ზემო ლარსზე პირველი ლოგისტიკური ტერმინალი  ექსპლუატაციაში შევიდა

ზემო ლარსზე პირველი ლოგისტიკური ტერმინალი ექსპლუატაციაში შევიდა

access_time2018-06-26 09:00:00

ზემო ლარსზე პირველი ლოგისტიკური ტერმინალი ექსპლუატაციაში შევიდა. როგორც ცნობილია, ბრიტანული კომპანია Murphy Shipping -ის ქართული წარმომადგენლობა Murphy Holding-ის პირველი პროექტი საქართველოში ყაზბეგში იქნება და მას კომპანია Murphy Kazbegi-ი ახორციელებს.


კომპანია ლარსზე ტერმინალის მშენებლობაზე 30-40 მილიონი აშშ დოლარის ინვესტირებას ახორციელებს. ჯამში კი, საქართველოში ანალოგიური ტერმინალების მშენებლობაში ჯამში 560 მილიონი აშშ დოლარის ინვესტიცია იქნება განხორციელებული.


როგორც „კომერსანტთან“ საუბრისას კომპანიის დირექტორი ანარ ალიევი აღნიშნავს, ცენტრი საწყის ეტაპზე სატესტო რეჟიმში, მაისიდან მუშაობდა, სრული დატვირთვით კი ერთი კვირაა მუშაობს.



პროექტი ითვალისწინებს თანამედროვე ტიპის ლოგისტიკური ტერმინალის მშენებლობას, რომელიც მომხმარებლებს სრულ საბაჟო მომსახურებას, თანამედროვე ტექნოლოგიებით აღჭურვილ ტირპარკს, ლაბორატორიებს, სპეციალიზირებულ საწყობებს, საოფისე სივრცეს, დაზღვევას, სასტუმროს, ავტო სერვისს, ავტომობილების სამრეცხაოს და სხავ დამატებით მომსახურებებს შესთავაზებს.





ალიევის ინფორმაციით, ამ დროისთვის პროექტი დასრულებულია, დარჩენილია მხოლოდ სასტუმროს მშენებლობა, რომელიც მიმდინარე წლის სექტემბერში გაიხსნება.მისი განცხადებით, ლოგისტიკურ ტერმინალში დიდი ავტომანქანების გაჩერების საფასური 24 საათში 30 ლარს შეადგენს. ალიევი აცხადებს, რომ ამ დროისთვის უფასოა მსუბუქი ავტომობილების გაჩერება.




კითხვაზე, როდის ამოიღებს კომპანია განხორციელებულ ინვესტიციას და სავარაუდოდ, როდისთვის გავა მოგებაზე, ალიევი ვარაუდობს, რომ ტერმინალი მომგებიანი 5-10 წლის შემდეგ იქნება.



სამშენებლო სამუშაოები 2016 წელს დაიწყო, მათ შორის, ხიდის მშენებლობა, გზის გაფართოება, სასტუმროს მშენებლობა, საბაჟოს სკანერის სამართავი პულტისა და ადმინისტრაციული შენობის მშენებლობა. ალიევის განცხადებით, სამომავლოდ სულ მცირე 12 ლოკაციაზე მსგავსი ტიპის ტერმინალების მოწყობა იგეგმება. მათ შორის იქნება, წითელ ხიდი, ქუთაისი, ბათუმი, ფოთი.



სოფო ქსოვრელი






საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს

საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს
access_time2019-02-23 20:00:56
საპენსიო სააგენტო საინფორმაციო და სარეკლამო მომსახურებაში 2019 წელს 913 938 ლარის დახარჯვას გეგმავს. შესყიდვების სააგენტოსგან ის ამ მომსახურების ტენდერის გარეშე, პირდაპირი წესით შესყიდვის ნებართვას...

რუსული საფრთხე ქართულ ეკონომიკაში

რუსული საფრთხე ქართულ ეკონომიკაში
access_time2019-02-23 18:00:24
ამ დღეებში სხვადასხვა სახელმწიფო უწყებამ გამოაქვეყნა სტატისტიკური მონაცემები, რომლებიც ერთი შეხედვით გასახარია. კერძოდ,  ნეგატიური პროგნოზების და ღორის გრიპის მიუხედავად, 2019 წლის იანვარში საქართველოში ტურისტების რაოდენობა კვლავ გაიზარდა - ამჯერად 18%-ით 2018 წლის იანვართან შედარებით. გარდა ამისა, აღმოჩნდა, რომ 2018 წელს არნახულად გაიზარდა სასოფლო-სამეურნეო პროდუქციის   ექსპორტი, რომელმაც მიაღწია 935 მლნ. დოლარს. ამ პროდუქციის...

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა
access_time2019-02-23 16:00:07
მარიანა კოტოვას ბლოგი...

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები
access_time2019-02-23 14:00:34
მამუკა ხაზარაძე „თიბისი ბანკის“ სამეთვალყურეო საბჭოს თავმჯდომარის თანამდებობას ტოვებს, მაგრამ აქციების გაყიდვას არ გეგმავს და ბანკის აქციონერად რჩება - ამის შესახებ „თიბისი ბანკში“...

როგორი იქნება განათლებისა და მეცნიერების 23-მილიონიანი ქალაქი დიდ დიღომში

როგორი იქნება განათლებისა და მეცნიერების 23-მილიონიანი ქალაქი დიდ დიღომში
access_time2019-02-23 12:00:54
საქართველოს განათლების, მეცნიერები, კულტურისა და სპორტის მინისტრის, მიხეილ ბატიაშვილის ინიციატივით, თბილისში, დიდი დიღმის ტერიტორიაზე საგანმანათლებლო კომპლექსი - "ახალი განათლებისა და მეცნიერების ქალაქი“ აშენდება. განათლების სამინისტროს განცხადებით, "ახალი ქალაქი უზარმაზარ საგანმანათლებლო სივრცეს გააერთიანებს და განათლების რეფორმის განხორციელებისა და მისი მიღწევების გაზიარების ჰაბი...


მსგავსი სიახლეები

up