„ზარაფხანა“: რეგიონები  ჩვენი პროდუქციისთვის  მზად  არ არის

„ზარაფხანა“: რეგიონები ჩვენი პროდუქციისთვის მზად არ არის

access_time2018-09-19 11:00:00

„საქართველოს რეგიონები არ არის მზად ზარაფხანას პროდუქციისთვის, რადგან ეკონომიკურად ცხოვრების დონე დედაქალათან შედარებით დაბალია. სურვილი დეცენტრალიზებასთან დაკავშირებით გვქონდა, თუმცა, კომერციულად ის ძალიან არამომგებიანი აღმოჩნდა,“ - ამის შესახებ „კომერსანტს“ კომპანია „ ზარაფხანას“ სამეთვალყურეო საბჭოს თავმჯდომარემ ნიკოლოზ ნაყოფიამ განუცხადა.


 

ბიზნესმენის თქმით, წარსულში ზუგდიდში, რუსთავში, ახალციხეში (რაბათში) და ქუთაისში გახსნილმა ფილიალებმა საბოლოოდ შოურუმის ფუნქცია შეასრულა და რეგიონებში „ზარაფხანას“ მაღაზიები დაიხურა.ასევე, ჩვენთვის ცნობილი გახდა, რომ „ზარაფხანა“ 2019 წელს ნიუ-იორკის და ჰოლანდიის ბაზრებზე გაყიდვებში ჩაეშვება.


 

როგორც „კომერსანტს“ ბიზნესმენმა განუცხადა, ორივე ბაზარი კომერციული თვალსაზრისით მომგებიანი იქნება, რადგან ხელნაკეთი სამკაულები უცხოეთში ფასობს და მოსახლეობაშიც მსყიდველუნარიანობა მაღალია.

 

ნიკოლოზ ნაყოფიაკომერსანტთანმეზობელ ქვეყნებში გაფართოების შესახებაც საუბრობს. კომპანიამ 2015 წელს  მაღაზია აზერბაიჯანის დედაქალაქში გახსნა, თუმცა ბაქოში წამოწყებულმა ბიზნესმა არ გაამართლა.  

 

„თავის დროზე ამ გადაწყვეტილებას მხარს არ ვუჭერდი, რადგან  საიუველირო  ნაწარმის ქვეყნის ფარგლებს გარეთ გატანა საკმაოდ სპეციფიკური ბიზნესია.

 

მითუმეტეს იმ პირობებში, როდესაც აზერბაიჯანი ერთ-ერთი ყველაზე კორუმპირებული ქვეყანაა და ყველაფერი უკონტროლოა. იმ პერიოდში არ გაგვიმართლა, რადგან მაღაზიის გახსნის დღეს მანათი ორჯერ გაუფასურდა. სწორედ ამ მიზეზების გამო ბაზრიდან გამოვედით,“ - განაცხადა ნაყოფიამ.

 

 

რაც შეეხება სამომავლო გეგმებს, „ზარაფხანა“ ოქტომბერში მეექვსე მაღაზიას „გალერია თბილისში“ გახსნის. ობიექტი პირველ სართულზე 50 კვ-მზე განთავსდება.

 

„ამ ნაბიჯით ჩვენ სხვა საიუველირო  ბრენდებს კონკურენციას გავუწევთ. „გალერია თბილისში“ შესვლა დიდი ხანია გვინდა, უბრალოდ ამ დრომდე ბაზარს ვსწავლობდით,“ – განაცხადა ნაყოფიამ.


ავტორი: ლიკა გურაბანიძე






29 მაისიდან ყველა სახის მუნიციპალური ტრანსპორტი ამუშავდება

29 მაისიდან ყველა სახის მუნიციპალური ტრანსპორტი ამუშავდება
access_time2020-05-27 11:08:59
29 მაისიდან გაიხსნება ყველა სახის მუნიციპალური ტრანსპორტი,- ამის შესახებ საქართველოს პრემიერ-მინისტრმა გიორგი გახარიამ განაცხადა. მისი განმარტებით, აუცილებელი იქნება მგზავრობის დროს პირბადის ტარება   კორონავირუსის საწინააღმდეგო პრევეციული ღონისძიებების ფარგლებში, საზოგადოებრივი ტრანსპორტით – მეტროთი და ავტობუსებით გადაადგილება 30 მარტს აიკრძალა, ხოლო მიკროავტობუსების მომსახურება საქართველოს მასშტაბით 18 მარტიდან შეჩერებულია.

ვფიქრობ, შეზღუდვების მოხსნაზე მეტი რისკი ტურისტული სეზონის გახსნაა-თენგიზ ცერცვაძე

ვფიქრობ, შეზღუდვების მოხსნაზე მეტი რისკი ტურისტული სეზონის გახსნაა-თენგიზ ცერცვაძე
access_time2020-05-27 12:30:30
თბილისის ინფექციური საავადმყოფოს დირექტორის, თენგიზ ცერცვაძის შეფასებით, შეზღუდვების მოხსნა და მითუმეტეს მთლიანად, უდიდეს რისკებს შეიცავს.მისივე თქმით, ეს რისკი შედარებით ნაკლებია საქართველოსთვის, რადგან საქართველომ მყარ სტაბილიზაციას მიაღწია. „ჩვენ მივაღწიეთ იმ სიტუაციას, როდესაც გვყავს ავადმყოფებისა და გარდაცვლილების ძალიან მცირე რიცხვი, ერთ-ერთი ყველაზე მცირე ევროპაში. ბოლო დღეებშიც არ ფიქსირდება ერთეულ შემთხვევაზე მეტი. ამიტომ საქართველოში...

ტანსაცმლის მაღაზიებში გასახდელი ოთახები უქმდება

ტანსაცმლის მაღაზიებში გასახდელი ოთახები უქმდება
access_time2020-05-26 16:00:59
„რითეილ გრუპ ჯორჯიაში“ შემავალ ტანსაცმლის მაღაზიებში გასახდელი ოთახები უქმდება. ამის შესახებ კომპანიის დირექტორმა რეზო მაღალაშვილმა „ბიზნესპრესნიუსთან“ საუბრისას განაცხადა. მისი თქმით, იქიდან გამომდინარე, რომ ტანსაცმელი ინფექციის გადატანის მაღალ რისკად მიიჩნევა, პრევენციისთვის, კომპანიამ გარკვეული ზომების დამატება გადაწყვიტა. როგორც რეზო მაღალაშვილი ამბობს, ამის პარალელურად გაიზრდება პროდუქციის მიბრუნება-გადაცვლის პროცედურები. უკან მიბრუნებული ტანსაცმელი კი, დარბაზის...

რესტორნებში მენიუ 30%-ით გაძვირდება,ამას საზოგადოება გაგებით უნდა მოეკიდოს-სტუმარ-მასპინძლობის ტრადიცია გამოწვევად იქცა

რესტორნებში მენიუ 30%-ით გაძვირდება,ამას საზოგადოება გაგებით უნდა მოეკიდოს-სტუმარ-მასპინძლობის ტრადიცია გამოწვევად იქცა
access_time2020-05-27 10:50:16
ახალი კორონავირუსი მსოფლიოს დღის წესრიგის შეცვლის შემდეგ, შეიძლება ითქვას, ხალხთა ტრადიციებსაც აქტიურად ებრძვის. უამრავ რეგულაციასთან ერთად, რამდენიმე თვეა ჩვენს ქვეყანაში საუკუნეების ადათ-წესები სახეს იცვლის ან სრულად იკრძალება. მაგალითად, ქორწილისა და ქელეხის გადახდა რამდენიმე თვეა უკვე შეუძლებელია. რა ელის კიდევ ერთ, უმნიშვნელოვანეს ტრადიციას საქართველოსთვის - სტუმარ-მასპინძლობასა და ქართულ სუფრას. რა გამოწვევებია სარესტორნო ინდუსტრიაში დღეს და რას...

სასტუმრო „რადისონ ბლუ ივერია“ სტუმრებს 8 ივნისიდან მიიღებს

სასტუმრო „რადისონ ბლუ ივერია“  სტუმრებს  8 ივნისიდან მიიღებს
access_time2020-05-26 17:15:05
სასტუმრო “რადისონ ბლუ ივერია” 8 ივნისიდან სტუმრებთან შესახვედრად ემზადება.სასტუმროს გუნდი მოხარულია კვლავ უმასპინძლოს სტუმრებს და აცხადებს, რომ პირველ ეტაპზე – 8 ივნისიდან გაიხსნება სასტუმროს გარე სივრცეები: “ივერია ტერასა” და “ივერია კაფე”. მეორე ეტაპზე -15 ივნისიდან სასტუმრო სრული დატვირთვით ამუშავდება, გაიხსნება ღია და დახურული აუზები.მესამე ეტაპზე – 22 ივნისს გაიხსნება იტალიური და აზიური რესტორნები – “ფილინი” და “უმამი” რადისონის ჯგუფისთვის...


მსგავსი სიახლეები

up