შემოდგომაზე ქართული ზეთისხილის პროდუქცია დუბაის კარფურის ქსელში გაიყიდება

შემოდგომაზე ქართული ზეთისხილის პროდუქცია დუბაის კარფურის ქსელში გაიყიდება

access_time2019-07-16 15:00:10

 „ჯერჯერობით ექსპორტზე არ ვართ აქტიური, ერთი პარტია ბელორუსიაში გავუშვით, რუსეთშიც გავგზავნეთ ზეთისხილის პროდუქცია, იმ კვირაში კი ჩინეთში გაგვაქვს ექსპორტზე.  კიდევ აპირებენ შეკვეთას სექტემბრისთვის და რეალიზაცია ნორმალურია. უცხოურ ბაზარზე აქტიურად რომ ვიყოთ გადართული, ჯერჯერობით ეს მდგომარეობა არ გვაქვს.“- კომპანია „ჯეოლაივის“ დამფუძნებელი გიორგი სვანიძე ზეთისხილის ბაზრის ექსპორტზე საუბრობს.



კომპანია „ჯეოლაივმა“ ქართულ ზეთისხილი  და ზეითუნის ზეთი ექსპორტზე წელს პირველად გაიტანა.  როგორც „კომერსანტს“ კომპანიის ხელმძღვანელმა გიორგი სვანიძემ განუცხადა, საექსპორტო ქვეყნები ამ ეტაპზე ბელორუსია, რუსეთი და ჩინეთია.



მიმდინარე წლის სექტემბერ-ოქტომბერში კი ზეთისხილის პროდუქცია დუბაის კარფურის ქსელს მიეწოდება, რომელიც სათავო ოფისს წარმოადგენს, შემდგომ კი სწორედ აქედან განაწილდება სხვა ქვეყნების ქსელებში. კარფურის ცენრალური ოფისისგან ლოგოს გამოყენების უფლების მოპოვებამ კომპანიას სხვა ქვეყნის  „კარფურის“ ქსელში პროდუქციის შეტანა გაუადვილა.



„ჯერჯერობით საქართველოს „კარფურის“ ყველა ქსელში ვართ შესული, დუბაიში „კარფურის“ სათავო ოფისთან გაფორმებული ხელშეკრულების შედეგად  ნოემბრიდან დაიწყება მიწოდება სხვა ქვეყნებში, თუმცა რომელ ქსელში და რომელ ქვეყნებში, ამას ვერ გეტყვით ეს მათი გადასაწყვეტია. მოთხოვნა ძალიან დიდია, თუმცა მიწოდებისთვის საკმარისი რესურსი არ არის.




ამ სეზონის მოსავალს ველოდებით და გაისად 150 ჰექტარი გვემატება. ასევე, 2000 ჰექტარზე ვაშენებთ დედოფლისწყაროში პლანტაციებს და ჯამში 3000 ჰექტარს მოვიცავთ. თოთო ბავშვივით იზრდება საქართველოში ზეთისხილის კულტურა და ტრადიციები. ზეთისხილი ჩვენს ქვეყანაში ახალი მიმართულებაა,  რომელიც საკმაოდ შემოსავლიანია და ნელნელა იდგამს ფეხს, უცებ ვერ ვითარდება. ჩვენ ძალიან ბედნიერები ვართ, რომ გლეხებმა დაიწყეს ზეთისხილის გაზრდა. მე ვფიქრობ, რომ როგორც ყურძენი და როგორც თხილი, ეს იქნება წამყვანი კულტურა საქართველოში.“ - აღნიშნა გიორგი სვანიძემ.



ქართული ზეთისხილის ზეთი 250 გრამიან, 500 გრამიან და 750 გრამიან მინის ქილებში იყიდება. ზეთისხილის მარინადი კი - 250, 500 და 750 გრამიან მინის ქილებშია წარმოდგენილი.



ქართული ზეთისხილის ზეთის ფასი ნახევარლიტრიან ქილაში 13 ლარიდან - 16 ლარამდე მერყეობს. ხოლო 250 გრამიანი ქილის ფასი 7 ლარიდან - 9 ლარამდეა.



კომპანიას ზეთისხილის ნერგები 50 ჰექტარზე აქვს გაშენებული. „ჯეოლაივი“ რამდენიმე წელია საქართველოში ზეთისხილის პლანტაციების გაშენებით არის დაკავებული.  ძირითადი პლანტაციები და ქარხანა კახეთშია განთავსებული. კომპანიის მიერ განხორციელებული პროექტის საერთო საინვესტიციო ღირებულება დაახლოებით 5 მილიონი ლარია.



ამჟამად ქართული ზეთისხილის ზეთი და ზეთისხილი კარფურში, გუდვილში, ნიკორაში და აგროჰაბში შედის.



მარიამ მორგოშია

 

 

 






საქართველოში პირველი ტურისტები გამოჩნდნენ - ნათია თურნავა

საქართველოში პირველი ტურისტები გამოჩნდნენ - ნათია თურნავა
access_time2020-08-05 13:30:13
„როგორც ეკონომიკის მინისტრს არ შემიძლია სიხარულით არ ავღნიშნო, რომ ქუჩაში უკვე გამოჩდნენ პირველი უცხოელი ტურისტები“ - ამის შესახებ ნათია თურნავამ მთავრობის ადმინისტრაციაში ბრიფინგზე განაცხადა. მან აღნიშნა, რომ საქართველოში ჩამოსული მგზავრების ¾ ტურისტები არიან, რადგან საქართველო მიმზიდველობასთან ერთად უსაფრთხოებითაც გამოირჩევა. თურნავას განცხადებით მოლაპარაკებები მიმდინარეობს და ეპიდ სიტუაციის გათვალისწინებით აგვისტოსა დ ა სექტემბრის...

„კომერსანტის“ ექსკლუზივი - ბეირუთის პორტში სელიტრა აფეთქდა, რომელიც ბათუმიდან მოზამბიკში მიმავალ გემს ჩამოართვეს

„კომერსანტის“ ექსკლუზივი - ბეირუთის პორტში სელიტრა აფეთქდა, რომელიც ბათუმიდან მოზამბიკში მიმავალ გემს ჩამოართვეს
access_time2020-08-05 12:10:50
„კომერსანტმა“ ექსკლუზიურად მოიპოვა ბეირუთის ტელევიზიის მასალა. ბეირუთში მომხდარი დიდი აფეთქება, რომელსაც მრავალრიცხოვანი მსხვერპლი ჰყავდა 2 750 ტონა „სელიტრას“ (ამონიუმის ნიტრატის) დეტონაციის გამო მოხდა, რომელიც 2014 წელს Rhosus-ის გემიდან იყო ჩამოტვირთული. ეს ინფორმაცია, ლიბანის თავდაცვის უმაღლესი საბჭოს სხდომის დასრულების შემდეგ LBCI არხმა (ბეირუთის ტელევიზია) გადმოსცა. როგორც Rhosus-ის მეზღვაურები ამტკიცებენ, გემის მფლობელი ბიზნესმენი იგორ გრეჩუშკინი იყო. 2014...

შპს თბილისის ცენტრალური საავადმყოფოს თანამშრომლების დაკავების თაობაზე

შპს თბილისის ცენტრალური საავადმყოფოს თანამშრომლების დაკავების თაობაზე
access_time2020-08-05 11:35:43
2020 წლის 03 აგვისტოს, შპს „თბილისის ცენტრალური საავადმყოფოს“ თანამშრომლების დაკავების ფაქტთან დაკავშირებით, სამედიცინო დაწესებულება ერთმნიშვნელოვნად და სრულადუარყოფს დაკავებულ პირთა მიმართ, პროკურატურის მიერ წარდგენილ ბრალდებებს (სამსახურეობრივი გულგრილობა, სამსახურებრივი მდგომარეობის გამოყენებით თაღლითობა, უკანონო საექიმო საქმიანობა) და მიიჩნევს, რომ ბრალდების საფუძვლად მოყვანილი არგუმენტაცია არის აბსურდული და სრულებით არ შეესაბამება საქმის ფაქტობრივ...

სკოლებში სწავლა 15 სექტემბერს დაიწყება - მიხეილ ჩხენკელი

სკოლებში სწავლა 15 სექტემბერს დაიწყება - მიხეილ ჩხენკელი
access_time2020-08-05 11:45:34
განათლების მინისტრის, მიხეილ ჩხენკელის განცხადებით, სკოლებში სასწავლო წელი 15 სექტემბერს, ჩვეულ რეჟიმში განახლდება. მისივე თქმით, ასევე ჩვეულ რეჟიმში განახლდება სწავლა უნივერსიტეტებშიც. „დღევანდელი ეპიდისტუაციის გათვალისწინებით, სკოლებში სწავლა საკლასო ოთახებში დაიწყება 15 სექტემბერს ჩვეულ რეჟიმში, ასევე უნივერსიტეტებშიც. დღევანდელი მონაცემებით, სასწავლო წელი დაიწყება ჩვეულ რეჟიმში და სასწავლო ოთახებში, მაგრამ ჩვენ მზად ვართ ყველანაირი სცენარისთვის...

BAG-ის წევრი კომპანიების საინვესტიციო გეგმები შეცვლილია - 2020 წელს დაგეგმილზე ნაკლები ინვესტიცია განხორცილედება

BAG-ის წევრი კომპანიების საინვესტიციო გეგმები შეცვლილია - 2020 წელს დაგეგმილზე ნაკლები ინვესტიცია განხორცილედება
access_time2020-08-05 11:30:59
BAG ინდექსის ფარგლებში გამოკითხული კომპანიების 43% აცხადებს, რომ 2020 წელს მათ მიერ განხორციელებული ინვესტიციები 2019 წელთან შედარებით ნაკლები იქნება, ზრდას კი გამოკითხულთა 29% პროგნოზირებს. აღსანიშნავია, რომ მიმდინარე წლის მეორე კვარტლის ბოლოს ჩატარებული გამოკითხვის შედეგები მნიშვნელოვნად განსხვავდება 2019 წლის ბოლოს არსებულ გეგმებთან შედარებით. კერძოდ, 2019 წლის ბოლოს, რესპონდენტთა 59% გეგმავდა ინვესტიციების გაზრდას 2020 წელს. კორონა ვირუსის გავრცელების ფონზე შექმნილი...


მსგავსი სიახლეები

up