მსოფლიო მოდის გიგანტს Inditex-ს, რომელიც რამდენიმე ბრენდს, მათ შორის Zara-სა და Massimo Dutti-ს ფლობს, ახალ თავმჯდომარე ჰყავს. კომპანიის ხელმძღვანელი დამფუძნებლის ქალიშვილი გახდა.

BBC-ის ცნობით, მარტა ორტეგა პაბლო ისლას ჩაანაცვლებს, რომელიც Inditex-ს 2011 წლიდან მართავს. ორტეგა ფირმაში უკვე 15 წელია მუშაობს, რაც მან High Street-ის ბრენდ Bershka-ში ასისტენტის პოზიციაზე დაიწყო.

„მე ყოველთვის ვამბობდი, რომ ჩემს ცხოვრებას მშობლების მემკვიდრეობის გაგრძელებას მივუძღვნიდი. მე ბავშვობიდან ვცხოვრობდი და ვსუნთქავდი ამ კომპანიაში და ბევრი რამ ვისწავლე ყველა დიდი პროფესიონალისგან, ვისთანაც ბოლო 15 წლის განმავლობაში მიმუშავია,” - აცხადებს 37 წლის მარტა ორტეგა.

ორტეგას საცალო ვაჭრობის ბრენდის იმიჯის გაძლიერებას უკავშირებენ, რომელმაც რამდენიმე კამპანია წარმართა, მათ შორის არის Zara-ს პრემიუმ კოლექციები, Zara SRPLS და Charlotte Gainsbourg by Zara.

კომპანია Inditex ამანსიო ორტეგამ ყოფილ მეუღლესთან, როზალიასთან ერთად 1975 წელს, ესპანეთის გალიციაში დააარსა. ამანსიო ორტეგა მსოფლიოში ერთ-ერთი უმდიდრესი ადამიანია, რომლის ქონება, Forbes-ის მიხედვით, 77,8 მლრდ დოლარს შეადგენს. ის Inditex-ს 2011 წლამდე მართავდა.

დღეისთვის Inditex-ს მსოფლიოში 7 000 მაღაზიის, 8 000-ზე მეტი ქარხნისა და 100 მლრდ დოლარის საბაზრო ღირებულების მქონე კომპანიაა. მმართველის ცვლილების გამოცხადების შემდეგ, Inditex-ის აქციები, თითქმის, 5%-ით დაეცა.

bpn.ge