ყაზახეთის ახალ საპატიო კონსულად საქართველოში გიორგი ჯახუტაშვილი დაინიშნა

ყაზახეთის ახალ საპატიო კონსულად საქართველოში გიორგი ჯახუტაშვილი დაინიშნა

access_time2020-11-11 11:47:43

პანდემიის მიუხედავად, საქართველო და ყაზახეთი განაგრძობენ თანამშრომლობის გამყარებას. გიორგი ჯახუტაშვილი საქართველოში ყაზახეთის საპატიო კონსულად ოფიციალურად 2020 წლის 8 სექტემბერს დაინიშნა. მიმდინარე წლის 5 ნოემბერს კი ქალაქ რუსთავში საზეიმოდ გაიხსნა ყაზახეთის საპატიო საკონსულოს დაწესებულება. დაწესებულებას ორი საკონსულო ოლქი აქვს: ქვემო ქართლსა და მცხეთა - მთიანეთში.


ყაზახეთის რესპუბლიკის საკონსულო დაწესებულების ფუნქციებში სხვა მრავალ ფუნქციასთან ერთად შედის:


ყაზახეთის მოქალაქეთა (ფიზიკურ და იურიდიულ პირთა) კანონიერი ინტერესების დაცვა საქართველოში;


საქართველოსა და ყაზახეთს შორის სავაჭრო, ეკონომიკური, კულტურული და სამეცნიერო ურთიერთობების, ასევე, მეგობრობის განვითარებისა და გაღრმავებისთვის ხელის შეწყობა.


საპატიო საკონსულო დაწესებულება ოფიციალურად ყაზახეთის საპატიო და სრულუფლებიანმა ელჩმა საქართველოში ბ-ნმა ბაურჟან მუხამეჯანოვმა, ყაზახეთის საპატიო კონსულმა საქართველოში ბ-ნმა გიორგი ჯახუტაშვილმა და საქართველოს საგარეო საქმეთა მინისტრის მოადგილემ ბ-ნმა ალექსანდრე ხვთისიაშვილმა გახსენს. ცერემონიას ესწრებოდნენ ქვემო ქართლის გუბერნატორი, ქალაქ რუსთავის მერი, ქალაქ რუსთავის მერის პირველი მოადგილე, მცხეთა-მთიანეთის გუბერნატორის მოადგილე და სხვები.



ღონისძიება კოვიდ19-ის პანდემიის გამო არსებული რეგულაციების დაცვით ჩატარდა. გახსნას მხოლოდ 10 ადამიანი ესწრებოდა.


„დღეს განსაკუთრებული დღეა, რადგან ყაზახეთის მეორე საპატიო საკონსულო გაიხსნა საქართველოში. წარმომადგენლობის გახსნა ყოველთვის იმაზე მიანიშნებს, რომ ორ ქვეყანას შორის არის პარტნიორული და მეგობრული ურთიერთობა. ჩვენ მიზნად დავისახეთ, რომ საქართველოს ყველა დიდ ქალაქში გავხსნათ საპატიო საკონსულოები, რადგან მათი საქმიანობა სასარგებლო იქნება ორივე ქვეყნისთვის. რაც მთავარია, ეს ყველაფერი ჩვენი ხალხისთვის კეთდება, რადგან ეს ხელს შეუწყობს ბიზნეს ურთიერთობებს, კულტურულ ურთიერთობებს და საბოლოო ჯამში, დადებითად აისახება ყახაზეთისა და საქართველოს მრავალწლიან მეგობრობაზე.“ - განაცხადა ყაზახეთის ელჩმა საქართველოში ბ-ნმა ბაურჟან მუხამეჯანოვმა.


„ძალიან მნიშვნელოვანი და ეფექტიანია ქვეყანაში მეგობარი სახელმწიფოს საპატიო საკონსულოების არსებობა. როგორც წესი, საპატიო კონსულები გავლენიანი და ავტორიტეტული ადამიანები არიან, ხშირად ბიზნესმენები, რომლებსაც აქვთ გეგმა, თუ რა მიმართულებით უნდა იმუშაონ. ძირითადად, ეს არის ორ ქვეყანას შორის სავაჭრო- ეკონომიკური ურთიერთობების გაღრმავება, კულტურული, სოციალური მიმართულებებით თანამშრომლობა. ქართველ ხალხს კი, განსაკუთრებული დამოკიდებულება აქვს ყაზახ ხალხთან და მე იმედი მაქვს, რომ საპატიო კონსულის საქმიანობა კიდევ უფრო გააღრმავებს ამ ურთიერთობებს,“ - განაცხადა საგარეო საქმეთა მინისტრის მოადგილემ ბ-ნმა ალექსანდრე ხვთისიაშვილმა.

„საპატიო საკონსულოს ძირითადი მოვალეობები ყაზახეთის მოქალაქეების ინტერესების დაცვა და ორ ქვეყანას შორის ეკონომიკური, კულტურული თუ სამეცნიერო ურთიერთობების ხელშეწყობაა. ეს სტრატეგიული მანდატი მნიშვნელოვნად შეუწყობს ხელს ქართულ-ყაზახური თანამშრომლობის გაღრმავებას. ჩემი კომერციული საქმიანობა ინვესტიციების მართვაა. ყაზახეთის წილი საქართველოში პირდაპირ უცხოურ ინვესტიციებში საკმაოდ მაღალია. ჩემი გუნდის მისიაა, მიმდინარე პროექტების წარმატების ხელშეწყობა, მათ შორის, ვაჭრობისა და ტურიზმის მიმართულებით. ასევე ჩვენს მიზანს წარმოადგენს ახალი კავშირების დამყარებით, საქართველოსა და ყაზახეთის შესაძლებლობების მაქსიმალური რეალიზება.'' - განაცხადა ყაზახეთის საპატიო კონსულმა საქართველოში ბ-ნმა გიორგი ჯახუტაშვილმა.



სახელმწიფოებს შორის საკონსულო ურთიერთობები ორმხრივი შეთანხმებით მყარდება. საკონსულოს უფლება-მოვალეობებს განსაზღვრავს ვენის კონვენცია „საკონსულო ურთიერთობების შესახებ“, რომლის მიხედვითაც სახელმწიფოები აღიარებენ, რომ საკონსულო ურთიერთობები მუდმივად მყარდებოდა ორ ქვეყანას შორის მჭიდრო თანამშრომლობისა და მეგობრობის ნიშნად.


საქართველოსა და ყაზახეთის რესპუბლიკას შორის დიპლომატიური ურთიერთობები 1992 წლიდან დამყარდა. ორ ქვეყანას შორის არსებობს მჭიდრო პოლიტიკური და ეკონომიკური თანამშრომლობა. ყაზახეთი არის საქართველოს ერთ-ერთი უმსხვილესი სავაჭრო პარტნიორი, განსაკუთრებით აღსანიშნავია, თანამშრომლობა ენერგეტიკისა და სატრანსპორტო სფეროებში.


(R)

თეგები:
ყაზახეთი



ყველა დახმარების პაკეტი ყველა რესტორანს ვერ მოერგება - რესტორატორთა ასოციაცია

ყველა დახმარების პაკეტი ყველა რესტორანს ვერ მოერგება - რესტორატორთა ასოციაცია
access_time2021-03-05 13:00:52
ფულადი დახმარების გარეშე დარჩენილი რესტორნებისთვის ასოციაცია ეკონომიკურ გუნდთან მოლაპარაკებების გაგრძელებას გეგმავს. მსჯელობა იქნება როგორც რეგიონში არსებული ასევე მსხვილი რესტორნებისთვის გარკვეული დახმარების გამოყოფაზე. „პანდემიის დაწყებიდან დღემდე იყო დახმარების რამდენიმე პაკეტი. ეს იყო საშემოსავლო და ქონების გადასახადის გადავადება, საბანკო პროცენტების სუბსიდირების პროგრამა და ბოლო ფულადი დახმარება. რა თქმა უნდა, ყველა რესტორანი ერთდროულად ამ სამ დახმარების პაკეტს ვერ...

საკრედიტო პორტფელში უმოქმედო სესხები გაორმაგებულია - ლიდერი „ქართუ ბანკია“

საკრედიტო პორტფელში უმოქმედო სესხები გაორმაგებულია - ლიდერი „ქართუ ბანკია“
access_time2021-03-05 11:00:01
2020 წლის კრიზისის ფონზე, საკრედიტო პორტფელში უმოქმედო სესხების წილი წლის დასაწყისიდან 3.9 პროცენტული პუნქტით გაიზარდა და მიმდინარე მდგომარეობით 8.4%-ს შეადგენს, რაც წინა წელთან შედარებით გაორმაგებული მაჩვენებელია, - ამის შესახებ ინფორმაცია საქართველოს ეროვნული ბანკის ფინანსური სტაბილურობის კომიტეტმა სხდომის გადაწყვეტილების...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-04 21:30:17
დღის Top 10 საინტერესო ამბავი:   1. გაზრდილი ფასები და შემცირებული მომხმარებელი - ბათუმის რესტორნებს მოგებაზე გასვლა აგვისტომდე შეუძლებლად მიაჩნიათ   ბათუმში რესტორნების შიდა სივრცეები 1-ლი მარტიდან გაიხსნა, კვების ობიექტებს...

ბათუმის დინამო ყველაზე ძვირად ღირებულია! ქართულ ლიგაში მოთამაშის საშუალო ფასი 138 ათასი ევროა

ბათუმის დინამო ყველაზე ძვირად ღირებულია! ქართულ ლიგაში მოთამაშის საშუალო ფასი 138 ათასი ევროა
access_time2021-03-04 21:00:45
„ტრანსფერმარკტმა“ ეროვნული ლიგის გუნდების ჯამური ფასები განაახლა და ცნობილი გახდა, რომ გერმანული ინტერნეტ-პორტალის შეფასებით, მთავარი ქართული ლიგის ყველაზე ძვირადღირებული კლუბი ბათუმის „დინამოა“. საქართველოს ვიცე-ჩემპიონის მოთამაშეების ჯამური ფასი 5,1 მილიონი ევროა. ყველაზე ნაკლები ჯამური ღირებულება კი „სამტრედიას“ აქვს. ბათუმის დინამო ასევე ლიდერობს მოთამაშეთა...

მთავრობა 500 მლნ დოლარიანი ვალის დაფარვას ახალი ვალით გეგმავს

მთავრობა 500 მლნ დოლარიანი ვალის დაფარვას ახალი ვალით გეგმავს
access_time2021-03-05 12:00:40
$500 მლნ-ის ღირებულების ევროობლიგაციების დაფარვის დრომდე 1 თვეღა დარჩა. მთავრობა მის გასტუმრებას ახალი სესხით გეგმავს. პრემიერ ირაკლი ღარიბაშვილის განცხადებით, რეფინასნირების თაობაზე მოლაპარაკებები საერთაშორისო საინვესტიციო ბანკთან დაიწყება. ევროობლიგაციების ისტორია 2008 წლის აპრილში იწყება. ინიციატივა იმდროინდელ პრემიერ-მინისტრ ლადო გურგენიძეს ეკუთვნოდა. მაშინ ლონდონის ბირჟაზე გათავსებულ ობლიგაციებში მთავრობა ძალიან მაღალ 7.5%-იან სარგებელს არიცხავდა, თუმცა იმ პერიოდში...


მსგავსი სიახლეები

up