ყარაბაღში პირველი საკონტეინერო მატარებელი გაემგზავრა.  როგორც აზერბაიჯანის რკინიგზის ფილიალი - შპს ADY Conteiner იუწყება,  პირველად TURKUAZ პროექტის ფარგლებში, ბაქო -თბილისი -ყარსის რკინიგზის კონტეინერული ტვირთი გადავა აღმოსავლეთ ზანგეზურ ეკონომიკურ ზონაში, ანუ ყარაბაღში. ამ მატარებელს გადააქვს ხორბალი ამ ზონაში ხორბლის საშემოდგომო თესვისთვის.

28 40 ფუტიანი კონტეინერისგან შემდგარი პირველი ბლოკმატარებელი გაემგზავრა თურქეთის რეგიონიდან ტეკიდაგა (სტამბოლი). მატარებელი ჩავა აზერბაიჯანში დანიშნულების სადგურამდე, საიდანაც ტვირთი გადატვირთული იქნება და მანქანით გადაეცემა ყარაბაღში ზანგილანსა და გუბადლის რეგიონებს.

ახალი ლოჯისტიკური პროდუქტი, TURKUAZ-ი, ADY Container-ის (აზერბაიჯანის რკინიგზის შვილობილი კომპანია), ასევე თურქეთსა და საქართველოში მისი პარტნიორების მიერ შექმნილი ერთობლივი ლოგისტიკური პროდუქტია. შემადგენლობა რეისებს კვირაში 2-ჯერ შეასრულებს- სტამბულიდან და მესრინიდან ბაქოს მიმართულებით და პირიქით. პროექტის ფარგლებში, TURKUAZ- ის ბლოკმატარებელი გადაზიდავს ტვირთს ევროპიდან აზერბაიჯანში, თურქეთის შავი ზღვისა და ხმელთაშუა ზღვის პორტების გავლით. უწყვეტი ბლოკმატარებლის მგზავრობის ხანგრძლივობა შეადგენს 6 დღეს და მისი მუდმივი იმპორტ-ექსპორტის ოპერაცია მნიშვნელოვნად გაზრდის ტვირთის მოცულობას ბაქო-თბილისი-ყარსის (BTK) სარკინიგზო ხაზზე, რაც თავის მხრივ, ამ დერეფნის კონკურენტუნარიანობას გააძლიერებს.

ცნობისთვის, ბაქო-თბილისი ყარსის რკინიგზა (BTK) 2017 წლის 30 ოქტომბერს გაიხსნა. სარკინიგზო ხაზი აკავშირებს აზიისა და ევროპის სარკინიგზო ქსელებს. ეს არის უმოკლესი გზა არა მხოლოდ 3 ქვეყანას, არამედ აზიასა და ევროპას შორის. BTK საშუალებას გაძლევთ შეამციროთ საქონლის ტრანსპორტირების დრო. რკინიგზა ხელს უწყობს ცენტრალური აზიის ქვეყნების - თურქმენეთის, ყაზახეთის, უზბეკეთის, ყირგიზეთის, ტაჯიკეთისა და ავღანეთის შესვლას ევროპულ და მსოფლიო ბაზრებზე. BTK– ის საერთო სიგრძეა 846 კმ. აქედან აზერბაიჯანის ტერიტორიაზე გადის 504 კმ რკინიგზა, 263 კმ გადის საქართველოზე, ხოლო სარკინიგზო ხაზის 79 კმ თურქეთშია განთავსებული. ამ მაგისტრალზე სამგზავრო გადაყვანების ამოქმედებაც იგეგმება, ოღონდ მას შემდეგ, რაც მშენებლობა დასრულდება და მაგისტრალი თავისი სარკინიგზო შემადგენლობით ყველა სტანდარტის სერტიფიკატს მიიღებს. ბაქო - თბილისი - ყარსის (BTK) რკინიგზა ბევრად უფრო მომგებიანადაა მიჩნეული ტვირთების გადასაზიდად, ვიდრე ტრადიციული საზღვაო გადაზიდვები, თუმცა ბაქო - თბილისი - ყარსის რკინიგზა დღემდე სატესტო რეჟიმში მუშაობს და, ექსპერტების შეფასებით, ამ დერეფნის სარგებლიანობას ამცირებს და საქართველოც კარგავს შემოსავალს. ბაქო-თბილისი-ყარსის რკინიგზა ექსპლუატაციაში, სავარაუდოდ, 2022 წლის ბოლოს შევა. ამჟამად, BTK-ზე სატესტო რეჟიმში მიმდინარეობს მხოლოდ სატვირთო გადაზიდვები. BTK-ის დერეფანში ამჟამად მაღალი რისკის შემცველი ტვირთის, მაგალითად, ნავთობპროდუქტების გადაზიდვა აკრძალულია. ბაქო-თბილისი-ყარსის რკინიგზით ხდება მხოლოდ საკონტეინერო და ნაყარი ტვირთის გადაზიდვები. სატესტო რეჟიმში მუშაობის მიუხედავად, მაგისტრალზე ტვირთბრუნვა მზარდია. 2017 წელს BTK-ის დერეფანმა 2500 ტონა ტვირთი გაატარა, 2020 წელს კი 252 ათასი ტონა.

ავტორი: ბელა გელაშვილი