საქართველოში წარმოებული ხორბლის პროდუქციის რეალიზაციის დროს ელექტრონული საგადასახადო ანგარიშ-ფაქტურის გამოყენების სპეციალური წესი იმოქმედებს

საქართველოში წარმოებული ხორბლის პროდუქციის რეალიზაციის დროს ელექტრონული საგადასახადო ანგარიშ-ფაქტურის გამოყენების სპეციალური წესი იმოქმედებს

access_time2022-09-23 21:30:00

საქართველოში წარმოებული სოფლის მეურნეობის პროდუქციის ხელშეწყობის მიზნით, ელექტრონული საგადასახადო ანგარიშ-ფაქტურების გამოყენების სპეციალურ წესში ცვლილება განხორციელდება. ამის შესახებ ინფორმაციას საქართველოს ფინანსთა სამინისტროს შემოსავლების სამსახური ავრცელებს.


„კერძოდ, დღგ-ის ჩათვლის უფლებით გათავისუფლებული საქართველოში წარმოებული ხორბლის პროდუქციის რეალიზაციისას, მყიდველის ინტერესების დასაცავად, ახალი ალტერნატიული მექანიზმი შემუშავდება. 


ცვლილების ამოქმედების შემდეგ, ხორბლის შემძენი მეწარმე-სუბიექტი შეძლებს განხორციელებულ ოპერაციაზე მიმწოდებელს მოსთხოვოს ე.წ. „სპეციალური წესის“ ანგარიშ-ფაქტურის გამოწერა.



ინიცირებული ცვლილებით, არაკეთილსინდისიერი გადასახადის გადამხდელი ვერ შეძლებს საგადასახადო ვალდებულებისაგან თავის არიდებას. საკანონმდებლო სიახლის გაცნობის მიზნით, შემოსავლების სამსახურის საგადასახადო და საბაჟო მეთოდოლოგიის დეპარტამენტის თანამშრომლებმა საქართველოს ბიზნეს ასოციაციის (BAG) წარმომადგენლებთან სამუშაო შეხვედრა გამართეს და საქონლის შეძენისას დღგ-ით დაბეგვრის ახალი წესის შესახებ მომზადებული პრეზენტაცია წარუდგინეს.


როგორც აღინიშნა, ინიციატივის წარმატებით გამოყენების შემთხვევაში, შესაძლებელი იქნება ელექტრონული ანგარიშ-ფაქტურების გამოყენების სპეციალური წესი ამოქმედდეს საქართველოში წარმოებული სოფლის მეურნეობის სხვა პროდუქციაზეც. სამუშაო შეხვედრას ფინანსთა სამინისტროს შემოსავლების სამსახურის საგადასახადო და საბაჟო მეთოდოლოგიის დეპარტამენტის ზოგადი ადმინისტრირების მეთოდოლოგიის სამმართველოს უფროსი იონა კიზირია, BAG-ის აღმასრულებელი დირექტორი ლევან ვეფხვაძე, ასევე საგადასახადო-საბაჟო მიმართულების მენეჯერი შოთა კომლაძე და მარცვლეული კულტურების მწარმოებელი კომპანიების წარმომადგენლები ესწრებოდნენ.


ფინანსთა სამინისტროს შემოსავლების სამსახური აღნიშნული სიახლის შესახებ ,,ღია კარის“ ფორმატში, საქართველოს მასშტაბით გააგრძელებს შეხვედრებს ბიზნესის წარმომადგენლებთან. აღნიშნული ცვლილება საქართველოს ფინანსთა მინისტრის ბრძანებაში განხორციელდება და ოქტომბრის თვეში, გამოქვეყნებისთანავე ამოქმედდება“ – ნათქვამია ინფორმაციაში.



თეგები:
ხორბალი



„სასაზღვრო-გამტარ პუნქტ „დარიალში“ მგზავრთა ნაკადი მნიშვნელოვნად შემცირდა“ - შსს

„სასაზღვრო-გამტარ პუნქტ „დარიალში“ მგზავრთა ნაკადი მნიშვნელოვნად შემცირდა“ -  შსს
access_time2022-09-30 13:33:32
„სასაზღვრო-გამტარ პუნქტ „დარიალში“ მგზავრთა ნაკადი მნიშვნელოვნად შემცირდა“, - ამის შესახებ ინფორმაციას შინაგან საქმეთა სამინისტრო ავრცელებს, მათივე  ინფორმაციით   ასევე შემციდა საქართველოს ყველა სასაზღვრო გამშვებ პუნქტში რუსეთის ფედერაციის მოქალაქეთა მიერ საზღვრის კვეთის რაოდენობა. „კერძოდ, 29 სექტემბრის 10:00 სთ-დან 30 სექტემბრის 10:00 სთ-მდე საქართველოს საზღვარი ყველა სასაზღვრო-გამშვები პუნქტის გავლით გადმოკვეთა რუსეთის ფედერაციის 6109 მოქალაქემ,...

„საზოგადოებრივი მაუწყებლის“ შენობა ბიზნესმენმა სოსო ფხაკაძემ იყიდა

„საზოგადოებრივი მაუწყებლის“ შენობა ბიზნესმენმა სოსო ფხაკაძემ იყიდა
access_time2022-09-30 13:06:19
საზოგადოებრივი მაუწყებლის შენობა ბიზნესმენმა სოსო ფხაკაძემ იყიდა. აღნიშნული ბიზნესმენმა ბიზნესპარტნიორს თავად დაუდასტურა.   ჩვენი ჯგუფი დიდი ხანია ახორციელებს კომერციული უძრავი ქონების განვითარებას ქ. თბილისსა და საქართველოს სხვა ქალაქებში. კერძოდ, ჩვენ ვაშენებთ და ოპერირებას ვუწევთ საშუალო ზომის სავაჭრო ცენტრებს, სადაც მთავარი არენდატორია კომპანია “კარფური” და ასევე არენდატორები არიან ათობით სხვა საქართველოში მოღვაწე რითეილერები. შესაბამისად, ვფიქრობთ, ჯგუფში დაგროვდა...

მარტი-ივლისში საქართველოში ბინადრობის ნებართვა რუსეთის 1598 მოქალაქეზე გაიცა - მიმართვიანობა 54%-ით გაიზარდა

მარტი-ივლისში საქართველოში ბინადრობის ნებართვა რუსეთის 1598 მოქალაქეზე გაიცა - მიმართვიანობა 54%-ით გაიზარდა
access_time2022-09-30 13:00:44
უკრაინაში რუსეთის შეჭრის შემდეგ, 2022 წლის მარტი-ივლისის პერიოდში საქართველოში ბინადრობის ნებართვა გაიცა რუსეთის 1,598 მოქალაქეზე, ხოლო უარი ეთქვა 434 მათგანს. 2021 წლის შესაბამის პერიოდთან შედარებით, 2022 წელს რუსეთის მოქალაქეების მიერ საქართველოში ბინადრობის უფლების მისაღებად მიმართვიანობა 54%-ით, ხოლო დაკმაყოფილების მაჩვენებელი 25%-ით გაიზარდა, — ამის შესახებ ინფორმაციას IDFI აქვეყნებს. ორგანიზაციის ინფორმაციით, 2022 წლის მარტი-ივლისი...

სიახლე მხოლოდ ლიბერთის მომხმარებლებისთვის

სიახლე მხოლოდ ლიბერთის მომხმარებლებისთვის
access_time2022-09-30 11:55:06
დღეიდან, ლიბერთიში სოციალური სარგოს მიმღებ პირებს შესაძლებლობა აქვთ სამომხმარებლო ტიპის სესხებზე 4 წლამდე ვადით ისარგებლონ. "მოხარული ვართ, რომ საშუალება მოგვეცა განსაკუთრებული პირობები შეგვეთავაზებინა ექსკლუზიურად ჩვენი მომხმარებლებისთვის. როგორც იცით, 2022 წლის აგვისტოში ეროვნული ბანკის მიერ მიღებული რეგულაციის თანახმად, სამომხმარებლო ტიპის სესხებზე მაქსიმალური ვადა განისაზღვრა 36 თვით, რაც ჩვენი მომხმარებლების გარკვეული ნაწილისთვის შეამცირებდა სამომხმარებლო ტიპის...

„შეცვალე“ - პროკრედიტ ბანკი მასშტაბურ გარემოსდაცვით კამპანიას იწყებს

„შეცვალე“ - პროკრედიტ ბანკი მასშტაბურ გარემოსდაცვით  კამპანიას იწყებს
access_time2022-09-30 11:25:34
შეცვალე! ნუ დაკარგავ კავშირს ბუნებასთან, მოუფრთხილდი მას! თემა, რომელიც დღეს განსაკუთრებით აქტუალურია და საკითხი, რომელიც ყველას გვაფიქრებს: ეკოლოგია და გარემოს დაცვა. პროკრედიტ ბანკმა ახალი კამპანია სწორედ ამ მიმართულებით წამოიწყო. გარემოსდაცვით კამპანიას ბანკი მთავარი ვიდეო რგოლით ხსნის, რომელიც  მოკლემეტრაჟიან ფილმს გვაგონებს. სცენარი წარმოსახვით სამყაროში ვითარდება და განსაკუთრებული სიმძაფრით აღწერს იმ მომავალს, რომელიც შეიძლება დადგეს, თუკი ბუნებას არ...


მსგავსი სიახლეები

up