიორგი გრიგოლია დავით სერგეენკოს მინისტრობას ასე აფასებს. ჯანდაცვის სისტემაში ყველაზე ხანგრძლივი სტაჟის მქონე მინისტრის დავით სერგეენკოს მინისტრობასთან დაკავშირებით კითხვები, შეფასებები, შენიშვნები თუ აპლოდისმენტებიც ხშირი იყო მისი პოსტზე ყოფნის დროს და შემდეგაც. ამჟამად საკითხი აქტუალურად ინფექციური პათოლოგიის ცენტრის დირექტორის თენგიზ ცერცვაძის კითხვებმა აქცია. ცერცვაძის განცხადებაში დავით სერგეენკოს მიმართ გაჟღერდა კითხვები, თუ „რა გაუფუჭა“ და „რა  გაუკეთა“ დავით სერგეენკომ ჯანდაცვის სისტემას, საყოველთაო ჯანდაცვის პროგრამას?


ამავე კითხვებით „კომერსანტმა“ კლინიკების წარმომადგენლებს მიმართა,  თუ რა არგო და ავნო დავით სერგეენკოს ჯანდაცვის სისტემის სადარაჯოზე ყოფნამ ამ დარგს კლინიკებსა და პაციენტებს? კლინიკების წარმომადგენლების პოზიცია დავით სერგეენკოს მინისტრობის პერიოდთან დაკავშირებით ინფექციურის მსგავსად ცალსახა არ არის, რადგანაც,  ჯანდაცვის ყოფილი მინისტრის საქმიანობას ამჟამინდელი სამინისტროს გადმოსახედიდან მეტნაკლებად ეფექტურად მიიჩნევენ, თუმცაღა თავისი ნაკლოვანებებითა და შეცდომებით.


„საყოველთაო ჯანდაცვის სისტემას იმპლემენტაციის შემდეგ, დროდადრო სჭირდებოდა  კორექტირების  შეტანა, ამ მიმართულებით  უმოქმედობა იყო. ამ პაუზამ შექმნა 520-ის  საჭიროება, რაც დარგებში რთულად  ასატანია და ჩემი გადმოსახედიდან უხეშად ჩარევაა სფეროს საქმიანობაში.


საყოველთაოსთან მიმართებაში მე მაქვს ჩემი შენიშვნა, თუ გულდაწყვეტა, რადგანაც შეიძლებოდა ხელი მიგვეყოლებინა მიმდინარე პროცესებისთვის ისე, რომ სახელმწიფოს არ დასჭირვებოდა 520-ე ბრძანება.



შემდეგ თვითონვე დააანონსა, რომ 2015-დან  BRG-ზე უნდა  გადასულიყო,  ეს  არის დაავადებაზე  მიბმული ანაზღაურება, ამ პრინციპით მუშაობს ევროპა, მიუხედავად იმისა, რომ  ეს არ არის  პანაცეა. ამ სისტემით ვიღაცა კმაყოფილია, ვიღაცა უკმაყოფილო. დაანონსდა, თუმცა მერე არც უარყოფილი იქნა ამ სისტემის დანერგვა და არც  მასზე გადასვლა არ მოხდა,“ - ამის შესახებ ჩაფიძის სახელობის გადაუდებელი კარდიოლოგიის ცენტრის ქირურგიის  დეპარტამენტის ხელმძღვანელმა ზვიად ბახუტაშვილმა ისაუბრა.


რაც შეეხება სერგეენკოს ჯანდაცვის სისტემის ჰეროსტატედ შერაცხვას, ყველაფრის მიუხედავად, მედიკოსები მსგავს ეპითეტებს გადაჭარბებულად მიიჩნევენ.

„რაც შეეხება სერგეენკოს ჰეროსტატესთან  პარალელის გავლებას, საკმაოდ სერიოზული საკითხია და ვერაფერს გეტყვით ამ შედარების რელევანტურობაზე“ - ამბობს ბახუტაშვილი.

უამრავი ახალი კლინიკა, საყოველთაო ჯანდაცვის სისტემის უკონტროლობა - ეს სერგეენკოს მინუსებია რაზეც კლინიკა ღია გულის განყოფილების ხელმძღვანელი გიორგი გრიგოლია საუბრობს. მისი მინისტრობის პლიუსებად კი C ჰეპატიტის პროგრამა და თანაგადახდის სისტემა ითვლება.

„„უარყოფითი ნაბიჯი იყო ის, რომ ძალიან ბევრ კლინიკებს ფუნქციონირების საშუალება მისცა, რომლებიც არც  აღჭურვილობით, არც შენობა-ნაგებობებით კლინიკის სტანდარტებში არ ჯდებოდა.

წინა ხელისუფლების დროს მათ დავცინოდით, ასი კლინიკა უნდა ავაშენოო, მე მგონი სერგეენკოს დროს 200-მდე კლინიკა აშენდა, გაიხსნა ძალიან ბევრი განყოფილებები სადაც პაციენტების მკურნალობა არ შეიძლებოდა. ამით, რა თქმა უნდა ხარისხმა დაიწია.

დავით სერგეენკომ რითაც დადებითად დაგვამახსოვრა თავი, ეს იყო c ჰეპატიტის პროგრამა, რითაც ძალიან ბევრ ადამიანს უმკურნალეს აბსოლუტურად უფასოდ.  ეს კი ძალიან დიდ თანხებთან არის დაკავშირებული. სანამ ეს პროგრამა დაიწყებოდა, ერთი ადამიანის მკურნალობის ღირებულება 15 000 ევრომდე ჯდებოდა.

საქართველოში 2008 წელს მოხდა ყველა სახის ოპერაციების განფასება და ეს იყო ადეკვატური ფასები იმიტომ, რომ მაშინ დოლარის კურსი ლართან მიმართებაში იყო 1,6 მდე.  სეგეენკოს მინისტრობის დროს,  2013 წელს  დაიწყო ინფლაცია -სამედიცინო ხელსაწყოები , მედიკამენტების 90%  საზღვარგარეთიდან შემოდის, ამიტომ სერგეეკოს დროს დაშვებული იქნა თანაგადახდა - ანუ  თუ გულზე ოპერაცია ღირდა 10 000 ლარი, რომელიც იყო 7500 დოლარი, იგივე 10 000 ღირდა სერგეენკოს დროს და ეს გამოდიოდა უკვე 4 000 დოლარზე  ნაკლები. შესაბამისად, სერვისის  ჩატარება შეუძლებელი იყო და შემოიღეს თანაგადახდა , ანუ ის პროცენტი რომელიც პაციენტს უნდა დაემატებინა, იმ პროცენტის  გაზრდა გახდა შესაძლებელი და ამით ვაკომპენსირებდით იმ თანხების ნაკლებობას, რომ ეს სერვისები შეგვესრულებინა.

საბოლოო ჯამში დავით სერგეენკოს მინისტრობამ მეტი ნეგატიური შედეგი დადო ვიდრე, დადებითი. ჩემი აზრით, ჯერ კიდევ 2013 წელს როდესაც საყოველთაო მედიცინა შემოვიდა საქართველოში, რასაც ყველა აღტაცებით შეხვდა, ჩვენ კიდევ მაშინ ვიცოდით, რომ ძალიან ცუდად დამთავრდებოდა და დამთავრდა  520-ე დადგენილებით. საყოველთაო ჯანდაცვამ გამოიწვია ის, რომ სჭირდებოდა თუ არ სჭირდებოდა ყელის თუ ყურის  ტკივილით მოხუცი და არა მოხუცი ადამიანები  წვებოდნენ კლინიკაში მაშინ, როცა მანამდე ამ დაავადებებით არავინ ჰოსპიტალიზირდებოდა. გადაივსო საავადმყოფოები ასეთი ავადმყოფებით, დაიხარჯა სახელმწიფოს უამრავი თანხა და ყოველ წელს ჯანდაცვის სამინისტროზე რამდენიმე ასეული მილიონით იზრდებოდა ხარჯი, რამაც გამოიწვია ის კოლაფსი რაც მოხდა შარშან ნოემბერში.  300 მილიონზე  მეტი თანხის დავალიანება   ჰქონდა  ჯანდაცვის სამინისტროს კლინიკების მიმართ და შეუძლებელი გახდა ყველანაირი სამედიცინო მომსახურეობის ჩატარება.  იმის მაგივრად , რომ  დაედოთ  რეალური ფასები, შეემცირებინათ ცუდი  კლინიკების რაოდენობა აიღეს და  შეამცირეს თითოეულ ნოზოლოგიაზე  გადასახადი, ამან გამოიწვია პერსონალის სახლში გაშვება, რადგან კერძო კლინიკებმა ნახეს, რომ შემოსავალი შემოაკლდათ, ხელფასები შეამცირეს და მთელი მედიცინა ჩავარდა კოლაფსში,“ - განმარტავს გიორგი გრიგოლია.


მარიამ მორგოშია




დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-18 21:00:58
დღის TOP 10 საინტერესო ამბავი:   1. რესპუბლიკური საავადმყოფო - საპარტნიორო ფონდის მორიგი ჩავარდნილი პროექტი ქვეყნის ერთ-ერთმა ყველაზე მაღალანაზღაურებადმა მენეჯერმა დავით საგანელიძემ ამორტიზებული და უმძიმესს მდგომარეობაში მყოფი კლინიკების განვითარებისთვის არაფერი...

ფინანსთა მინისტრის ყოფილი მოადგილე აგრობიზნესში წავიდა

ფინანსთა მინისტრის ყოფილი მოადგილე აგრობიზნესში წავიდა
access_time2020-09-18 19:30:26
ფინანსთა მინისტრის ყოფილი მოადგილე აგროსექტორით დაინტერესდა. გიორგი თაბუაშვილი10 ჰექტარ მიწის ფართობზე გაშენებული ქლიავის ბაღებიდან პირველი მოსავალი უკვე მიიღო.   როგორც გიორგი თაბუაშვილმა ბიზნესპარტნიორს განუცხადა, ქლიავის ბაღები კასპშია გაშენებული. მისი თქმით,  რაოდენობა მცირეა, თუმცა მომავალში ბევრად მეტის მოლოდინი აქვთ.   „მეოთხე წელს სტენლის ჯიშის ქლიავის პირველი მოსავალი მივიღეთ, რაც დაახლოებით 4 ტონა იყო. მომავალ წელს, ამ დროს უკვე ემპრესის...

პანდემიამ ევროპის ქვეყნებს შორის საზღვრები დააბრუნა

პანდემიამ ევროპის ქვეყნებს შორის საზღვრები დააბრუნა
access_time2020-09-18 19:00:47
ევროპელებს ათწლეულების მანძილზე საზღვრების არსებობო თითქმის დაავიწყდათ - თუმცა, 2020-ში საკითხი ისევ რეალობად იქცა. ზოგი საზღვარი გაიხსნა, ზოგი არა, ზოგი ღიაა მხოლოდ გარკვეული ქვეყნებს მოქალაქეებისთვის, სხვებისთვის კი - ჯერაც დახურულია. სულ რამდენიმე კვირაში შენგენის ზონის არსებობა კითხვის ნიშნის ქვეშ დადგა. „ევროპელებს დაავიწყდათ, რომ ცალკეულ სახელმწიფოებს საზღვრების დახურვის უფლებამოსილება აქვთ. შენგენის შეთანხმებაში შავით...

18 სექტემბერი - რეგიონში ქართული ლარი, თურქული ლირა და სომხური დრამი გაუფასურდა

18 სექტემბერი - რეგიონში ქართული ლარი, თურქული ლირა და სომხური დრამი გაუფასურდა
access_time2020-09-18 18:25:07
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 18 სექტემბრის ვაჭრობის შედეგად, ქართული ლარის კურსი 3 თეთრით გაუფასურდა და ერთი...

ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ

ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ
access_time2020-09-18 17:42:25
კოვიდ პანდემიის გავლენის ფონზე ჩავარდნილმა ტურიზმმა, სასტუმროებისა და რესტორნების დახურვამ ყველის გაყიდვები შეამცირა. საქართველოს ყველის მწარმოებელთა ასოციაციის თავმჯდომარის თქმით, ფერმერებს რეალიზაციის არეალის შემცირების ფონზე ყველის წარმოების ინტერესი ეკარგებათ. ამასთან პრობლემას წარმოადგენს პირუტყვის საკვებიც. ანა მიქაძის თქმით, ამ პრობლემების ფონზე, უფრო საქონლის  ხორცად გაყიდვის ტენდენცია შეინიშნება.   „ადამიანებს ინტერესი ეკარგებათ, ვინაიდან კორონავირუსის გამო...


მსგავსი სიახლეები

up