YouTube-მა გამოაცხადა, რომ Covid-19-ის ვაქცინებთან დაკავშირებით საკუთარი პლატფორმიდან იმ ვიდეოებს წაშლის, რომელიც ადგილობრივი სამედიცინო ორგანოების ან ჯანმოს საექსპერტო კონსენსუსს ეწინააღმდეგება.
„Covid-19-ის ვაქცინა შეიძლება მოახლოებული იყოს, ამიტომ ვუზრუნველყოფთ, რომ სწორი პოლიტიკა გვქონდეს, რათა Covid-19-ის ვაქცინასთან დაკავშირებული დეზინფორმაცია ჩვენი პლატფორმიდან ამოვიღოთ. Covid-19-ის შესახებ სამედიცინო დეზინფორმაციის გაფართოებული პოლიტიკა მოიცავს კონკრეტულ ინფორმაციას, სადაც ნათქვამია, რომ ნებისმიერი კონტენტი, რომელიც ადგილობრივი სამედიცინო ორგანოების ან ჯანმოს საექსპერტო კონსენსუსს ეწინააღმდეგება YouTube-იდან წაიშლება“, - ნათქვამია YouTube-ის განცხადებაში.
კომპანიაში ასევე განაცხადეს, რომ პლატფორმიდან ნებისმიერი კონტენტი წაიშლება, სადაც საუბარი იქნება იმაზე, რომ „ვაქცინა ხალხს კლავს ან უნაყოფობას იწვევს“, ან რომ „მიკროჩიპების ჩასმა მოხდება იმ ადამიანებში, რომლებიც ვაქცინას მიიღებენ“.
imedinews.ge