„შარშანდელთან შედარებით მსოფლიოში ხორბლის მოსავლის შემცირებამ ბაზარზე სერიოზული რყევები გამოიწვია, აქედან გამომდინარე ბოლო ერთი წელია ჩვენც საკმაოდ დაძაბული სიტუაცია გვაქვს“ – ამის შესახებ რადიო „კომერსანტის“ გადაცემა „კომერსანტის დილაში“ „ხორბლისა და ფქვილის მწარმოებელთა ასოციაციის“ აღმასრულებელმა დირექტორმა ლევან სილაგავამ განაცხადა. მისივე განცხადებებით, გასულ წელს ხორბლის აღების პერიოდში მისი ფასი დაბალანსდა, თუმცა 2020 წლის სექტემბრიდან რყევები კვლავ დაიწყო.
„2020 წლის სექტემბერში საქართველოში ხორბლის შემოტანის ფასი 200 დოლარი იყო, დღეს კი სამწუხაროდ ეს თანხა 280 დოლარს შეადგენს, შესაბამისად იმისათვის, რომ პურზე ფასის ზრდა შეჩერებულიყო სახელმწიფოს სუბსიდირების პროგრამის ამუშავება დასჭირდა, რომელიც 4 თვის ვადაზე 2020 წლის დეკემბრიდან 2021 წლის 31 მარტის ჩათვლით იყო გათვლილი. შესაბამისად ამ პროგრამის პირველი ეტაპი იწურება და იქიდან გამომდინარე , რომ ხორბლის შემოტანის ღირებულება კვლავ 280 დოლრია აღნიშნული პროგრამა აპრილისან კვლავ სამი თვით გაგრძელდება“, - აღნიშნა ლევან სილაგავამ.
სილაგავას განცხადებით, როდესაც ფქივილის სუბსიდირებაზე მსჯელობა მიდიოდა, ორი მიმართულება გამოიკვეთა. პირველი ეს არის ყოველდღიური მოხმარების პური და მეორე -.არაყოველდღიური მოხმარების პური ბაგეტი, ლიტვური და ა.შ. „ხორბლისა და ფქვილის მწარმოებელთა ასოციაციის“ აღმასრულებელმა დირექტორის განმარტებით, გამომდინარე იქიდან, რომ სამიზნე აუდიტორია ყოველდღიური მოხმარების პურია სუბსიდირებაც ამ მიმართულებაში გაკეთდა.
„ტენდერის პირობებს, რომ გადავხედოთ პურის მწარმოებლებმა და ქარხნებმა, რომლებიც პურს აცხობენ 1 ტომარა ფქვილში სამიზნე ფასი 53 ლარი მოითხოვეს. თუ დღეს ბაზარზე ფასებს შევხედავთ ერთი ტომარა ფქვილის ფასი 68 ლარია, შესაბამისად დღეს წისქვილკომბინანტებიდან 2 ფასი გვხვდება, 53 ლარი იმ პურის ქარხნებისათვის, რომლებიც ყოველდღიური მოხმარების პურს აცხობენ და 68 ლარი თავისუფალი ბაზრის ფასი, რომელიც არის ჩვეულებრივი მოხმარების პურზე“, — აღნიშნა ლევან სილაგავამ.
„ხორბლისა და ფქვილის მწარმოებელთა ასოციაციის“ აღმასრულებელმა დირექტორის განცხადებით, სახელმწიფო სუბსიდირების პროგრამა, რომელიც დეკემბერში დაიწყო და მარტის ბოლოს მთავრდება სახელმწიფოს 10 მილიონ ლარამდე დაუჯდა. მისივე განმარტებით, გამოყოფილი ბიუჯეტი მთლიანად არ იყო ათვისებული და სუბსიდირების პროგრამას წინა პროგრამიდან დაზოგილი დაახლოებით მილიონ-ნახევრაი დოლიარი დაემატება.
„სუბსიდირების პროგრამა რომ არ ყოფილიყო, თთოეული ეს პური რასაც ჩვენ ყოველდღიურად მოვიხმართ დაახლოებით 20 თეთრით გაძვირდებოდა. შესაბამისად ეს გაძვირება სახელმწიფომ თავიდან აიცილა.აქედან გამომდინარე ხშირად ისმის კითხვები თუ რისთვის კეთდება ეს, ჩვენ როგორც დარგი, თვითონ სუბსიდირებას არ ვემხრობით , თუმცა რადგან კრიზისია და საქმე სოციალურად დაუცველ მოსახლეობას ეხება, რომელთა რაოდენობაც საკმაოდ მაღალია სუბსიდირება აუცილებელია“, - აღნიშნა ლევან სილაგავამ.
თაკო კვაჭანტირაძე