ზაზა ხუციშვილი: წლების წინ ადამიანის ჯანმრთელობა თანხების გამო უგულებელყოფილი იყო

ზაზა ხუციშვილი: წლების წინ ადამიანის ჯანმრთელობა თანხების გამო უგულებელყოფილი იყო

access_time2018-09-26 09:00:08

პარლამენტის გარემოს დაცვის კომიტეტი ქვეყანაში ჰაერის მდგომარეობის შესახებ დასკვნას მოამზადებს. მანამდე კი პარლამენტში ყველა იმ გარემოს დამცველ არასამთავრობო ორგანიზაციას მოუსმენენ, რომელთაც ჰაერში ტყვიის და მავენე ნივთიერებების კონცენტრაციაზე კვლევები ჩაატარეს. „კომერსანტი“ ამ თემაზე და ეკოლოგიური მდგომარეობის გაუარესების მიზეზებზე პარლამენტის გარემოს დაცვის კომიტეტის თავმჯდომარის მოადგილე ზაზა ხუციშვილს ესაუბრა. 


ზაზა ხუციშვილი „კომერსანტან“საუბარში ამბობს, რომ თბილისში ჰაერის დაბინძურების მთავარი წყარო გაუმართავი ავტოტრანსპორტია, თუმცა რაც ქვეყანა საწვავის „ევრო 5“ -ის სტანდარტზე გადავიდა, მას შემდეგ ვითარება მცირედით შეიცვალა, ამასთან მიშვნელოვანია ავტომობილების ტექდათვალიერების საკითხიც: 


„მოქალაქეების  სისხლში ტყვიის შემცველობის ზრდის გამომწვევი სხვადასხვა წყარო იკვეთება. მათ შორის იაფფასიანი პარფიუმერია, კოსმეტიკის საშუალებები და სათამაშოები. გარდა ამისა, ჰაერის დაბინძურების მიზეზია მტვერი, როგორც სამშენებლო, ისე ბუნებრივი. თბილისში არის ბევრი ნაშალი კლდე და ქარის დროს მტვერი ვრცელდება.  ამასთან ცემენტის მზიდების და ავტომობილების მდგომარეობა უნდა იყოს  დამაკმაყოფილები და პროდუქციის გადაზიდვის დროს ჰაერში ეს ნაწილაკები არ უნდა ხვდებოდეს,“ ამბობს ზაზა ხუციშვილი. 


„კომარსანტის“ კითხვაზე, როდესაც თბილისის ჰაერში ასეთი მძიმე მდგომარეობაა, რატომ დააპაუზა პარლამენტმა რამდენჯერმე ავტომობილების „ტექდათვალიერება“,  რატომ ვერ მოახერხა 6 წლის მანძილზე მმართველმა პარტიამ შესაბამისი საკანონმდებლო ბაზის შექმნა, იმისათვის, რომ ქვეყანაში არ მოხდეს უხაერისხო პარფიუმერიისა თუ სათამაშოების შემოტანა, ასევე რატომ ვერ ხერხდება რეგულაციების შემოღება, რომელიც აკრძალავს აზბესტის შემცველობის პროდუქციის შემოტანას, მით უმეტეს, რომ  ამ საკითხების მოგვარების ვალდებულება ხელისუფლებამ  ევროკავშირთან 2014 წელს დადებული ასოცირების ხელშეკრულებით აიღო?  ზაზა ხუციშვილი ასე პასუხობს: 


დაახლოებით 12 წლის განმავლობაში ავტომობილების ტექნიკური დათვალიერება არ იყო სავალდებულო. მოხდა ისე, რომ მძღოლებმა მანქანებიდან კატალიზატორებიც კი მოხსნეს. დღესდღეობით ჩვენ არ გვინდა მოსახლეობა მძიმე  დღეში ჩავაგდოთ და დიდი ხარჯი ერთბაშად გაწიონ. გარდა ამისა სხვადასხვა მიმართულებით უნდა იყოს კონტროლი, მარტო გამონაბოლქვი არ არის პრობლემა.  ინფრასტრუქტურა უნდა იყოს მოწესრიგებული, რომ ერთანად მოერიოს ტექდათვალიერების პრობლემის გადაჭრას. აქამდე ტენიკური სადგურები პრაქტიკულად გაუქმებული იყო. უკვე 1 ოქტომბრიდან სავალდებულო ხდება 3 ათასი კუბური სანტიმეტრი ძრავის მოცულობის ავტომობილების ტექდატვალიერება.“



როგორც ზაზა ხუციშვილი განმარტავს ტექდათვალიერების შემოღებას შესაბამისი ინფრასტრუქტურა სჭირდებოდა და ეს პროცესი დროში გაიწელა.


ეს ყველაფერი არის ხარჯებთან დაკავშირებული - ეხება როგორც საწვავს, ხუნდებს და ა.შ.. ადამიანის ჯანმრთელობიდან გამომდიარე, მივდივართ იქამდე, რომ გარემოსდაცვის პრობლემები ჩვენთვის ძალიან მნიშვნელოვანი გახდა. წლების წინ ფასების გამო ეს იყო უგულებელყოფილი , ეხლა ჩვენ ვთანხმდებით იმაზე, რომ ამის უფლება არ გვაქვს. აზბესტი არა მხოლოდ მანქანის ხუნდებშია, არამედ ნახევარი საქართვლო შიფერით არის გადახურული, რაც ჯანმრთელობისთვის საზიანოა. ევროპამ ამაზე უარი დიდი ხნის წინ თქვა. რაც შეეხება სათამაშოების და პარფიუმერიის შესახებ კანონპროექტს,მაგ საკითხზე ინფორმაცია არ მაქვს.“


პარლამენტის გარემოს დაცვის კომიტეტის თავმჯდომარის მოადგილეს „კომერსანტი“ ასევე დაუსვა კითხვას - ვინ არის პასუხისმგებელი ჰაერის დაბინძურების მასშტაბის ზრდაზე და მოქალაქეების სისხლში ტყვიის კონცენტრირების მაჩვენებლის მატებზე?  


პზაზა ხუციშვილი ამობობს, რომ  მალე  კომიტეტში იქნება მოსმენა და იქ იქნება მოცემული რა სახის პროდუქცია რა დოზით ახდენს გავლენას ჰაერის დაბინძურებაზე: 


„ეს უნდა ვიცოდეთ მანამ, ვიდრე მივიღებთ რამე რეგულაციას.  სწორედ ამიტომ ჩატარდა საკომიტეტო მოკვლევა.


ნინო ნატროშვილი









„კომერსანტის“ 20 იანვრის TOP 10 თემა

„კომერსანტის“ 20 იანვრის TOP 10 თემა
access_time2020-01-20 21:30:20
„კომერსანტის“ 20 იანვრის TOP 10 თემა 1.„საყოველთაო ჯანდაცვის პროგრამა სრულყოფას მოითხოვს, ახლა სწორედ ეს პროცესი მიმდინარეობს“ — https://commersant.ge/ge/post/sayoveltao-djandacvis-programa-srulyofas-moitxovs-da-axla-swored-es-procesi-mimdinareobs 2.კაზინოების ინკოგნიტო ბარათები ფულის უკონტროლო...

საქართველომ იაფი ინტერნეტის მქონე ქვეყნებს შორის მე-19 ადგილი დაიკავა, ყველაზე იაფად ინტერნეტს სირიაში მოიხმარენ

საქართველომ იაფი ინტერნეტის მქონე ქვეყნებს შორის მე-19 ადგილი დაიკავა, ყველაზე იაფად ინტერნეტს სირიაში მოიხმარენ
access_time2020-01-20 18:00:21
ბრიტანულმა კომპანია BDRC Continental-მა და პროვაიდერმა Cable.co.uk-მ ჩაატარა კვლევა, რომლის მიხედვითაც სირიამ ყველაზე იაფი ინტერნეტის მქონე ქვეყნებს შორის პირველი ადგილი დაიკავა. ამავე კვლევის მიხედვით, გასულ წელს რეიტინგის სათავეში უკრაინა იყო, თუმცა, წელს მეორე ადგილზე აღმოჩნდა.   ყველაზე იაფი ინტერნეტის ქვეყნებში საქართველო 19-ე ადგილს იკავებს, ხოლო ინტერნეტის ღირებულება საშუალოდ თვეში 13,86...

Forbes: როგორ გახდა ბერნარ არნო მსოფლიოში უმდიდრესი ადამიანი

Forbes: როგორ გახდა ბერნარ არნო მსოფლიოში უმდიდრესი ადამიანი
access_time2020-01-20 20:05:45
Amazon-ის დამაარსებელი მსოფლიოში ყველაზე მდიდარი ადამიანი აღარ არის. მან პირველობა Louis Vuitton-ის და Dior-ის მფლობელს ბერნარ არნოს დაუთმო.ამის მიზეზი გახდა ონლაინ-რითეილერის მფლობელის ქონების შემცირება 760 მლნ. დოლარით - 115,6 მლრდ-მდე, იმის შემდეგ, რაც კომპანიის აქციები 0,7%-ით გაიაფდა. ბეზოსისთვის -760 მლნ-ი ხურდა ფულია, თუმცა, ეს საკმარისი აღმოჩნდა მის მიერ ლიდერობის...

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”
access_time2020-01-20 15:45:22
2020 წლის მესამე კვარტლიდან სტატისტიკის ეროვნული სამსახური დასაქმებისა და უმუშევრობის შესახებ მონაცემებს ახალი მეთოდოლოგიით შეაგროვებს. საქსტატის აღმასრულებელი დირექტორის, გოგიტა თოდრაძის ინფორმაციით, ახალი მეთოდოლოგიით, დასაქმებულად ჩაითვლება მხოლოდ ის ადამიანი, რომელიც საკუთარ სერვისს ან პროდუქტს ბაზარს სთავაზობს, ანუ საკუთარ შრომას ყიდის. ხოლო ადამიანი, რომელიც საკუთარ ნაკვეთზე სასოფლო-სამეურნეო საქმიანობით არის დაკავებული და მიღებულ მოსავალს მხოლოდ თავად მოიხმარს და არა კომერციული...

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”
access_time2020-01-20 13:37:42
„პირველ ეტაპზე, ფქვილის ფასზე სერიოზულად არ აისახება რუსულ ხორბალზე კვოტირების დაწესების ფაქტორი“ ბოლო წლების განმავლობაში რუსეთში ხორბლის რეკორდული მოსავალი მოდის. 2019 წელს ქვეყანაში 120,7 მლნ ტონა ხორბალი აიღეს, რაც ერთ-ერთი ყველაზე მაღალი მაჩვენებელია ისტორიაში. შედეგად, 2018-2019 წლების სეზონზე რუსეთიდან 35,8 მლნ ტონა ხორბლის ექსპორტი განხორციელდა საქართველოში. აღსანიშნავია, რომ რეკორდული მოსავლების პარალელურად, მზარდია რუსული...


მსგავსი სიახლეები

up