„ახალი საქართველოს“ ლიდერმა გიორგი ვაშაძემ „სტრატეგია აღმაშენებლის“ გუნდის მიერ შემუშავებული ქართული ბიზნესისა და ეკონომიკის გადასარჩენად ორი კონკრეტული ინციატივა წარმოადგინა, რომლებიც ექვსი თვის მანძილზე გადავადებულ სესხებზე პროცენტის ჩამოწერასა და შემდგომ ეტაპზე ყველა კრედიტის პროცენტის განახევრებას ითვალისწინებს.
ვაშაძის თქმით ეროვნულმა ბანკმა ანტიმონოპოლიური პოლიტიკა უნდა გაატაროს, შემცირდეს რეფინანსირებისა და სარეზერვო განაკვეთები, რომ ქართულ ბიზნესს ფინანსებზე წვდომა ჰქონდეს. „ახალი საქართველოს“ ლიდერის განცხადებით სესხების, ფულის გაიაფება და მოქალაქეების პროცენტის ჩამოწერა დაუყოვნებლივ უნდა მოხდეს.
„ეს პრეზენტაცია განკუთვნილია მოქალაქეების და რაც მთავარია მთავრობისთვის. საბანკო მონოპოლიები-ეს არის მთავარი პრობლემა და თავის ტკივილი, მით უმეტეს კორონა კრიზისის პირობებში, რომლებმაც 3,4მლრდ მოიგეს ბოლო 4 წლის მანძილზე და ფაქტობრივად ართმევენ არსებობის ყველანაირ შესაძლებლობას ქართულ ბიზნესა და ქართულ ეკონომიკას. ორი კონკრეტული ინციატივა,რაც გვაქვს:
1. ექვსი თვის მანძილზე გადავადებულ სესხებზე პროცენტი უნდა ჩამოიწეროს; 2. შემდგომ ეტაპზე ყველა კრედიტის პროცენტი უნდა განახევრდეს; მორჩა და დამთავრდა. ამისთვის ეროვნულმა ბანკმა ანტიმონოპოლიური პოლიტიკა უნდა გაატაროს, შემცირდეს სარეზერვო განაკვეთები და მოთხოვნები, რომლებიც არის, მაგრამ მთავარია იმისთვის, რომ გადავრჩეთ და გადავარჩინოთ ქართული ეკონომიკა აუცილებელია გავაიაფოთ სესხები, გავაიაფოთ ფული და მოქალაქეებს პროცენტები ჩამოვაწეროთ. ეს დათვლილია საკუთესო ეკონომისტებთან ერთად, რომ ეს შესაძლებელია და ეს უნდა გაკეთდეს დაუყოვნებლივ. ყველას უნდა ჩამოეწეროს ექვსი თვის მანძილზე გადავადებული პროცენტები და უნდა განახევრდეს საპროცენტო განაკვეთი მომავალში და არა ისე, როგორც ახლა ზრდიან. ურეკავენ კლიენტებს ბანკები და ეუბნებიან, რომ მათ გაეზარდათ პროცენტი,ეს არის უბრალოდ წარმოუდგენელი“ - გიორგი ვაშაძე.