ხმაური იორმუღანლოში - მოსახლეობა ზამთრის საძოვრებზე გასავლელი გზის დაბრუნებას ითხოვს

ხმაური იორმუღანლოში - მოსახლეობა ზამთრის საძოვრებზე გასავლელი გზის დაბრუნებას ითხოვს

access_time2018-09-22 20:07:04

ხმაური იორმუღანლოში - ადგილობრივები ირანის მოქალაქის მიერ იმ გზის შესყიდვას აპროტესტებდნენ, რომელსაც მოსახლეობა ცხვრის ფარის საძოვრებამდე გადასაყვანად იყენებს.


ადგილობრივები ამბობენ, რომ ეს საძოვრებამდე მისასვლელი ერთადერთი გზაა, რომლითაც უკვე რამდენიმე თვეა, ვეღარ სარგებლობენ, რადგან ინვესტორმა გზის გათხრა დაიწყო. დღეს იორმუღანლოს მოსახლეობამ თხრილები საკუთარი ძალებით ამოავსო.


აღნიშნული მიწის ნაკვეთი ირანელმა ბიზნესმენმა სახელმწიფო შესყიდვით შეიძინა და ხელშეკრულების დადების პერიოდში არ ყოფილა გათვალისწინებული ის გზა, რომლითაც მეცხვარეები ათეულობით წლის განმავლობაში სარგებლობდნენ.


მეცხვარეები აცხადებენ, რომ ზამთრის საძოვრებზე უკვე ორი კვირაა, ვერ გადაჰყავთ ფარა.


მოსახლეობის თქმით, თუ შექმნილი ვითარებიდან გამოსავალს დროულად ვერ იპოვიან, ცხოველები დაიხოცებიან და შემოსავლის გარეშე დარჩებიან.



მოსახლეობის თქმით, ერთხელ უკვე ამოავსეს თხრილი, თუმცა, კვლავ მსგავსი პრობლემის წინაშე დგანან.


„ხელმეორედ წავედით გზის გასახსნელად, მოვიდნენ პოლიციის უფროსები და მელაპარაკეს, რომ ჩვენ ერთ კვირაში გადავწყვეტთ ამ გზას, გავხსნით და გაიყვანეთ. მაგრამ დავილოდეთ ამ ერთ კვირას, ერთი კვირა დამთავრდა, მაგრამ ეს ცხვარი ერთი კვირა არ ილოდება, უწყლოდ და უბალახოდ იხოცება ცხვარი,“ - აცხადებს ადგილობრივი.


მოსახლეობის პრობლემებს გაეცნო ერთიანი ნაციონალური მოძრაობისპოლიტიკური საბჭოს წევრი, გიორგი ბოტკოველი.


მისი თქმით, ადგილობრივების ძირითად შემოსავალს სწორედ მესაქონლეობა წარმოადგენს.


„8 ათასზე მეტი ოჯახია, რომელიც დამოკიდებულები არიან პირდაპირ ცხვარზე. 80 პროცენტი საქართველოში არსებული ცხვრის რესურსისა არის ზუსტად ამ სოფელში და ზოგადად, საქონლის რესურსი ყველაზე მეტი არის ამ სოფელში. ამ ადამიანებს სჭირდებათ ხელშეწყობა ელემენტარული, ესენი არ ითხოვენ გასაღებაში დახმარებას, ესენი ითხოვენ, რომ ეს გზა ჰქონდეთ და წავიდნენ ზამთრის საძოვრებზე,“ - განაცხადა გიორგი ბოტკოველმა


მეცხვარეებს ორი კვირის წინ დაჰპირდნენ ამ პრობლემის მოგვარებას, თუმცა, ყურადღება არავინ მიაქცია.


მათ დღეს მიიღეს გაფრთხილება, რომ იმ შემთხვევაში, თუკი კერძო ტერიტორიაზე გაატარებენ ცხოველს, დაჯარიმდებიან.

რუსთავი 2





საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს

საპენსიო სააგენტო სარეკლამო მომსახურებაში 913 ათას ლარზე მეტის დახარჯვას გეგმავს
access_time2019-02-23 20:00:56
საპენსიო სააგენტო საინფორმაციო და სარეკლამო მომსახურებაში 2019 წელს 913 938 ლარის დახარჯვას გეგმავს. შესყიდვების სააგენტოსგან ის ამ მომსახურების ტენდერის გარეშე, პირდაპირი წესით შესყიდვის ნებართვას...

რუსული საფრთხე ქართულ ეკონომიკაში

რუსული საფრთხე ქართულ ეკონომიკაში
access_time2019-02-23 18:00:24
ამ დღეებში სხვადასხვა სახელმწიფო უწყებამ გამოაქვეყნა სტატისტიკური მონაცემები, რომლებიც ერთი შეხედვით გასახარია. კერძოდ,  ნეგატიური პროგნოზების და ღორის გრიპის მიუხედავად, 2019 წლის იანვარში საქართველოში ტურისტების რაოდენობა კვლავ გაიზარდა - ამჯერად 18%-ით 2018 წლის იანვართან შედარებით. გარდა ამისა, აღმოჩნდა, რომ 2018 წელს არნახულად გაიზარდა სასოფლო-სამეურნეო პროდუქციის   ექსპორტი, რომელმაც მიაღწია 935 მლნ. დოლარს. ამ პროდუქციის...

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა

„ნუთუ, იქ ყველაფერი სხვანაირია?“ – აფხაზი ჟურნალისტის სამუშაო ვიზიტი ენგურს გამოღმა
access_time2019-02-23 16:00:07
მარიანა კოტოვას ბლოგი...

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები

მნიშვნელოვანი ფაქტები „თიბისი ბანკის“ ისტორიაში - მისი დამფუძნებლები და აქციონერები
access_time2019-02-23 14:00:34
მამუკა ხაზარაძე „თიბისი ბანკის“ სამეთვალყურეო საბჭოს თავმჯდომარის თანამდებობას ტოვებს, მაგრამ აქციების გაყიდვას არ გეგმავს და ბანკის აქციონერად რჩება - ამის შესახებ „თიბისი ბანკში“...

როგორი იქნება განათლებისა და მეცნიერების 23-მილიონიანი ქალაქი დიდ დიღომში

როგორი იქნება განათლებისა და მეცნიერების 23-მილიონიანი ქალაქი დიდ დიღომში
access_time2019-02-23 12:00:54
საქართველოს განათლების, მეცნიერები, კულტურისა და სპორტის მინისტრის, მიხეილ ბატიაშვილის ინიციატივით, თბილისში, დიდი დიღმის ტერიტორიაზე საგანმანათლებლო კომპლექსი - "ახალი განათლებისა და მეცნიერების ქალაქი“ აშენდება. განათლების სამინისტროს განცხადებით, "ახალი ქალაქი უზარმაზარ საგანმანათლებლო სივრცეს გააერთიანებს და განათლების რეფორმის განხორციელებისა და მისი მიღწევების გაზიარების ჰაბი...


მსგავსი სიახლეები

up