წლიური ინფლაციის განაკვეთმა იანვარში 2.8% შეადგინა და ეროვნული ბანკის მიერ განსაზღრულ 3%-იან მაჩვენებელში ჩაჯდა, თუმცა ისევე როგორც დეკემბერში იანვარშიც გაზზე და ელექტროენერგიაზე გაღებული სუბსიდია ფასების 20.5%-იანკლებად შეფასდა, რამაც ინფლაციის საერთო განაკვეთი 1.77%-ით შეამცირა.
სინამდვილეში ელექტროენერგიის სამომხმარებლო ტარიფი როგორც „თელასის“ ასევე „ენერგო პრო ჯორჯიას“ აბონენტებისთვის 19-24 პროცენტით გაძვირდა. ამ ფაქტის გათვალისწინება ინფლაციის განაკვეთს, არათუ შეამცირებდა, პირიქით, გაზრდიდა.
6 იანვარს საქსტატმა სპეციალური განცხადება გაავრცელა, სადაც ამატკიცებდა, რომ დეკემბრის ინფლაციის გააანგარიშებისას სუბსიდირებული კომუნალური გადასახადების გამოკლება, რადგან მას მოსახლეობა საკუთარი ჯიბიდან არ იხდიდა. გადაწყვეტილება სავალუტო ფონდის რეკომენდაციით იყო ახსნილი. თუმცა განცხადებაში იმავე უწყებას არაფერი უთქვამს რატომ არ გაითვალისწინა აღნიშნული ნოემბრის ინფლაციის გაანგარიშებისას, რადგან სუბსიდირება ნოემბერში დაიწყო და არა დეკემბერში. უფრო მეტიც ანალოგიური სუბსიდირების პროგრამა გასული წლის გაზაფხულზეც მოქმედებდა, სამი თვის ვადით და საქსტატს მსგავსი კალკულაციისთვის არც მაშინ მიუმართავს.
რადგან ბიუჯეტი გადასახადის გადამხდელებისგან ივსება, ვალის შემთხვევაშიც მას სარგებლით დაბრუნება სჭირდება, რაიმეს ბიუჯეტიდან დაფინანსება, ისევ მოსახლეობის ჯიბიდან გადახდილი ფულია, ოღონდ ირიბად.
კომუნალური გადასახადების საერთოდ გაუთვალისწინებლად ინფლაციის განაკვეთი 4.57%-ს მიაღწვდა, მაგრამ რადგან ელექტროენერგიის ტარიფი გაიზარდა, რეალურად ის უფრო მეტი იქნებოდა.
საქსტატისვე ოფიციალური ცნობით პროდუქტი იანვარში 6.4%-ით გაძვირდა, მათ შორის ზეთი 27.3%-ით, ყავა და ჩაი 12.6%-ით, თევზეული 10.4%-ით, რძის ნაწარმი - 9.1%-ით. ასევე საკმაოდ მაღალი 9.7%-იანი ზრდა დაფიქსირდა ჯანმრთელობის დაცვის მიმართულებითაც.
გიორგი ელიზბარაშვილი