ხელისუფლების მიერ „ქართულ დავოსად“ წოდებულ ბაკურიანში ტურისტებისთვის გაუსაძლისი პირობებია

ხელისუფლების მიერ „ქართულ დავოსად“ წოდებულ ბაკურიანში ტურისტებისთვის გაუსაძლისი პირობებია

access_time2017-08-30 13:30:57

კურორტზე, რომელიც ხელისუფლების გეგმების თანახმად, უახლოეს წლებში „ქართულ დავოსად“ უნდა იქცეს, ტურისტებისთვის დასვენება ჯერ ისევ არაკომფორტულია. კურორტზე ფეხით მოსიარულეებისთვის უსაფრთხოების ელემენტარული სტანდარტიც კი არ არსებობს. „კომერსანტი“ რამდენიმე წლის განმავლობაში ყოველ საკურორტო სეზონზე, აქტიურად ეხმაურებოდა ამ პრობლემას და ხელისუფლებისგან ითხოვდა პასუხს კითხვაზე: როდის ექნებოდა ბაკურიანს ტროტუარები, რათა დამსვენებელთა, მათ შორის, ბავშვების გადაადგილება უსაფრთხო ყოფილიყო? ამ შეკითხვაზე მკაფიო პასუხი ადგილობრივი ხელისუფლების წარმომადგენლების მხრიდან იყო ის, რომ 2017 წლის ზაფხულიდან ეს პრობლემა პრაქტიკულად, მოიხსნებოდა.

 

ინფრასტრუქტურული სამუშაოები დაიწყო, თუმცა მიმდინარე სეზონზე ბაკურიანში ჩასულ ტურისტებს დასვენებისთვის ისევ არაკომფორტული გარემო დახვდათ. როგორც „კომერსანტთან“ საუბრისას ერთ-ერთმა დამსვენებელმა განაცხადა, წელს ბაკურიანში იმდენად გაუსაძლისი იყო, რომ მომავალ წელს, ზაფხულის სეზონზე აღნიშნულ კურორტს აღარ ესტუმრება. „ყველაფერი ბუღშია, გარშემო მშენებლობებია, საკურორტო სეზონის პარარელურად მიდის გზის მშენებლობის და სხვადასხვა სამუშაოები, ფანჯარას ვერ გააღებ, მტვერი შემოდის. საშინელი მდგომარეობაა. არანაირი სურვილი არ მაქვს, მომავალი წლის ზაფხულში აქ ჩამოვიდე“ - აცხადებს ერთ-ერთი ტურისტი.

  

 

პრობლემის შესახებ საუბრობენ ბაკურიანში არსებული საოჯახო სასტუმროს მეპატრონეებიც. „ჩემი სახლის“ ადმინისტრაციაში აცხადებენ, რომ წელს კურორტზე გასულ წელთან შედარებით ტურისტების სიმცირეა. მათი ინფორმაციით, ამის მიზეზი ტურისტული სეზონის პარარელურად არსებული სამშენებლო-ინფრასტრუქტურული სამუშაოებია. სასტუმროს ადმინისტრაციაში განმარტავენ, რომ ამ დროისთვის მათი სასტუმრო დატვირთული აღარ არის.

 

„ხალხი მტვერში დადიოდა, საშინელი პირობაა იმისთვის, რომ დაისვენო. ცხელი სეზონის დროს კეთდება ყველაფერი, პრეტენზია ჰქონდათ დამსვენებლებს, ამით კმაყოფილი ვინ იქნებოდა? ტურისტებისგან მსმენია ასეთი შედარებები, რომ კოჯორსა და მანგლისში უკეთესია დასვენება, ვიდრე ბაკურიანში“-აცხადებენ სასტუმროში.

 

სასტუმრო „წითელ სახლში“ აცხადებენ, რომ ტურისტების რაოდენობა გასული წლის ანალოგიურ პერიოდში არსებული რაოდენობის იდენტურია. დამსვენებლებს წარმოადგენენ როგორც ქართველები, ისე უცხოელები. როგორც სასტუმროს ადმინისტრაციაში განმარტევენ, მათი სასტუმრო ცენტრალური ტრასისგან შედარებით მოშორებითაა, ამიტომ კურორტზე არსებულმა ინფრასტრუქტურულმა სამუშაოებმა მათზე ნეგატიური ზეგავლენა ვერ მოახდინა.

 

„ცენტრში მშენებლობები მიდის, შუა სეზონზე დიდი ტრაილერები დადის და სავარაუდოდ, იქ არსებული სასტუმოებისთვის ეს ფაქტი კარგი არ იქნება“ - აცხადებენ „წითელ სახლში“.

 

სასტუმრო „ედელვაისში“ აცხადებენ, რომ მათი სასტუმროსთვის საკურორტო სეზონი მხოლოდ ორი კვირა იყო. ამის მიზეზი კი კურორტზე საცხოვრებელი სახლების მშენებლობის ბუმია. კერძოდ, როგორც სასტუმროში აცხადებენ, იმ კატეგორიამ, ვისაც დამატებითი ფინანსური სახსრები გააჩნდა, ბინები შეიძინა და შესაბამისად, საოჯახო სასტუმროებმაც თავისი ფუნქცია დაკარგა.

 

„წელს გვყავდა ტურისტები, თუმცა, მცირე რაოდენობით. ჩვენი სასტუმროს მაგალითზე თუ ვიტყვით, ნაკადი შემცირებულია“ - აცხადებენ სასტუმრო ‘ედელვაისში“.

 

„კომერსანტი“ გთავაზობთ რამდენიმე დღის წინ, კურორტზე გადაღებულ ფოტოებს, რომლებიც ასახავს, რამდენად მოუწესრიგებელია ბაკურიანი. ფოტომასალაზე კარგად ჩანს, რომ ამ პრობლემის გამო დამსვენებლები დისკომფორტს განიცდიან.


 

width=507

 

width=520

 

width=514

 

 

 

width=520

 

რატომ ვერ მოხერხდა ის, რომ ქვეყნის ერთ-ერთი წამყვანი კურორტი ზაფხულის სეზონს დასრულებული და განახლებული ინფრასტრუქტურით შეხვედროდა, ამის გარკვევა „კომერსანტმა“ ბორჯომის რაიონის გამგეობაში სცადა.

 

ბორჯომის გამგებელი დიმიტრი ყიფიანი განმარტავს, რომ წელს როგორც ბორჯომს, ისე ბაკურიანს საკმაოდ ბევრი ტურისტი სტუმრობს. მათ შორის არიან როგორც ადგილობრივები, ისე დამსვენებლები არაბეთიდან, პოსტ საბჭოთა ქვეყნებიდან და ევროპიდან.

 

რაც შეეხება იმას, თუ რატომ ვერ მოხერხდა სამუშაოების ტურისტულ სეზონამდე დასრულება, ამაზე ყიფიანი განმარატვს, რომ სამუშაოები ივნისში დაიწყო, რადგან მანამდე ცუდი კლიმატური პირობები ამის საშუალებას არ იძლეოდა.

 

„ბაკურიანში ინფრასტრუქტურული სამუშაოები სამწუხაროდ, თუ საბედნიეროდ მიმდინარეობს. ზამთარში ვერ იმუშავებ, წელს ივნისის ბოლოდმე წვიმები იყო. როდესაც მოგვეცა საშუალება, დავიწყეთ მუშაობა. ყველა სამუშაოს თავისი პროცედურები აქვს. იძულებულები ვართ ხარისხი დავიცვათ. წელს თუ ასეთი ამბავი იყო, მომავალ წელს აღარ იქნება. ხომ არ მივაგდებთ ყველაფერს და ვიტყვით, რომ რადგან ტურისტული სეზონია არაფერი არ გავაკეთოთ. ასე არ გამოდის. სამუშაოებს სამწუხაროდ, დრო სჭირდება. ოქტომბრის ბოლოდან კი აქ თოვლია. ფაქტობრივად, ბაკურიანში აქტიური სამუშაოებისთვის სულ 3-4 თვეა, ერთი ხელის მოსმით და ერთ ღამეში ყველაფერი ვერ კეთდება. სხვა გამოსავალი არ არის. რაღაც ხომ უნდა გაკეთდეს?“ - აცხადებს ყიფიანი.  

 

როგორც ყიფიანი განმარტავს, წელს ბაკურიანში, 14 ქუჩის რეაბილიტაცია მიმდინარეობს.

 

შეგახსენებთ, რომ ბაკურიანთან დაკავშირებით საქართველოს ხელისუფლებას ამბიციური გეგმები აქვს: იგეგმება კურორტის რეგიონულ საკონფერენციო ცენტრად ჩამოყალიბება. ამ მიზნის მიღწევის ვადად 2016 წელს 3 წელი დასახელდა.

 

 

 ავტორი: სოფო ქსოვრელი 

 

 

 

 

 



რა შეზღუდვები იხსნება ქვეყანაში ხვალიდან?

რა შეზღუდვები იხსნება ქვეყანაში ხვალიდან?
access_time2021-02-28 13:00:02
1-ელ მარტს, საქართველოში კორონავირუსის გავრცელების პრევენციის მიზნით დაწესებული შეზღუდვები კიდევ უფრო შემსუბუქდება. შესაბამისი გადაწყვეტილება უწყებათაშორისმა საკოორდინაციო საბჭომ პრემიერ-მინისტრ ირაკლი ღარიბაშვილის ხელმძღვანელობით მიიღო.ბათუმში 1-ლი მარტიდან, დანარჩენ საქართველოში კი, 8 მარტიდან რესტორნები სტუმრების მიღებას შეძლებენ, შაბათ-კვირის გარდა.კონფერენციები და ტრენინგები...

ბიზნეს საზოგადოება გაცილებით პატრიოტულად არის განწყობილი ქვეყნის მიმართ და გაცილებით ერთგულია, ვიდრე პოლიტიკოსები

ბიზნეს საზოგადოება გაცილებით პატრიოტულად არის განწყობილი ქვეყნის მიმართ და გაცილებით ერთგულია, ვიდრე პოლიტიკოსები
access_time2021-02-28 11:00:17
“მინდა ვუთხრა პოლიტიკოსებს და პარლამენტარებს, რომ ბიზნესს არ აინტერესებს მათი აბდაუბდის მოსმენა”-ეს განცხადება bm.ge-თან ბიზნესმენმა თემურ ჭყონიამ გააკეთა.ის ქვეყნის ეკონომიკის განვითარებაში ბიზნესის როლზე საუბრობს და პოლიტიკოსებს ბიზნესის კრიტიკის ნაცვლად ქვეყნის განვითარებაზე ზრუნვისკენ მოუწოდებს.“ბიზნესი მიეჩვია განვითარდეს, იპოვოს თავისი გაზა, მოუაროს თავის ბიზნესს. აღმოჩნდა, რომ ბიზნეს საზოგადოება...

თიბისი კაპიტალი 2021 წელს ეკონომიკის 4%-იან ზრდას ელის

თიბისი კაპიტალი 2021 წელს ეკონომიკის 4%-იან ზრდას ელის
access_time2021-02-28 10:00:11
თიბისი კაპიტალში საქართველოში იანვარში ეკონომიკის ორნიშნა ვარდნას მოლოდინებთან შესაბამისს უწოდებენ. ამავდროულად საინვესტიციო კომპანია არც წლის ეკონომიკური ზრდის პროგნოზს ცვლის და მიიჩნევს, რომ მომდევნო 2 თვეში ქვეყანაში იანვართან შედარებით ეკონომიკური ატივობა კიდევ უფრო გაუმჯობესდება.საინვესტიციო კომპანიაში განმარტავენ, რომ კლება ასახავს გასული წლის იანვრის მაღალ საბაზო ეფექტს, ლოქდაუნის შემოღების შედეგებს და ტურიზმისა და მასთან დაკავშირებული...

ჯო ბაიდენის პრეზიდენტობის ერთი თვის შედეგები

ჯო ბაიდენის პრეზიდენტობის ერთი თვის შედეგები
access_time2021-02-27 20:30:47
20 იანვარს დემოკრატი ჯი ბაიდენი აშშ-ს პრეზიდენტი ოფიციალურად გახდა. რისი გაკეთება მოასწო მან 1 თვეში?   1.ვაქცინაციის დაჩქარება აშშ-ს მოსახლეობის ვაქცინაცია ჯერ კიდევ 2020 წლის დეკემბერში დაიწყო თუმცა, ნელი ტემპებით მიმდინარეობდა.   1 თვეში ბაიდენის ადმინისტრაციამ ამ პროცესის დაჩქარება მოახერხა - ყოველკვირეულად სხვადასხვა შტატში 11 მლნ. დოზა იგზავნება, რაც დეკემბერთან შედარებით 57%-ით...

სატვირთო ავიაგადამზიდავები COVID-ვაქცინების მიწოდების მიზნით ერთიანდებიან

სატვირთო ავიაგადამზიდავები COVID-ვაქცინების მიწოდების მიზნით ერთიანდებიან
access_time2021-02-27 15:00:07
UNICEF-მა და 16 მსხვილმა საერთაშორისო ავიაკომპანიამ წამოიწყეს ინიციატივა, რომლის მიხედვითაც COVID-19-ის ვაქცინების და სხვა ჰუმანიტარული ტვირთის ტრანსპორტირებას ერთობლივი ძალებით მოახდენენ. გაეროს მიერ დაფინანსებულმა ორგანიზაციამ ინიციატივა – UNICEF Humanitarian Airfreight Initiative შემდეგ ავიაკომპანიებთან ერთად ჩამოაყალიბა: AirBridgeCargo, Air France – KLM, Astral Aviation, Brussels Airlines, Cargolux, Cathay Pacific, Emirates SkyCargo, Ethiopian Airlines,...


მსგავსი სიახლეები

up