ხელოვნური კვების რეკლამირების გამო სამშობიაროებს, შესაძლოა, ჯარიმები დაეკისროს

ხელოვნური კვების რეკლამირების გამო სამშობიაროებს, შესაძლოა, ჯარიმები დაეკისროს

person access_time2016-07-27 10:56:32

სამშობიაროებში ხელოვნური კვების რეკლამირება უახლოეს მომავალში შესაძლოა დასჯადი გახდეს. ამის შესახებ „კომერსანტთან" შრომის, ჯანმრთელობისა და სოციალური დაცვის მინისტრის მოადგილემ ნინო ბერძულმა განაცხადა. მისი თქმით, ჯანდაცვის სამინისტრომ ძუძუთი კვების ხელშეწყობის მიზნით, არსებული სიტუაციის ზუსტი შეფასება, პრობლემების იდენტიფიცირება და სამოქმედო სტრატეგიის დასახვა დაიწყო.

 

როგორც ბერძული აღნიშნავს, სამინისტრო ახორციელებს სამშობიარო სახლებში მონიტორინგს, რამდენად ხორციელდება ძუძუთი კვების ხელშეწყობა და რამდენად არის დაცული ის კანონი, რომელიც წლების წინ ქვეყანამ მიიღო ძუძუთი კვების პრაქტიკასთან მიმართებაში. გარდა ამისა, რამდენად არიან დაცულები ახალშობილები და დედები ხელოვნური საკვების კომპანიების აგრესიული მარკეტინგული ღონისძიებებისგან.

 

ბერძული ამბობს, რომ მონიტორინგი რამდენიმე რეგიონში განხორციელედება სელექტიურად შეირჩეულ სამშობიაროებში. ამ დროისთვის დასრულებულია აჭარის რეგიონის კვლევა, რომლის შედეგებიც ჯერჯერბით არ საჯაროვდება. ბერძულის განცხადებით, მთლიანად მონიტორინგის პროცესი 1 თვეში დასრულდება და შესაბამისი დასკვნებიც დაიდება.

 

„თუ გამოიკვეთა კონკრეტულ დაწესებულებებში დარღვევები, სახელმწიფო მათთან საგანმანათლებლო კამპანიას დაიწყებს, გარდა ამისა, კანონში ჩაიდება აღსრულების მექანიზმები, რაც სანციებში გამოიხატება"-აცხადებს ბერძული. მისივე ინფორმაციით, აქამდე კანონი არსებობდა, თუმცა მასში სანქციები არ იყო ჩადებული.

 

პედიატრი ვანო ჩხაიძე მიესალმება სახელმწიფოს ამ ინიციატივას და აცხადებს, რომ აღნიშნული მონიტორინგი არ უნდა იყოს ერთჯერადი. გარდა ამისა, როგორც ჩხაიძე ამბობს, ყველა პედიატრი უნდა იყოს ადამიანი, რომელიც მაქსიმალურად არის ამ მხრივ მომდომებული, რომ ყველა მისი პაციენტი პირველივე დღიდან ძუძუთი იკვებებოდეს.


 

მისი მტკიცებით, არცერთი პედატრი არ უნდა მონაწილოებდეს ხელოვნური საკვების რეკლამაში. „ყველა პედიატრი უნდა იყოს რეკლამის მიმცემი ძუძუთ კვებაზე და არა პირიქით, ხელოვნური კვების რეკლამირებას ახდენდეს. სახელმწიფოს პოლიტიკა მიმართულია იმისკენ, რომ ძუძუთი კვებას ხელი შეეწყოს"-აცხადებს ჩხაიძე.

 

მისივე ინფორმაციით, საქართველოს აქვს კანონი ძუძუთი კვების შესახებ, რომელიც 2000 წლის დასაწყისშია მიღებული. ჩხაიძე ამბობს, რომ ეს კანონი ძუძუთი კვების პირდაპირ ხელშეწყობაა, თუმცა, მას მონიტორინგი სჭირდება.

 

შეგახსენებთ, საქართველოში გაეროს ბავშვთა ფონდის წარმომადგენელი მაია ქურციკიძე გასულ წელს აცხადებდა, რომ საქართველოში ახალშობილთა ბუნებრივი კვების წახალისების კანონი არ ხორციელდება და კომპანიები შეუზღუდავად და კანონდარღვევით ახდენენ ხელოვნური საკვების რეკლამირებასა და რეალიზებას.

 

რაც შეეხება ბუნებრივი კვების წახალისებას, ქურციკიძე აცხადებდა, რომ ბავშვთა ბუნებრივი კვების მხრივ საქართველოს ცუდი მაჩვენებელი აქვს. კერძოდ, წინა წლებში ჩატარებული კვლევების თანახმად, ახალშობილთა 13% არასდროს ყოფილა ძუძუთი კვებაზე, 6 თვემდე ჩვილებს შორის კი მხოლოდ ნახევარია ექსკლუზიურად, ანუ მხოლოდ ძუძუთი კვებაზე.

 

ჯანდაცვის მსოფლიო ორგანიზაციის მონაცემებით, მთელ მსოფლიოში 6 თვემდე ბავშვების 40% მხოლოდ ბუნებრივ კვებაზეა. ამ მხრივ ლიდერები არიან ყველაზე განვითარებული და სოციალურად ორიენტირებული ქვეყნები - ფინეთი, ნორვეგია და შვედეთი, სადაც 6 თვემდე ბავშვების დაახლოებით 90% ძუძუთი იკვებება.

 

ამერიკაში, ხელოვნური ნარევების მწარმოებელთა აგრესიულმა კამპანიამ თავისი „შავი საქმე" გააკეთა და პრაქტიკულად განდევნა დედობის კულტურიდან ძუძუთი კვება.



შსს "საქართველოს ბანკის" ყაჩაღობის ფაქტთან დაკავშირებით განცხადებას აქვეყნებს

შსს
access_time2020-10-25 15:04:22
გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების...

საქართველოში კორონავირუსი კიდევ 1 928 ადამიანს დაუდასტურდა

საქართველოში კორონავირუსი კიდევ 1 928 ადამიანს დაუდასტურდა
access_time2020-10-25 12:48:31
ამ დროისთვის საქართველოში კორონავირუსის 28 431 შემთხვევაა დადასტურებული, გამოჯანმრთელებულთა საერთო რაოდენობაა 10 767, გარდაიცვალა 201 პაციენტი.   კარანტინის რეჟიმში 4 112 ადამიანი რჩება, სტაციონარში მეთვალყურეობის ქვეშ - 3 766, კოვიდ-სასტუმროში - 2 268, უცხოეთიდან სამკურნალოდ გადმოყვანილია საქართველოს 41 მოქალაქე.   ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31...

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება

აშშ-ში პრემიუმ კლასის ღვინოების დახლზე ქართული ღვინო „მტევინო“ გაიყიდება
access_time2020-10-24 18:00:14
აშშ-ში პრემიუმ კლასის ღვინოების დახლზე ქართული ღვინო „მტევინო“ გამოჩნდება. კომპანიამ ექსპორტთან დაკავშირებული მოლაპარაკებები აშშ-სთან წარმატებით დაასრულა. ექსკლუზიური ხელშეკრულება ამერიკელ იმპორტიორებთან უკვე გაფორმებულია და სულ მალე, ამერიკელი მომხმარებელი ოთხი სახეობის  ქართულ ღვინოს დააგემოვნებს. მტევინოს გენერალური დირექტორის ლელა კობიაშვილის თქმით, ეს ღვინოებია: მტევინო რქაწითელი, ხაშმის საფერავი, მტევინოს მუკუზანი და ხაშმის საფერავი...

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა

საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა
access_time2020-10-24 11:19:45
საქართველოში, ბოლო 24 საათში, კორონავირუსის 1941 ახალი შემთხვევა დაფიქსირდა. ამის შესახებ ინფორმაციას მთავრობის მიერ შექმნილი ვებ გვერდი stopcov.ge ავრცელებს. ამ დროისთვის საქართველოში კორონავირუსის 26 503 შემთხვევაა დადასტურებული. გამოჯანმრთელდა კიდევ 412 პაციენტი, გამოჯანმრთელებულთა საერთო რაოდენობაა 10 163. კორონავირუსის შედეგად, ქვეყანაში ბოლო 24 საათში ათი პაციენტი გარდაიცვალა. გარდაცვლილთა რაოდენობა ჯამში 193-ს...

ბიუჯეტის შემოსავალი დღგ-დან წლიურად 295 მილიონითაა შემცირებული

ბიუჯეტის შემოსავალი დღგ-დან წლიურად 295 მილიონითაა შემცირებული
access_time2020-10-24 19:55:29
2020 წლის ბიუჯეტის 9 თვის შესრულების ანგარიშიდან ირკვევა, რომ კერძო სექტორის მიერ გადახდილი დამატებული ღირებულების გადასახადის მოცულობა 2.79 მილიარდ ლარს შეადგენს, რაც მართალია 2020 წლის კორექტირებული ბიუჯეტის გეგმის 106%-ია, თუმცა 2019 წლის მაჩვენებელთან შედარებით 294.6 მილიონი ლარით არის შეცმირებული. 2020 წლის 12 თვეში დღგ-ის გეგმა 3.74 მილიარდ ლარს შეადგენს. შედარებისთვის, ეს თანხა 2019 წელს მობილიზებულ 4.04 მილიარდ ლართან მიმართებით 300 მილიონი ლარით ნაკლებია. დღგ-ის...


მსგავსი სიახლეები

up