ხელოვნურად შექმნილი სასაკლაო - სატვირთო ავტომობილების უსასრულო რიგები სავალ გზაზე (+ვიდეო)

ხელოვნურად შექმნილი სასაკლაო - სატვირთო ავტომობილების უსასრულო რიგები სავალ გზაზე (+ვიდეო)

access_time2019-03-07 14:30:59

„საქართველოს აქვს პოტენციალი ჩამოყალიბდეს სატრანსპორტო ლოგისტიკურ ჰაბად,“  ეს სიტყვები ოფიციალურ შეხვედრებზე ხშირად გაუჟღერებიათ  ქვეყნის ყოფილ (გიორგი კვირიკაშვილს) და ამჟამინდელ 9(მამუკა ბახტაძეს) პრემიერ-მინისტრებს.


სატრანსპორტო პოტენციალზე ყურადღებას მუდმივად ამახვილებს ეკონომიკისა და მდგრადი განვითარების მინისტრი გიორგი ქობულიაც.


„ლოგისტიკური ჰაბისთვის ხელსაყრელი გეოგრაფიული მდებარეობა საქართველოს მნიშვნელოვანი უპირატესობაა, რომელიც აუცილებლად უნდა იყოს გამოყენებული,“  ამბობს ქობულია.


სატრანსპორტო პოლიტიკის გარდა, ქვეყნის ერთ-ერთი მთავარი პრიორიტეტი ტურიზმი, რაც ეკონომიკურ განვითარებაზე პირდაპირ აისახება. თუმცა, როგორც ირკვევა, საქართველოში გარკვეული სივრცეები  ტურისტებისთვის კომფორტს მოკლებულია. არსებულ მძიმე ვითარებას კი გუდაურისკენ მიმავალი ნებისმიერი მგზავრი  ნათლად დაინახავს.


დასრულდა პარასკევი და მოვიდა უქმეების დრო. წელიწადის ამ დროს, როგორც წესი, დამსვენებლებით ყველაზე დატვირთული გუდაური-ბაკურიანია. თუმცა, სულ ორი დღით გუდაურისკენ მიმავალი ტურისტი პრობლემებს  გზაშივე აწყდება: სავალ გზაზე ავტოსატრანსპორტო საშუალებების უსასრულო რიგი მას არც კომფორტულად მგზავრობის საშუალებას აძლევს და არც უსაფრთხოდ გადაადგილების. მეტიც, დიდია რისკი ავტოსაგზაო შემთხვევის მსვერპლი გახდეს და ორდღიანი უქმეები, გუდაურის ნაცვლად, ხელოვნურად შექმნილ სასაკლაოზე გაატაროს.




ზუსტად ამას გვიყვება “hub Georgia“-ს დამფუძნებელი ვასილ ურუშაძ. მგზავრობისას მან ვიდეოც გადაიღო, სადაც ნათლად ჩანს, რომ სატვირთო ავტომობილების უსასრულო რიგი უკვე თითქმის ნატახტარიდან იწყება და გუდაური-ყაზბეგი-სტეფაწმინდა-ლარსისკენ მიმავალ გზაზე, დაახლოებით, 10 კმ-იან საცობს ქმნის. ტრაილერები სავალ გზას პარკინგისთვის იყენებენ და უმოძრაოდ, ერთსა და იმავე ადგილას კვირების განმავლობაში უწევთ ყოფნა. ასეთ სიტუაციაში მსუბუქი ავტომობილებისთვის  სავალი ნაწილის მხოლოდ ერთი მხარეა დარჩენილი.


ვასილ ურუშაძე: „მივდიოდი გუდაურში და ჩემს საპირისპიროდ მომავალი მსუბუქი ავტომობილიც იმავე გზაზე გადაადგილდებოდა, რადგან სხვა ალტერნატივა არ არის. იმდენად დიდი რისკი შეიქმნა ავტო-საგზაო შემთხვევის, რომ გადავწყვიტე პირადად ჩავერთო ამ პროცესების გამოკვლევაში. აღსანიშნავია, რომ მსგავსი რიგები სულ იყო, თუმცა ის, რაც დღეს ხდება, ყოველგვარ ზღვარს სცილდება. იმ შემთხვევაში, თუ თოვლი მოდის, საერთოდ პარალიზებულია გარემო და მსუბუქი ავტომობილებისთვის ძალიან დიდი საფრთხის შემცველია“.



ურუშაძე დარწმუნებულია, რომ სატვირთო ავტომობილების რიგები ხელოვნურადაა შექმნილი და ამაში რუსეთის პირდაპირი ინტერესებია. ხელისუფლების უმოქმედობა და გულგრილობა კი არსებულ ვითარებას ხელს უწყობს.


„აშკარაა, რომ ეს რიგები ხელოვურადაა შექმნილი და კონკრეტულ მხარეს აწყობს, რომ საქართველო წარმოჩინდეს, როგორც მეორეხარისხოვანი ქვეყანა. პირველ რიგში, რუსეთი უნდა ვახსენოთ, რადგან ვიცით, რომ ამ ქვეყნიდან  ვიზიტორთა დიდი ნაკადი შემოდის სპეციალურად გუდაურში. ეს ნიშნავს თანხების შემოდინებასაც, რაც რუსეთის მთავრობას ნამდვილად არ აწყობს. მეორე მხრივ, ჩვენი ხელისუფლება არსებულ ვითარებას თავისი გულგრილობით ხელს უწყობს. საპატრულო პოლიციაც კი თითქმის საერთოდ არ მონაწილეობს პროცესში და ძალიან იშვიათად არის დაკავებული  სატანსპორტო საშუალებების გაჩერებით თუ დაპარკინგებით. რეალურად გზაზე კონტოლი, გამაფრთხილებელი ნიშნები ან რაიმე მსგავსი არ გვხდება“.


“hub Georgia“-ს დამფუძნებელი მიიჩნევს, რომ არსებული სიტუაცია ეწინააღმდეგება ხელისუფლების პრიორიტეტებსა და სახელმწიფო პოლიტიკას:


„ამბიცია გვაქვს, რომ  გავხდეთ სატრანსპორტო ლოგისტიკური ჰაბი. თუ ეს მართლა გვინდა და უბრალოდ პოპულისტური განცხადება არ არის, მაშინ მსგავსი ელემენტარული პრობლემები ქვეყანაში ნამდვილად არ უნდა არსებობდეს. მეორე მხრივ, როდესაც საქართველოში ასეთი მზარდია  ტურისტული პოტენციალი და ვიზიტორთა რაოდენობაც მუდმივად მატულობს, მნიშნლოვანია  შესაბამის  სივრცეებში შეიქმნას კომფორტული გარემო. წინააღმდეგ შემთხვევაში, ეს სტატისტიკა  აუცილებლად დაიწყებს კლებას და ტურისტების ნაკადიც საგრძნობლად შემცირდება. აი, ამდენად მნიშვნელოვანი საკითხები დევს სასწორზე, რომლის მეორე მხარეს ხელოვნურად შექმნილი სასაკლაო კვლავ განაგრძობს ფუნქციონირებას“.





სალომე ლემონჯავა 





ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი

ყველაზე მეტი ქართული ღვინო კვლავ რუსეთში გაიყიდა - არსებობს იაფფასიანი მწარმოებელი ქვეყნის რიგებში გადასვლის დიდი რისკი
access_time2020-02-18 19:32:12
ყველაზე მეტი ქართული ღვინო კვლავ რუსეთში გაიყიდა. „კომერსანტმა“ საქართველოს სტატისტიკის ეროვნული  სამსახურიდან გამოითხოვა ინფორმაცია თუ რომელი ქვეყანა ყიდულობს ქართულ ღვინოს ყველაზე დიდი რაოდენობით. მათ მიერ მოწოდებული ინფორმაციით ირკვევა, რომ 2018 წელთან შედარებით 2019 წელს რუსეთში 4 366,2 ათასი ლიტრით მეტი ღვინის ექსპორტირება მოხდა. ჯამში 2019 წელს რუსეთში 133 251,5 აშშ დოლარის ღვინო...

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა

„m2 დეველოპმენტმა“ ალ. ყაზბეგის #15-ში ახალი გაყიდვების ოფისი გახსნა
access_time2020-02-18 15:30:46
17 თებერვალს, „m2 დეველოპმენტმა“ ალ. ყაზბეგის #15-ში, გაყიდვების ახალი ოფისი გახსნა. ოფისის გახსნას უკავშირდება უპრეცედენტო ფასდაკლების აქციაც, რომელიც თითო ბინაზე 30 000 ლარამდე ფასდაკლებას ითვალისწინებს, ფასდაკლება გავრცელდება როგორც სტუდიოს ტიპის, ისე ორსაძინებლიან 30 ბინაზე. ოფისი თანამედროვედ მოწყობილი საქმიანი სივრცეა. აქ ბინის შეძენის, მსურველები, მიმდინარე თუ დასრულებული კომპლექსების შესახებ ამომწურავ ინფორმაციას მიიღებენ, გაეცნობიან ამა თუ იმ პროექტის ძირითად...

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ

ბათუმის ნავსადგურის მენეჯმენტს დასაქმებულების შევიწროებაში ადანაშაულებენ
access_time2020-02-18 17:30:29
2018 წლის აპრილის მერე, როცა ბათუმის საზღვაო ნავსადგურში თანამშრომელთა გაფიცვის შედეგად მაშინდელმა დირექტორმა თანამდებობა დატოვა, მდგომარეობა არსებითად არ შეცვლილა. ამის თაობაზე „ბანკები და ფინანსებს“ ბათუმის ნავსადგურის ერთ-ერთმა თანამშრომელმა განუცხადა, რომლის ვინაობასაც რედაქცია, გასაგები მიზეზების გამო, ამ ეტაპზე არ ასაჯაროებს. ნავსადგურის თანამშრომლის განცხადებით, თანამშრომელთა დიდ ნაწილს, განსაკუთრებით კი მათ, ვინც 2018 წლის მოვლენებისას...

პასუხი ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“

 პასუხი  ჯანდაცვის სამინისტროს -„ცხელ ხაზზე ტარიფს სილქნეტი არ განსაზღვრავს“
access_time2020-02-18 17:10:54
ჯანდაცვის სამინისტროს მიერ ცხელის ხაზის ტარიფთან დაკავშირებით გავრცელებულ განცხადებას კომპანია „სილქნეტი“ ეხმაურება. „კომერსანტი“ განცხადებას უცვლელად გთავაზობთ:  „დილიდან გავრცელდა ჯანდაცვის სამინისტროს განმარტება, რომ ცხელ ხაზზე ტარიფს განსაზღვრავს „სილქნეტი“.განვმარტავთ, რომ ჯანდაცვის სამინისტროს ცხელ ხაზის - 1505 მიმართულებით სხვა ოპერატორების აბონენტების მიერ განხორციელებულ ზარებზე სააბონენტო ტარიფს არ განსაზღვრავს კომპანია „სილქნეტი“. ყველა სატელეფონო...

დამსაქმებლებს ორსული და ახალნამშობიარები ქალებისთვის უსაფრთხო სამუშაო პირობების შექმნა მოუწევთ

დამსაქმებლებს ორსული და ახალნამშობიარები ქალებისთვის უსაფრთხო სამუშაო პირობების შექმნა მოუწევთ
access_time2020-02-18 17:00:49
დამტკიცდა ორსული, ახალნამშობიარები და მეძუძური ქალების ჯანმრთელობისთვის მავნე ან/და განსაკუთრებული რისკის შემცველი სამუშაოები.აღნიშნულს ჯანდაცვის მინისტრის შესაბამისი ბრძანება ითვალისწინებს, რომელიც ძალაში შევიდა. ბრძანების თანახმად, ორსულობის 27-ე კვირამდე მძიმედ და საშიშად ითვლება რეგულარულად ხუთ კგ-ზე მეტი წონის მქონე ტვირთის გადატანა ან ცალკეულ შემთხვევებში (არარეგულარულად), 10 კგ-ზე მეტი წონის მქონე ტვირთის გადატანა. ორსულობის 27-ე კვირიდან კი...


მსგავსი სიახლეები

up