პრეზიდენტ ვლადიმირ ზელენსკის საქართველოს ყოფილი პრეზიდენტის მიხეილ სააკაშვილის დაკავებასთან დაკავშირებული სიტუაცია პირად კონტროლზე ჰყავს აყვანილი, - ამის შესახებ უკრაინის პრეზიდენტის ოფისის ხელმძღვანელის მრჩეველმა მიხეილ პოდოლიაკმა განაცხადა.
ჩვენ ველოდებით მკაფიო პასუხს საქართველოს ხელისუფლებისგან და გადაწყვეტილებებს საგარეო საქმეთა მინისტრების დონეზე კონსულტაციების შემდეგ მივიღებთ, ახლა ჩვენი საგარეო საქმეთა სამინისტრო არის ამით დაკავებული ამით.
პრეზიდენტი ამ სიტუაციას მუდმივად აკონტროლებს. სააკაშვილი არის უკრაინის მოქალაქე და ჩვენ უნდა წამოვიყვანოთ ჩვენი მოქალაქე ”, - აღნიშნა პოდოლიაკმა.
ცნობისთვის, საქართველოს ყოფილი პრეზიდენტი მიხეილ სააკაშვილი გუშინ დააკავეს. ის რუსთავის მე-12 პენიტენციურ დაწესებულებაშია მოთავსებული. საქართველოს მესამე პრეზიდენტი ციხეში შიმშილობს და უკრაინის კონსულთან შეხვედრას ითხოვს. მან ციხიდან დღეს წერილიც გაავრცელა.
ვრცელდება მოსაზრება, რომ საქართველოში განვითარებული მოვლენები უკრაინასთან დიპლომატიურ ინციდენტს გამოიწვევს, თუმცა ხელისუფლება დარწმუნებულია, რომ ერთი ადამიანი უკრაინა-საქართველოს ძმურ მეგობრობას ვერ გაამწვავებს. დღეს დილით პარლამენტის თავმჯდომარემ განაცხადა, რომ კონსტიტუციის დარღვევა იყო, როცა სხვა ქვეყნის მოქალაქე ერეოდა სხვა ქვეყნის, ამ შემთხვევაში, უკრაინის მოქალაქე საქართველოს არჩევნებში.
ერთი ადამიანი უკრაინა-საქართველოს ძმურ მეგობრობას ვერ გაამწვავებს, რომელიც როგორც ჭირში, ასევე ლხინში ყოველთვის იყო გამორჩეული გვერდში დგომით. რაც შეეხება ამ კონკრეტულ შემთხვევას, აქ არის ფაქტი, რომ წლების განმავლობაში საქართველოს ხელისუფლება ვამბობდით, რომ კონსტიტუციის დარღვევა იყო, როცა სხვა ქვეყნის მოქალაქე ერეოდა სხვა ქვეყნის, ამ შემთხვევაში, უკრაინის მოქალაქე საქართველოს არჩევნებში, ზოგადად პოლიტიკურ ცხოვრებაში და ამაზე წუხილები მათი მხრიდანაც იყო გამოთქმული,“- განაცხადა კუჭავამ.
წყარო: ინტერპრესნიუსი