ევროპული სტარტაპი ApisProtect -იაშშ-ის ბაზარზე ფუტკრების სკების მონიტორინგის უნიკალური სისტემის გამოსვლის შესახებ აცხადებს. ამის შესახებ techcult წერს.

ხელოვნური ინტელექტის მეშვეობით ხდება სკების შიდა კონტროლი, რაც ხელით ოპერირებას გამორიცხავს. ApisProtect-ის კვლევა აჩვენებს, რომ ფუტკრის სკების ხელით კონტროლი 80%-ის შემთხვევაში უსარგებლოა და ამავე დროს არაა უსაფრთხო, რაც დედა ფუტკრის სიკვდილს იწვევს.

გამოცემის ცნობით, სკების კვლევის ახალი სისტემა შესაძლებელს ხდის დაავადებული ფუტკრებისა და სკაში მყოფი მავნებლების გამოვლენას. რაც სკაში ფუტკრის გაორმაგებას შეუწყობს ხელს.

დღეს მთელ მსოფლიოში ფუტკრებთან მიმართებით შექმნილი ვითარება საგანგაშოა. თაფლის მწარმოებელ ფუტკრებს გადაშენება ემუქრებათ, რაც სოფლის მეურნეობის სექტორისთვის კატასტროფული იქნება. გამოცემა წერს, რომ ვითარებას შეცვლის ხელოვნური ინტელექტი. მისი მეშვეობით ფუტკრების სიცოცხლე გახანგრძლივდება და უფრო უსაფრთხო გახდება.

ApistProtect-ის დანადგარი თუ სკაში დაავადებულ ფუტკრებს გამოავლენს, დაუყოვნებლივ გააფრთხილებს მეფუტკრეს და სკის ხელით შემოწმება აღარ გახდება საჭირო. მეფუტკრე თავის მხრივ გამოიყენებს პროფილაქტიკის ოპერატიულ ზომებს და თავის რეგიონში კოლეგებს საფრთხის არსებობის შესახებ გააფრთხილებს.

imedinews.ge