რა გააკეთა ზაზა პაპუაშვილმა 2 წლის განმავლობაში სიღარიბის დასაძლევად? - „მე ძირითადად თეატრების შესახებ კანონებზე ვიმუშავე“

რა გააკეთა ზაზა პაპუაშვილმა 2 წლის განმავლობაში სიღარიბის დასაძლევად? - „მე ძირითადად თეატრების შესახებ კანონებზე ვიმუშავე“

access_time2018-10-12 20:00:31


2016 წლის საპარლამეტო არჩევნების წინ ქართული ოცნების მთავარი ლოზუნგი - კეთილდღეობა და სწრაფი განვითარება იყო. 2 წლის შემდეგ „Unicef“- ი აქვეყნებს კვლევას, რომლის მიხედვითაც 2015 წელთან შედარებით 2017 წელს, უკიდურესი სიღარიბე 2,9%-ით გაიზარდა, ხოლო ზოგადი სიღარიბე 3,3%-ით.


„კომერსანტი“ დაინტერესდა რა გააკეთა მმართველი პარტიის თითოეულმა დეპუტატმა მთავარი დანაპირების — კეთილდღეობის და სწრაფი განვითრების შესასრულებლად, რის გამოც ორი წლის წინ ამომრჩევლებს ხმას სთხოვდნენ. როგორ აფასებენ საკუთარ სიტყვას და საქმეს დეპუტატების სავარძლებიდან და რას ეუბნებიან ამომრჩევლებს, რომლებსაც სიღარიბის დონე სწორედ ქართული ოცნების მმართველობის პერიოდში გაეზარდათ. „კომერსანტის“ რესპონდენტი ამჯერად „ქართული ოცნება - დემოკრატიული საქართველოს“ დეპუტატი ზაზა პაპუაშვილია.


- ბატონო ზაზა, პირადად თქვენ, როგორც ერთმა დეპუტატმა, რა გააკეთეთ იმისთვის, რომ 2016 წელს მოსახლეობისთვის მიცემული დაპირებები - კეთილდღეობისა და სწრაფი განვითრების შესახებ შეგესრულებინათ?


- პირადად მე რა გავაკეთე როგორც დეპუტატმა? როგორ ფიქრობთ, ეს კითხვა სწორად არის დასმული? რას გულისხმობთ ჩემი პირადი ხარჯით რა გავაკეთე თუ საკანონმდებლო დონეზე რა გავაკეთე თუ რა?


- თქვე ხომ ხართ პასუხისმგებელი საკუთარ ამომრჩეველთან? ხვდებოდით თუ არა ამომრჩეველს და როგორ რეაგირებთ მათ მიერ დასახელებულ პრობლემებზე, რომელიც ძირითადად სწორედ გაჭირვებას და სიღარიბეს უკავშირდება?


- ვხვდებოდი და ვიღებ კიდევაც, მათ ძირითადად ყოფითი პრობლემები აწუხებთ. მერია და გამგეობა ამას თავს ართმევს. ძირითადად ეს არის ოპერაციების დაფინანსება, მედიკამენტების შეძენა. საყოფაცხოვრებო პრობლემები: ლიფტი, სადარბაზო, სახურავი, ეზოს მოწყობა, რა დროსაც მე შუამდგომლობას მთხოვენ. პრინციპში საშუამდგომლო არც არაფერია, რადგან გამგებელს საშუალება თუ აქვს ყველაფერს აკეთებს.


- გეთანხმებით, ეს მერიის და გამგეობის პრეროგატივაა, თქვენ კანონმდებელი ხართ, ამიტომაც გეკითხებით, ორი წლის განმავლობაში თქვენს მიერ პარლამეტში მოხდა თუ არა კონკრეტული კანონის ინიცირება, რომელიც მოსახელობის კეთილდღეობას და ქვეყნის სწრაფ განვითარებას შეუწყობდა ხელს?


- მე ძირითადად თეატრების შესახებ კანონებზე ვიმუშავე. თუმცა, პარალელურად ბევრ კანონპროექტზეც ვიმუშავე, ისეთ კანონზე, რომელსაც სჭირდებოდა კარგი დაცვა, მოვლა და გატანა. იქაც არის გარკვეული ბრძოლის პატარ-პატარა ველები, ბევრ ასეთ საქმეებში თანამონაწილე ვყოფილვარ. რა ვიცი, ვცდილობ კანონები, რომელიც შეცლის ჩვენს ყოფას მარტო მხარი კი არ დავუჭირო, არამდე ჩემი იდეებიც იყოს იქ გათვალისწინებული.



- როგორ ფიქრობთ, რატომ გაიზარდა სიღარიბე ქვეყანაში?


- არ ვიცი თქვენ რა მონაცემებს ეყრდნობით?


- „Unicef“- კვლევაზე გესაუბრებით, რომელზეც ბიძინა ივანიშვილი აღშფოთდა და როგორც თქვენ თანაპარტიელები ამბობენ, რომ წინა მთავრობა გადაჰყვა.


- იცით რა ის, რომ ყველას გვინდა უკეთეს ქვეყანაში ცხოვრება ... იცით რა, ერთი თხოვნა მაქვს, ბრალდებით ნუ მელაპარაკებით.


- ბატონო ზაზა თქვენი პოზიცია გვაინტერესებს ბრალდებებს არ გიყენებთ.


- სიღარიბის გაზრდა ბევრ რამეზეა დამოკიდებული. აქ თავის მართლებაზე არ არის საუბარი, მეც თქვენთან ერთად მინდა, რომ ცხოვრება უკეთესი გახდეს. რაღაც თემებთან დაკავშირებით ბევრი კითხვა მეც მქონდა...


- კონკრეტულად რასთან დაკავშირებით გაგიჩნდათ კითხვები?


- მინდა, რომ გარკვეულ ადგილებში თანამდებების პირები მეტად კვალიფიცირებულები იყვნენ. ადამინებს, რომელებსაც ნდობას ვუცხადებთ, ისინი სხვა გზებს მიმართავენ ხოლმე. ზოგი შანტაჟის გზას ადგას, ზოგი რაღაცეებს ვერ ართმევს თავს.


- როგორ ფიქრობთ, რომელ დარგში გვაქვს კვალიფიციური კადრების პრობლემა და არის თუ არა ქვეყანაში ფართოდ გავრცელებული კორუფცია?


- ჩაკითხვებით, რომ გამომყვეთ მე და თქვენ თვენახევარი უნდა ვისაუბროთ. ვერაფერი ვერ უნდა თქვა ამ ჟურნალისტებთან, თუ არ ჩაგიქუცმაცდნენ . პრინციპებზე ვლაპარაკობ. სამი წუთი გვაქვს, მეტს ვეღარ დაგელაპარაკებით. ზოგჯერ ადამიანებს ნდობას ვუცხადებთ, ისინი კი ჩვენს მოლოდინებს არ ამართლებენ. ვისურვებდი, რომ ყველა ადგილზე იყოს ისეთი კვალიფიციური ადამიანი და გულშემატკივარი, ვისთან დაკავშირებითაც კითხვები არ გაჩნდება. ქვეყანაში არის დასაქმების პრობლემა, სახელმწიფოს რისი საშუალებაც აქვს მაქსიმალურად აქეთებს. თუმცა, კმაყოფილი არავინაა. მე ამას ვუყურებ როგორც პროცესს, ვიმეორებ ამით კმაყოფილები არ ვართ და მეტი უნდა გავაკეთოთ.


- თქვენ თუ ეთანხმებით თქვენს კოლეგებს იმასთან დაკავშირებით, რომ მთავრობის განახლების ერთ-ერთი მიზეზი „Unicef“  ის კვლევა გახდა?


- რას გადაყვა კონკრეტულად მთავრობა და რაზე იყო საუბარი ამის თქმისგან თავს შევიკავებ. ცვლილებები სასიკეთოდ ხდება. მე ყველა ცვლილებას მივესალმები. რაღაც ეტაპამდე შენი სამუშაო გაწიე და უკვე ცვლილების დრო მოვიდა. მეც დავეთანხმე ამ ცვლილებებს იმ იმედით, რომ ბევრი საქმე უკეთესად გაკეთდება.


ბაჩო ადამია






საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს

საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს
access_time2019-02-23 20:00:56
საპენსიო სააგენტო საინფორმაციო და სარეკლამო მომსახურებაში 2019 წელს 913 938 ლარის დახარჯვას გეგმავს. შესყიდვების სააგენტოსგან ის ამ მომსახურების ტენდერის გარეშე, პირდაპირი წესით შესყიდვის ნებართვას...

რუსული საფრთხე ქართულ ეკონომიკაში

რუსული საფრთხე ქართულ ეკონომიკაში
access_time2019-02-23 18:00:24
ამ დღეებში სხვადასხვა სახელმწიფო უწყებამ გამოაქვეყნა სტატისტიკური მონაცემები, რომლებიც ერთი შეხედვით გასახარია. კერძოდ,  ნეგატიური პროგნოზების და ღორის გრიპის მიუხედავად, 2019 წლის იანვარში საქართველოში ტურისტების რაოდენობა კვლავ გაიზარდა - ამჯერად 18%-ით 2018 წლის იანვართან შედარებით. გარდა ამისა, აღმოჩნდა, რომ 2018 წელს არნახულად გაიზარდა სასოფლო-სამეურნეო პროდუქციის   ექსპორტი, რომელმაც მიაღწია 935 მლნ. დოლარს. ამ პროდუქციის...

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა
access_time2019-02-23 16:00:07
მარიანა კოტოვას ბლოგი...

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები
access_time2019-02-23 14:00:34
მამუკა ხაზარაძე „თიბისი ბანკის“ სამეთვალყურეო საბჭოს თავმჯდომარის თანამდებობას ტოვებს, მაგრამ აქციების გაყიდვას არ გეგმავს და ბანკის აქციონერად რჩება - ამის შესახებ „თიბისი ბანკში“...

როგორი იქნება განათლებისა და მეცნიერების 23-მილიონიანი ქალაქი დიდ დიღომში

როგორი იქნება განათლებისა და მეცნიერების 23-მილიონიანი ქალაქი დიდ დიღომში
access_time2019-02-23 12:00:54
საქართველოს განათლების, მეცნიერები, კულტურისა და სპორტის მინისტრის, მიხეილ ბატიაშვილის ინიციატივით, თბილისში, დიდი დიღმის ტერიტორიაზე საგანმანათლებლო კომპლექსი - "ახალი განათლებისა და მეცნიერების ქალაქი“ აშენდება. განათლების სამინისტროს განცხადებით, "ახალი ქალაქი უზარმაზარ საგანმანათლებლო სივრცეს გააერთიანებს და განათლების რეფორმის განხორციელებისა და მისი მიღწევების გაზიარების ჰაბი...


მსგავსი სიახლეები

up