ხელისუფლების ახალი ამბიცია – საქართველო უმაღლესი განათლების ჰაბად უნდა იქცეს

ხელისუფლების ახალი ამბიცია – საქართველო უმაღლესი განათლების ჰაბად უნდა იქცეს

person access_time2016-07-04 09:45:49

განათლების ახალი მინისტრის განცხადებით, საქართველოს აქვს პოტენციალი გახდეს საგანმანათლებლო ჰაბი უმაღლესი განათლების მიმართულებით. ალექსანდრე ჯეჯელავას თქმით, აუცილებელია საქართველოს უმაღლესი განათლების ინტერნაციონალიზაცია – უკვე არის მოთხოვნა ინდოელი, არაბული ქვეყნების სტუდენტების მხრიდან და ეს ტენდენცია უნდა გაძლიერდეს.

 

ამ ინიციატივის ფონზე "კომერსანტმა" გაიხსენა ხელისუფლების მიერ გაკეთებული განცხადებები საქართველოს ჰაბად ქცევის გეგმების შესახებ. ჩვენ დავინტერესდით, რომელი მიმართულებით  შეძლო საქართველომ ჰაბად ქცევა ან ყველაზე ახლოსაა ამ მიზანთან?

 

ხელისუფლების წარმომადგენლებმა ბოლო 10 წლის განმავლობაში საქართველოს სხვადასხვა ტიპის ჰაბად ქცევა დააანონსეს. წლების განმავლობაში ბევრი განცხადება გაკეთდა ქვეყნის უმაღლესი თანამდებობის პირების მხრიდან, რომ საქართველო უნდა იქცეს ან უკვე იქცა სავაჭრო, ენერგეტიკულ, სატრანზიტო და სხვა ტიპის ჰაბად.

 

გთავაზობთ ხელისუფლების წარმომადგენელთა განცხადებებს, რომლებიც მათ აღნიშნულ თემაზე სხვადასხვა წლებში გააკეთეს:


„ჩვენ გვინდა, რომ საქართველო გახდეს ტექნოლოგიური ჰაბი“, - საქართველოს ყოფილი პრეზიდენტი მიხეილ სააკაშვილი.


საქართველო მთელი რეგიონის უდიდესი სავაჭრო ჰაბი გახდა, - საქართველოს ყოფილი პრეზიდენტი მიხეილ სააკაშვილი.


„საქართველო უნდა იქცეს რეგიონალურ სატრანზიტო და ლოგისტიკურ ცენტრად“,- საქართველოს ყოფილი პრემიერმინისტრი ირაკლი ღარიბაშვილი.


„მთავრობის გამოწვევაა ტრანზიტული ფუნქციის გაძლიერება, რათა საქართველო გახდეს ლოჯისტიკური ჰაბი“, – ეკონომიკისა და მდგრადი განვითარების მინისტრი დიმიტრი ქუმსიშვილი.

 

„ქუთაისი უნდა გახდეს ისეთივე სატრანსპორტო ჰაბი, როგორიც ჩიკაგოა“ ,- საქართველოს პრემიერმინისტრი გიორგი კვირიკაშვილი.



განათლების ახალ მინისტრს ალექსანდრე ჯეჯელავას კი საქართველოს განათლების ჰაბად ქცევის იდეა აქვს.


რამდენად მოახერხა საქართველომ ქცეულიყო რომელიმე მიმართულებით ჰაბად და რეალურად რისი პოტენციალი აქვს ქვეყანას?


მას შემდეგ, რაც საქართველოში აბრეშუმის გზის ფორუმი ჩატარდა და ზოგადად აბრეშუმის გზის აღდგენის ინიციატივა გააქტიურდა, განსაკუთრებით აქტუალური გახდა საქართველოს სატრანზიტო ჰაბად ქცევის თემა.


თუმცა, სპეციალისტები ფიქრობენ, რომ სატრანსპორტო და ლოგისტიკურ ჰაბად ქცევისთვის ქვეყანას ბევრი რამ აქვს გამოსასწორებელი.


„გადასახადის გადამხდელთა კავშირის“ ხელმძღვანელი გიგლა მიქაუტაძე მიიჩნევს, რომ საქართველოში ტრანსპორტირება საკმაოდ ძვირი ჯდება, ვიდრე სხვა ალტერნატიული გზების გავლით ტვირთების ევროპაში გადაზიდვა. მიქაუტაძე ამის რამდენიმე მიზეზს ასახალებს, მათ შორის იმას, რომ საქართველოში სატრანსპორტო კომპანიები არ არის განვითარებული, რაც ტრანსპორტირებას აძვირებს.


„ჰკითხეთ ქართველ ექსპორტიორებს, რა უჯდებათ ტრანსპორტირება ევროპაში, მით უმეტეს, თუ მცირე ტვირთი აქვთ. გაცილებით იაფია უახლოესი ევროპული ქვეყნიდან გადაზიდვა ევროპაში, ვიდრე საქართველოდან. მაგალითად მოლდოვადან, რუმინეთიდან - ამ ქვეყნებიდან ტრანსპორტირება გაცილებით იაფია.  ჩვენი ხარჯები იმითაა გამოწვეული, რომ საკმაოდ რთულ ქვეყნებს შორის უწევს ტვირთს გავლა. სატრანსპორტო კომპანიები არ არის განვითარებული ისე, რომ იაფად გატარება შეძლოს“,- აცხადებს მიქაუტაძე.

 

მისივე თქმით, გახდება თუ არა საქართველო სატრანსპორტო ჰაბი, ეს ჩვენს მეზობლებზეც არის დამოკიდებული.

 

„სატრანსპორტო ჰაბი ვერ გახდები, თუ ხელი არ შეგიწყო შენმა მეზობელმა. ტრანსპორტი რომ მოდის და აზერბაიჯანში იჭედება რამდენიმე დღით, იქ  ქრთამებში ფული ეხარჯება, აღარ უღირს ბიზნესს, რომ მეორეჯერაც ამ გზით გაიაროს“,- აცხადებს მიქაუტაძე.


რაც შეეხება საქართველოს, როგორც სხვა მიმართულების ჰაბად ჩამოყალიბებას, მიქაუტაძე ამბობს, რომ ქვეყანა შეიძლება გახდეს ყველაფრის ჰაბი, თუ შესაბამისი დაინტერესება და ხელშეწყობა იქნება.

 

გიგლა მიქაუტაძის შეფასებით, საქართველოს შეუძლია გახდეს საგანმანათლებლო ჰაბიც, თუ ხელისუფლება ხელს არ შეუშლის ამ პროცესს, მაგალითად სავიზო რეგულაციების გამკაცრებით.

 

„საუბარია იმაზე, რომ მოვიზიდოთ უცხოელი ინვესტორები და განათლება გახდეს ბიზნესი.  ეს ერთ დღეში ვერ მოხდება, ასევე შეუძლებელია იმის თქმა, რომელიც მიმართულება იქნება მოთხოვნადი. ჩვენ არ გვაქვს ილუზია, რომ ამერიკელი და გერმანელი სტუდენტები ჩამოვლენ საქართველოში, ჩვენთან ჩამოვლენ გაცილებით ღარიბი ქვეყნებიდან სტუდენტები. ამას უნდა შევხვდეთ რაციონალურად“,- აცხადებს მიქაუტაძე.

 

რა ტიპის ჰაბად შეიძლება ჩამოყალიბდეს საქართველო, პროგნოზების გაკეთება ეკონომისტ აკაკი ცომაიასაც უჭირს. მისი თქმით, საქართველოში არცერთი მიმართულება კარგად განვითარებული არ არის, ამიტომ რთულია თქმა, რაში აქვს მეტი პოტენციალი ქვეყანას.

 

„სატრანსპორტო ჰაბად ჩამოყალიბებაზე დიდი ხანია მუშაობა მიმდინარეობს და რაღაც დონემდე ხდება გადაადგილება აზიიდან ევროპის მიმართულებით. თუმცა, ამ ყველაფერს სჭირდება განვითარება, მათ შორის ინფრასტრუქტურული. ვერანაირ კრიტიკას ვერ უძლებს საქართველოს ინფრასტრუქტურა. არ ვარგა გზა, რკინიგზა, საჰაერო მიმოსვლა. საქართველოში ტრანსპორტირება ერთ-ერთი ყველაზე ძვირია და მონოპოლიზებულია ეს ბიზნესი“,- აცხადებს ცომაია.

 

რაც შეეხება ახალ იდეას, რომელიც საქართველოს საგანმანათლებლო ჰაბად ჩამოყალიბებას ითვალისწინებს, ცომაია ამბობს, რომ ეს საკმაოდ გრძელვადიანი პერსპექტივაა, რადგან ქვეყანამ უცხოური, მათ შორის ბრენდირებული უნივერსიტეტების მოზიდვაზე უნდა იმუშაოს.


„ეს ასე მარტივი არ არის და ეჭვი მეპარება, რომ სახელმწიფო ინვესტიციებით ეს შესაძლებელია. ამას სჭირდება ძალიან დიდი კერძო კაპიტალის მოძიება საგანმანათლებლო სფეროში, ბრენდრირებული უნივერსიტეტების მოწვევა და ა.შ.“,- აცხადებს აკაკი ცომაია.




გიორგი გახარია - ინფლაციაც არის გამოწვევა ჩვენი ეკონომიკისთვის და ეროვნულ ბანკს აქვს თავის მანდატი, რომელშიც უნდა იმოქმედოს

გიორგი გახარია - ინფლაციაც არის გამოწვევა ჩვენი ეკონომიკისთვის და ეროვნულ ბანკს აქვს თავის მანდატი, რომელშიც უნდა იმოქმედოს
access_time2019-10-23 15:22:20
ეროვნული ბანკის ძირითადი მიზანი გახლავთ ინფლაციის თარგეთირება, – ამის შესახებ საქართველოს პრემიერ-მინისტრმა, გიორგი გახარიამ განაცხადა, რეფინანსირების განაკვეთის ზრდასთან დაკავშირებით ჟურნალისტების კითხვაზე. „ეროვნული ბანკი თავის მანდატში ახორციელებს გარკვეულ ღონისძიებებს. რა თქმა უნდა, ფაქტია და ეს არის მაკროეკონომიკის ლოგიკა, რომ აღნიშნული მომავალ წელს, უახლოესი 6 თვის განმავლობაში შეაფერხებს ეკონომიკურ ზრდას, თუმცა რა თქმა უნდა, ინფლაციაც არის გამოწვევა ჩვენი...

102700 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი გაეზრდება

102700 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი გაეზრდება
access_time2019-10-23 15:13:13
„საზოგადოება და ბანკებმა“ ცვლად საპროცენტო განაკვეთზე მიბმული სესხები მიმოიხილა. 2019 წლის 1 სექტემბრის მდგომარეობით ცვლად საპროცენტო განაკვეთზე მიბმული 102700 სესხია გაცემული. მათი აბსოლუტური უმრავლესობა რეფინანსირების განაკვეთზეა მიბმული. შესაბამისად, მსესხებლებს საპროცენტო განაკვეთი 1 პროცენტული პუნქტით 8.5 პროცენტამდე გაეზარდათ. დღესდღეობით ცვლად საპროცენტო განაკვეთზე მიბმული 5310 მლნ ლარის მოცულობის სესხია გაცემული. 1 აგვისტოდან 1 სექტემბრამდე გაცემული სესხების რაოდენობა...

37,7 მლნ ლარით გაზრდილი შემოსავალი - რა მოგებაზე მუშაობს საქართველოში თურქული TAV-ი

37,7 მლნ ლარით გაზრდილი შემოსავალი - რა მოგებაზე მუშაობს საქართველოში თურქული TAV-ი
access_time2019-10-23 14:12:06
საქართველოში ტურისტების რაოდენობის ზრდა თბილისის და ბათუმის საერთაშორისო აეროპორტების მმართველი თურქული კომპანიის „ტავ ურბან ჯორჯიას“ შემოსავალზეც აისახა. კომპანიის ანგარიშგების მიხედვით, 2018 წელს „ტავ“-ის შემოსავალმა 250,976 მლნ ლარი შეადგინა, რაც 37,704 მლნ ლარით (17,5%) მეტია 2017 წლის მაჩვენებელთან შედარებით (214,272 მლნ ლარი). ამასთან, კომპანიის ანგარიშგების მიხედვით,...

საქართველოს ეროვნულმა ბანკმა მონეტარული პოლიტიკის 1 პროცენტიანი განაკვეთი 8.5 პროცენტამდე გაზარდა

საქართველოს ეროვნულმა ბანკმა მონეტარული პოლიტიკის 1 პროცენტიანი განაკვეთი  8.5 პროცენტამდე გაზარდა
access_time2019-10-23 14:04:46
საქართველოს ეროვნული ბანკის მონეტარული პოლიტიკის კომიტეტმა 2019 წლის 23 ოქტომბრის სხდომაზე რეფინანსირების განაკვეთის 1 პროცენტული პუნქტით, 8.5 პროცენტამდე, გაზრდის გადაწყვეტილება მიიღო. სექტემბერში წლიურმა ინფლაციამ 6.4 პროცენტი შეადგინა. მიზნობრივზე მაღალ ინფლაციას დროებით ფაქტორებთან ერთად ნომინალური ეფექტური გაცვლითი კურსის გაუფასურების ინფლაციაზე გადმოცემა განაპირობებს. პროგნოზის მიხედვით, სხვა თანაბარ პირობებში, ინფლაცია მიმდინარე წელს მიზნობრივი დონის ზემოთ...

ირაკლი ბურდილაძე-„იპოთეკური სესხების კუთხით რეგულაციები დღესდღეობით საკმაოდ მკაცრია და მათ შერბილებას ველოდებით“

ირაკლი ბურდილაძე-„იპოთეკური სესხების კუთხით რეგულაციები დღესდღეობით საკმაოდ მკაცრია და  მათ შერბილებას ველოდებით“
access_time2019-10-23 13:30:53
...


მსგავსი სიახლეები

up