ზღვისპირა საკურორტო ზოლში კოღოების საწინააღმდეგო სადეზინსექციო სამუშაოები ჩატარდება

ზღვისპირა საკურორტო ზოლში კოღოების საწინააღმდეგო სადეზინსექციო სამუშაოები ჩატარდება

access_time2016-05-06 13:33:22

საქართველოს შავი ზღვისპირა საკურორტო ზოლში დაავადებათა გადამტანი მწერების - კოღოების გავრცელების საწინააღმდეგო ფართომასშტაბიანი სადეზინსექციო სამუშაოები იგეგმება. 

 

ამასთან დაკავშირებით დღეს ჯანდაცვის სამინისტროში სამუშაო შეხვედრა გაიმართა, რომელსაც საქართველოს შრომის, ჯანმრთელობისა და სოციალური დაცვის მინისტრი დავით სერგეენკო, სოფლის მეურნეობის მინისტრის პირველი მოადგილე ნოდარ კერესელიძე, დაავადებათა კონტროლის ეროვნული ცენტრის დირექტორი ამირან გამყრელიძე და სურსათის ეროვნული სააგენტოს დირექტორის მოადგილე მერაბ ლიპარტია ესწრებოდნენ. 

 

დაგეგმილი სამუშაოები შავი ზღვისპირა საკურორტო ზონაში ანაკლიიდან სარფამდე ღონისძიებების გატარებას გულისხმობს. 

 

როგორც ჯანდაცვის მინისტრმა ჟურნალისტებთან საუბრისას აღნიშნა, ორშაბათიდან შავი ზღვისპირა რეგიონებში მასშტაბური სამუშაოები დაიწყება, რომლის ამოცანა მწერის მიერ გადამტანი დაავადებების პროფილაქტიკა და პრევენცია იქნება.

 

წინასწარ შერჩეული ე. წ. კრიტიკული ზონები, შესაბამისი ტექნოლოგიებით დამუშავდება. დავით სერგეენკოს განმარტებით, ჯანდაცვის სამინისტრო შენობის შიდა არეალებს ადამიანისთვის უსაფრთხო ნივთიერებით დაამუშავებს, ხოლო სოფლის მეურნეობის სამინისტრო შესაბამის სამუშაოებს კოღოების გავრცელებისა და გამრავლების მაღალი რისკის მქონე არეალებში, ტყისპირა ზონებსა და წყალსატევებში ჩაატარებს. 

 

სოფლის მეურნეობის მინისტრის პირველი მოადგილის, ნოდარ კერესელიძის ინფორმაციით, სოფლის მეურნეობის სამინისტრო და სურსათის ეროვნული სააგენტო პროგრამის ფარგლებში კოღოს საწინააღმდეგოდ, აჭარის, გურიისა და სამეგრელოს რეგიონებში 2 ათას ჰექტრამდე ტერიტორიის დამუშავებას გეგმავს. დამუშავდება წყალსატევები და ღია სივრცეები, წყალსატევები ბიოპრეპარატებით, ხოლო ღია სივრცეები - „თერმული ნისლის" მეთოდით.

 

დაავადებათა კონტროლის ეროვნული ცენტრის დირექტორის, ამირან გამყრელიძის ინფორმაციით კი, წელს საკურორტო ზოლში ორჯერ დამუშავდება 3 მილიონ 500 000 კვადრატული მეტრის შენობების ფართობი ანუ ჯამში 7 მილიონი კვადრატული მეტრი საცხოვრებელი და არასაცხოვრებელი ფართი.

 

ამირან გამყრელიძის ინფორმაციით, დამუშავდება ასევე საოჯახო სასტუმროები, ბრენდული სასტუმროები კი თავად უზრუნველყოფენ მსგავსი ტიპის ღონისძიებების გატარებას.

 

მისივე ცნობით, შედარებით მცირე მასშტაბით დამუშავდება შენობები კახეთის რეგიონში - ყვარელში, დედოფლისწყაროსა და გურჯაანში.


ინტერპრესნიუსი



იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up