ის ქართველი ფეხბურთელები და მწვრთნელები, რომლებიც ყაზახეთში თამაშობენ და მუშაობენ, უხელფასოდ დარჩნენ - ყაზახური კლუბების ამ, რბილად რომ ვთქვათ, უპასუხისმგებლო გადაწყვეტილებაზე ინფორმაცია telegram არხი Мутко против-მა გაავრცელა.
საქმე ისაა, რომ კორონავირუსის პანდემიის გავრცელების საფრთხის გამო ყაზახებმა ჩემპიონატი შეაჩერეს. კლუბებმა კი გადაწყვიტეს, რომ ამ პერიოდში ფეხბურთელებს კონტრაქტით გათვალისწინებული თანხა არ გადაუხადონ. ეს ვადა ამ ქვეყანაში საგანგებო მდგომარეობის გაუქმებამდე იმოქმედებს.
რამდენიმე კლუბის მენეჯერმა ერთბაშად გაუგზავნა წერილები თავიანთ ფეხბურთელებს, სადაც ნათქვამია, რომ ქვეყანაში საგანგებო მდგომარეობის დაწესების გამო, მოთამაშეთა კონტრაქტები შეჩერდება. ამ დროისთვის, ლაპარაკაი ხელფასების ერთი თვით შეჩერებაზე, მაგრამ პანდემიის გავრცელების შემთხვევაში, ხელშეკრულებების შეჩერების ვადა გაიზრდება. სხვათა შორის, იმის გათვალისწინებით, რომ რუსეთის კლუბების უმეტესობის კონტრაქტები შეიცავს დებულებებს ფორსმაჟორის შესახებ, ანალოგიური ვითარებაა რუსეთშიაცაა მოსალოდნელი, - იტყობინება არხი telegram არხი Мутко против.
გავრცელდა ყაზახეთის კლუბ კასპიისკის დადგენილება, სადაც წერია, რომ მოთამაშეებთან კონტრაქტები ფორსმაჟორული ვითარების გამო შეჩერდა და საგანგებო მდგომარეობის გაუქმების შემდეგ ამოქმედდება.
უცნობია, ბედნიერების მაუწყებელი ასეთი წერილები ქართველმა ფეხბურთელებმაც მიიღეს თუ არა, მაგრამ ისინი გამონაკლისები ვერ იქნებიან. ყაზახეთის ჩემპიონატში ორი ტურის თამაში მოახერხეს. ლიდერი ქაისარია“, რომელმაც 6 ქულა 2 გოლის გატანით მოაგროვა და გოლები გუჯა ლობჯანიძის ანგარიშზეა.
შეგახსენებთ, რომ ყაზახეთის პრემიერლიგაში 7 ქართველი ფეხბურთელი თამაშობს: კოსტანაის ტობოლში - ჯაბა კანკავა, ნიკა კვეკვესკირი და ლუკა ზარანდია, ყიზილ-ორდის ქაისარში - გუჯა ლობჯანიძე, პავლოდარის ირტიშში - ლევან კუტალია, ხოლო პეტროპავლოვსკის ყიზილ-ჟარში - შოთა გრიგალაშვილი და თამაზ ცეცხლაძე. ამას გარდა, ხოლო ჩიმკენტის ორდაბასის მთავარი მწვრთნელი კახა ცხადაძეა, ხოლო მისი თანაშემწე - გიორგი ჩიხრაძე.
მომხდარს მაკედონიური და კვიპროსული მედია გამოეხმაურა. კვიპროსული გამოცემა ფილნიუსი ამას შოკისმომგვრელ ინფორმაციას უწოდებს.
ამავე დროს, telegram არხი Мутко против იუწყება, რომ რუსეთის კლუბების უმეტესობის კონტრაქტები შეიცავს დებულებებს ფორსმაჟორის შესახებ და ანალოგიური ვითარებაა მოსალოდნელი რუსეთის პრემიერლიგისა და პირველი დივიზიონის კლუბებშიც - ამ ორივე ლიგაში სულ 16 ქართველი ფეხბურთელი თამაშობს.
წყარო: lelo.ge