რადიო კომერსანტის გადაცემაში „პროფესიონალები“ელექტროენერგეტიკის სექტორის გამოწვევებსა და სტრუქტურულ რეფორმებზე ისაუბრეს.
„მოხმარების ზრდა დადებითი ტენდეციაა, იგი ასახავს ქვეყნის განვითარებას, თუმცა ენერგეტიკა მოვალეა ფეხი აუწყოს მას. იმ ზრდით, რაც მისაღებია და ოტიმალურია ქვეყნისთვის. იმპორტი არ არის ტრაგედია და აუცილებელი კომპონენტიცაა. თუმცა ყველაზე დიდი გამოწვევა მაინც ახალი ჰესების მშენებლობაა. იმ რესურსის გამოუყენლობა,რაც ჩვენს ქვეყანას აქვს, დიდი შეცდომაა,“- აღნიშნავს საქართველოს ელექტროენერგეტიკული ბაზრის ოპერატორის (ესკო) გენერალური დირექტორის, ზაზა დვალიშვილი.
საქართველოს სახელმწიფო ელექტროსისტემის მმართველთა საბჭოს თავმჯდომარის, უჩა უჩანეიშვილის განცხადებით, ენერგო უსაფრთხოების თვალსაზრისით, მნიშვნელოვანი კომპონენტია ახალი გენერაციის მიერთებები.
„მთელი ჰიდრორესურსი თავმოყრილია მდინარე ენგურისა და რიონის აუზში, მომუშავე ჰიდროელექტრო სადგურები მუშაობენ ზაფხულის პერიოდში და მთელი ეს ნაკადი მოედინება აღმოსავლეთ საქართვის, სადაც მოხმარების და დიდი დატვირთვის კვანძებია. გასულ წელს, 2019 წლის ივნისში ხელი მოეწერა მსოფლიო ბანკთან ხელშეკრულებას, რომლის საფუძველზეც განხორციელდება 60 მილიონი კრედიტის პროექტი,რომელიც უზრუნველყოფს ქვესადაგური ჯვარდან ქვესადგურ წყალტუბომდე ახალი 500 კილოვატიანი ხაზის მშენებლობას.
ახალი გენერაციის მიერთებები არის ჩვენი სტრატეგიული ინტერესი, რომლის გარეშეც ქვეყნის ენერგოდეფიციტი დიდ ციფრებში გადავა. შიდა გენერაციის განვითარება მნიშვნელოვანია, აუცილებელია ასევე ენერგეტიკული ჰაბების მშენებლობა, რაც გულისხმობს რამდენიმე ჰიდროელექტროსადგურის მიერთების კვანძის არსებობას,“- ამბობს უჩა უჩანეიშვილი. როგორც მან გაგადაცემაში აღნიშნა, განახლებადი ენერგიების არასტაბილურობას დააბალანსებს ენერგიის დამგროვებელი სპეციალური აკუმულატორები.
„ქარი და მზე თავისი წყაროებიდან გამომდინარე გამოირჩევნიან არასტაბილურობით. გერმანელი სპეციალისტების მიერ ჩატარებული კვლევების თანახმად, ქარის 350 მეგავატისა და მზის 150 მეგავატის ელექტროსადგურის მიერთებით დღევანდელი სისტემა კიდევ უფრო გაძლიერდება. არსებობს ასევე ენერგიის დამგროვებელი, სპეციალური აკუმულატორები,რომლებიც ძალიან სწრაფია და მზისა და ქარის სწრაფი ცვლილების პროცესში ბალანსს ინარჩუნებს.
ბაზარზე ნებისმიერი ახალი მოდელის დანერგვა უნდა იყოს შესაბამისი ტექნოლოგიური საშუალებებით უზრუნველყოფილი. “მისი თქმით,მჟამად, საქართველოს ენერგო სისტემა აღჭურვილია თანამედროვე მართვის ავტომატიზირებული სისტემით.
„ამ სისტემის განხორციელების პირველი ეტაპი 13 წლის წინ დაიწყო, ახლა მეორე ეტაპზე ვართ, რაც გულისხმობს ბაზრის ფუნქციონირების რეჟიმებს, უფრო კონკრეტულად საათურ დაბალანსებას.ბალანსზე პასუხისმგებელი ნებისმიერი პირია,რომელიც გამოიმუშავებს ან მოიხმარს ელექტროენერგიას. ხოლო ბალანსის სერვისის წარმომადგენელი სუბიქეტი აქტიურდება არსებული უბალანსობის წარმოშობის შემთხვევაში,“- ამბობს უჩა უჩანეიშვილი.
ნათია კეკენაძე
ჰესები
