„ხრუშჩოვკების“ ჩანაცვლებაზე  „ვარკეთილი დიველოფმენთმა“ გაიმარჯვა - მისმა მფლობელებმა უკანასკნელ საპრეზიდენტო და საპარლამენტო არჩევნებში “ქართულ ოცნებას“ 200 ათასი ლარი შესწირეს

„ხრუშჩოვკების“ ჩანაცვლებაზე „ვარკეთილი დიველოფმენთმა“ გაიმარჯვა - მისმა მფლობელებმა უკანასკნელ საპრეზიდენტო და საპარლამენტო არჩევნებში “ქართულ ოცნებას“ 200 ათასი ლარი შესწირეს

access_time2019-05-10 13:00:38


ე.წ. ხრუშჩოვკების ჩანაცვლების პროექტზე გამოცხადებულ ინტერესთა გამოხატვაში „შპს. ვარკეთილი დიველოფმენთმა“ გაიმარჯვა.  ხელშეკრულების პირობების მიხედვით კომპანიამ  არაუგვიანეს 3 წლის ვადაში უძრავი ქონება დასრულებული სახით უნდა გადასცეს მუნიციპალიტეტს. უშუალოდ მშენებლობა კი დოკუმენტის გაფორმებიდან 6 თვის ვადაში უნდა დაიწყოს.


როგორც „კომერსანტს“ ეკონომიკური განვითარების საქალაქო სამსახურში განუცხადეს, ინტერესთა გამოხატვაში რამდენიმე კომპანიამ მიიღო მონაწილეობა, გამარჯვებულმა მოთხოვნები სრულად დააკმაყოფილა .


„მოგეხსენებათ, აღნიშნული ინტერესთა გამოხატვა უკვე მეორედ ჩატარდა, რადგან პირველი მცდელობა წარუმატებლად დასრულდა - ჩავარდა, ახლა კი გვყავს გამარჯვებული. მთავარი კრიტერიუმი გახლდათ მაქსიმალური ფართების გადაცემა და საგარანტიო პირობების სრულად შესრულება. რაც შეეხება უშუალოდ „შპს. ვარკეთილი დიველოფმენთს“, აქამდე მასთან საქმიანი ურთიერთობები არ გვქონია და ხრუშჩოვკების ჩანაცვლება იქნება პირველი“,- განმარტავს ეკონომიკური განვითარების საქალაქო სამსახურის ინვესტიციების მოზიდვისა და  ხელშეწყობის განყოფილების მთავარი სპეციალისტი ივანე მესხი.


„კომერსანტის“ კითხვაზე  გამოცხადებულ ინტერესთა გამოხატვაში რამდენმაკომპანიამ მიიღო მონაწილეობა  , ივანე მესხმა განაცხადა, რომ განცხადებები დახურული კონვერტის სახით შემოდიოდა, ამიტომ ზუსტი ციფრი უცნობია:


„ვიცით ის, რომ ბევრ კომპანიას არ მიუღია მონაწილეობა. მაქისუმუმ 10-მდე კომპანიამ შემოიტანა განაცხადი, რაც გასაგებია. საუბარია დიდი მოცულობის სამშენებლო პროექტზე, რასაც მცირე და საშუალო ზომის კომპანიები ვერ გასწვდებიან“.



ჩვენ ასევე დავინტერესდით,  გამარჯვებულ კომპანიას რა გამოცდილება აქვს და რამდენი ხანია რაც ის ბაზარზე ოპერირებს . როგორც საჯარო რეესტრის ეროვნული სააგენტოს ოფიციალური ვებ-გვერდზე ვკითხულობთ შპს „ვარკეთილი დიველოფმენთ“ მიმდინარე წელს, 2019 წლის 12 მარტს დარეგისტრირდა (შეგახსენებთ, ე.წ. ხრუშჩოვკების ჩანაცვლებაზე ინტერესთა გამოხატვა დაახლოებით ამავე პერიოდი გამოცხადდა), თუმცა რა გამოცდილების ან პრივილეგიის საფუძველზე მოიპოვა დედაქალაქის მთავრობის ნდობა, ჩვენთვის უცნობია. 


ცნობილია ის, რომ კომპანიის დირექტორი დიმიტრი ადამია  გახლავთ, რომელიც პარალელურად კომპანიის 50 %-ანი წილის მფლობელია. როგორც კომერსანტმა გაარკვია, საპრეზიდენტო არჩევნებში მან სალომე ზურაბიშვილის სასარგებლოდ  60 000  ლარი შესწირა, “ქართულ ოცნებას“ კი 2016 წლის არჩევნებში 30 ათასი ლარი.


დანარჩენ 50 %-ს კი თენგიზ წულაია ფლობს, რომელმაც ასევე სალომე ზურაბიშვილს 60 000 ლარი გადაუირიცხა, ხოლო 2016 წელს საპარლამენტი არჩევნებში “ქართული ოცნებას“ 50 ათასი ლარი. 


ცნობისთვის, ორივე მფლობელი შპს არქის ჯგუფის მეწილეები არიან.  


შეგახსენებთ, „ხრუშჩოვკების“ ჩანაცვლებაზე ინტერესთა გამოხატვა მიმდინარე წლის 30 იანვარს გამოაცხადდა. პროექტი 3 ჰა ტერიტორიაზე, დაახლოებით 75 ათას კვ.მ-ის ფართობზე უნდა განხორციელდეს. თავის დროზე თბილისის მერმა, კახა კალაძემ კერძო სექტორს დაინტერესებისკენ ამგვარად მოუწოდა:


„სამ ჰექტარ ტერიტორიაზე, დაახლოებით, 75 ათასი კვადრატული მეტრის ფართი უნდა აშენდეს. შემოსათავაზებელი ფართები მინიმუმ 7 500 კვადრატული მეტრია. გამარჯვებული იქნება ის, ვინც უფრო მეტ ფართს შემოგვთავაზებს. დარწმუნებული ვარ, რომ ინტერესი საკმაოდ მაღალი იქნება და შესაბამისად, ჩვენ იმ ოჯახების დაკმაყოფილებას შევძლებთ, ვინც წლების განმავლობაში, ავარიულ სახლებში ცხოვრობს. ამ კონკრეტულ პროექტთან დაკავშირებით, ინფორმაცია  მერიის ვებგვერდზე იქნება  განთავსებული . თუ დამატებითი ინფორმაცია დაგჭირდებათ, შეგიძლიათ  ეკონომიკის განვითარების საქალაქო სამსახურს მიმართოთ.




სალომე ლემონჯავა





არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება

არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება
access_time2019-09-19 22:40:22
საბანკო რეგულაციების გადახედვაზე ვმუშაობთ, მაგრამ ეს არ ნიშნავს, რომ ის შერბილდება ან პრინციპები შეიცვლება, – ამის შესახებ ეროვნული ბანკის ვიცე-პრეზიდენტმა, არჩილ მესტვირიშვილმა დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა. გადაცემაში ქართულ ბიზნესზე ეროვნული ვალუტის კურსისა და საბანკო რეგულაციების გავლენის საკითხი...

2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს

 2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს
access_time2019-09-19 19:00:57
ტექინსპექტირება, რომელიც თავდაპირველად ჰაერის დაბინძურების მიზეზით დაიწყო, ფაქტია, ამ მხრივ უშედეგო აღმოჩნდა. თითქმის ყველა საზოგადოებრივი ტრანსპორტი, ასევე მსუბუქი ავტომობილების ნაწილი დღესაც ისეთ შავ კვამლს უშვებს,რომ შეიძლება 200-300 მეტრზე ვერაფერი გაარჩიოთ. რადიო „ფორტუნამ“ ამ თემაზე ვრცელი სტატია გააკეთა, სადაც სპეციალისტები ტექინსპექტირების რეფორმის ჩავარდნაზე პირდაპირ საუბრობენ. ცოტა ხნის წინ კი ცნობილი გახდა, რომ გარემოს დაცვის სამინისტროში კონცეფციაზე მუშაობენ,...

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა
access_time2019-09-19 17:15:52
ხაზარაძეს უნდა, რომ ორი კურდღელი ერთი გასროლით მოკლას. მე ვფიქრობ, ეს შეუძლებელია, მაგრამ, ამავე დროს ძალიან ცუდად ახასიათებს თავად ახალ შექმნილ პარტიას, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ვოლსკის თქმით, კომპანია, რომელიც „ანაკლიის განვითარების კონსორციუმმა“ ამერიკული კონტი ჯგუფის ნაცვლად წარადგინა, ფაქტობრივად, რუსული კომპანიაა. “ხაზარაძე ასახელებს კომპანიას, რომელიც ფაქტობრივად, რუსული...

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...


მსგავსი სიახლეები

up