ზაზა გაბუნია: კომიტეტის სხდომაზე თბილისისა და რეგიონებისათვის მნიშვნელოვანი ინფრასტრუქტურული პროექტების შესახებ მივიღეთ გადაწყვეტილებები

ზაზა გაბუნია: კომიტეტის სხდომაზე თბილისისა და რეგიონებისათვის მნიშვნელოვანი ინფრასტრუქტურული პროექტების შესახებ მივიღეთ გადაწყვეტილებები

access_time2018-11-08 20:02:12

პარლამენტის რეგიონული პოლიტიკისა და თვითმმართველობის კომიტეტის სხდომაზე, რომელსაც კომიტეტის თავმჯდომარე ზაზა გაბუნია უძღვებოდა, სასესხო შეთანხმებებთან დაკავშირებულ ექვს სარატიფიკაციო დოკუმენტზე იმსჯელეს.



როგორც ზაზა გაბუნიამ განაცხადა, „რეგიონული პოლიტიკის და თვითმმართველობის კომიტეტზე მასშტაბური ინფრასტრუქტურული სამუშაოების შესახებ იქნა გადაწყვეტილებები მიღებული. რიკოთზე ხევი უბისას მონაკვეთზე სამშენებლო სამუშაოები, სადაც გვირაბები და ხიდები აშენდება. თბილისში „ვეფხვისა და მოყმის“ ძეგლის მიმდებარე ტერიტორიაზე სატრანსპორტო კვანძის მშენებლობა, რაც ქალაქში მოძრაობის განტვირთვისთვის მნიშვნელოვანია. მარშალ გელოვანისა და მუხრან მაჭავარიანის ქუჩების დამაკავშირებელი საავტომობილო გზის მოწყობის სამუშაოები და 300 კილომეტრამდე საგზაო სამუშაოები რეგიონებში“.


საკითხები სხდომაზე ფინანსთა მინისტრის მოადგილემ გიორგი კაკაურიძემ გამოიტანა და კომიტეტის წევრებს სარატიფიკაციო დოკუმენტებთან დაკავშირებით ინფორმაცია გააცნო.


მომხსენებლის განცხადებით, მთავრობამ რატიფიკაციისთვის წარმოადგინა „2014 წლის 9 ივლისის „საქართველოსა და რეკონსტრუქციისა და განვითარების საერთაშორისო ბანკს შორის სასესხო შეთანხმების (შიდასახელმწიფოებრივი და ადგილობრივი გზების მესამე პროექტი)“ პირველი ცვლილება“. მისი თქმით, 2014 წლის 9 ივლისის ხელშეკრულების ფარგლებში გამოყოფილი იყო 75 მლნ. აშშ დოლარის ოდენობის სესხი, რომელიც ჯამში უნდა მიმართულიყო საქართველოს შიდა სახელმწიფოებრივი და ადგილობრივი გზების რეაბილიტაციისთვის - ჯამში ეს არის 200 კილომეტრამდე გზის რეაბილიტაცია.


გიორგი კაკაურიძის განცხადებით, განხორციელებული ტენდერების შედეგად წარმოიქმნა ეკონომია, დაახლოებით 17 მლნ დოლარი, რაც დამატებითი გზების რეაბილიტაციის შესაძლებლობას იძლევა, საუბარია დაახლოებით დამატებით 69 კმ გზის რეაბილიტაციაზე და სწორედ ამ მიზნით შედის ცვლილება თავდაპირველ ხელშეკრულებაში და ამასთანავე ხდება ვადის გაგრძელება. შესაბამისად, ხელშეკრულების ვადა, რომელიც უნდა დასრულებულიყო 2018 წლის 30 სექტემბერამდე, გადადებულია 2020 წლის 30 ივნისამდე. ეკონომიის ჩათვლით, რეაბილიტაცია ჯამში 269 კმ-ს ჩაუტარდება.



მომხსენებლის განცხადებით, შემდეგი ოთხი სარატიფიკაციო დოკუმენტი ერთი ჩარჩო ხელშეკრულების ფარგლებშია მოქცეული - ეს არის 2010 წლის 21 ივნისს საქართველოსა და აზიის განვითარების ბანკს (ADB) შორის გაფორმებული ჩარჩო ხელშეკრულება 300 მლნ აშშ დოლარის ოდენობით, რომელიც უნდა მიმართულიყო საქართველოს რეგიონებში სატრანსპორტო ინფრასტრუქტურის განვითარებისთვის. ამ პროექტის ფარგლებში გაფორმდა 5 სასესხო ხელშეკრულება, რაც ითვალისწინებდა მეტროს სადგურ „უნივერსიტეტის“ მშენებლობას, თბილისი-რუსთავის გზის დამაკავშირებელი მაგისტრალის მშენებლობას, მესტიის გზის რეაბილიტაციას, ბათუმში ნაპირდაცვითი სამუშაოებს, თბილისის მეტროში უსაფრთხოების კუთხით ელექტროგაყვანილობის სრულ რეაბილიტაციას. გიორგი კაკაურიძის ინფორმაციით, ამ შემთხვევაშიც, ეკონომიის საფუძველზე ხდება ხელშეკრულებების ვადების გადაწევა 2020 წლის 18 ივლისამდე, ასევე მიმდინარეობს მოლაპარაკებები არსებული ეკონომიის - ჯამში 35 მლნ დოლარის შემდგომი გამოყენების თაობაზე.


რაც შეეხება მთავრობის მიერ რატიფიცირებისთვის წარმოდგენილ „საქართველოსა და აზიის განვითარების ბანკს შორის სასესხო შეთანხმებას (ჩვეულებრივი ოპერაციები) (აღმოსავლეთ-დასავლეთის ჩქაროსნული ავტომაგისტრალის გაუმჯობესების პროექტი)“, იგი ხევი-უბისას მონაკვეთის დაფინანსებას ეხება. გიორგი კაკაურიძის განმარტებით, იმის გამო, რომ სესხის თავდაპირველი მოცულობა შემცირდა, შესაბამისად მცირდება აღნიშნული სესხის თანადაფინანსებისთვის საქართველოს მთავრობის მხრიდან გამოყოფილი თანხაც, რომელიც დაახლოებით 129,5 მილიონი აშშ დოლარი იქნება.


სესხის ფინანსური პირობებია: სესხის მოცულობა: 255,297,000 ევრო, სესხის ხანგრძლივობა: 26 წელი (მათ შორის შეღავათიანი პერიოდი 11 წელი), წლიური საპროცენტო განაკვეთი: ცვლადი EURIBOR + 0,7%, 2018წ 4 ივლისის მდგომარეობით EURIBOR-ი შეადგენდა - 2.6996-ს.


სხდომის დასასრულს გაიმართა კენჭისყრა, კომიტეტმა სარატიფიკაციო დოკუმენტების პარლამენტის პლენარულ სხდომაზე განსახილველად გატანას მხარი დაუჭირა.









გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...

ISET-ის კვლევა - საქართველოს სოფლის მეურნეობის „აქილევსის ქუსლი“ მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია

ISET-ის კვლევა - საქართველოს სოფლის მეურნეობის „აქილევსის ქუსლი“  მიწის არასრული რეგისტრაციაა - სოფლის მეურნეობა წილი მშპ-ში მხოლოდ 7.7%-ია
access_time2019-04-25 14:00:50
საქართველოს დამოუკიდებლობის აღდგენიდან 28 წლის შემდეგ, ჩვენ ყველა, საქართველოს სოფლის მეურნეობით და სოფლის განვითარებით დაინტერესებული მხარე უნდა გამოვფხიზლდეთ და ხმამაღლა ვისაუბროთ იმაზე, რომ „სიმპტომების“ წინააღმდეგ ბრძოლა არაეფექტურია და ჯერ „პრობლემის სათავეს” უნდა ვუმკურნალოთ... ამას კი, პირველ რიგში, მთავრობის მხრიდან აშკარა და ერთმნიშვნელოვანი მხარდაჭერა სჭირდება! — ასეთია  ISET-ის კვლევის...


მსგავსი სიახლეები

up