ხელისუფლება უწყებების ნაწილს აუქმებს - ვინ აგებს პასუხს წლების განმავლობაში არამიზნობრივად დახარჯულ თანხებზე?

ხელისუფლება უწყებების ნაწილს აუქმებს - ვინ აგებს პასუხს წლების განმავლობაში არამიზნობრივად დახარჯულ თანხებზე?

person access_time2016-04-15 11:40:22

თბილისის მერიაში 11-თვიანი მუშაობის შემდეგ „მეწარმეობის ხელშეწყობის ცენტრი“ გაუქმდა. 1,4 მილიონიანი ბიუჯეტის მქონე სტრუქტურა მიმდინარე წლის აპრილიდან უკვე აღარ ფუნქციონირებს. თბილისის საკრებულომ რამდენიმე დღის წინ ასევე მხარი დაუჭირა 5 წლის შექმნილ „ტექნოლოგიური განვითარების ფონდის" ლიკვიდაციას. განხორციელებული ცვლილებები მერიაში ხარჯების ოპტიმიზაციით ახსნეს.

 

ეს უწყებები ერთადერთი არაა, რომელთა საჭიროებასაც ექსპერტები და პოლიტიკური პარტიების წარმომადგენლები ეჭვქვეშ დიდი ხანია აყენებენ. სპეციალისტები აცხადებენ, რომ ბევრი სახელმწიფო უწყების მუშაობა არაეფექტურია და ისინი მხოლოდ ბიუროკრატიულ ხარჯებს ზრდის.


ერთ-ერთი უწყება, რომლის შექმნაც რამდენიმე დღის წინ დაანონსდა, ახალი სააგენტოა, რომელმაც რეგიონებში ინვესტიციები უნდა მოიზიდოს. სტუქტურა ექსპერტების კრიტიკის საგანი უკვე გახდა. თავისუფალი უნივერსიტეტის კანცლერმა ვატო ლეჟავამ „კომერსანტს“ განუცხადა, რომ სააგენტო ბიუროკრატიული და პოლიტიკური მიზნებისთვის იქმნება, რომელსაც დასაქმებისთვის და რეგიონებში პარტიული საქმიანობისთვის გამოიყენებენ. მისი პროგნოზით, სააგეტო რეალურად ვერ იმუშავებს და ეს ბიუჯეტისთვის ტვირთად იქცევა.


იგივე აზრზე არიან სხვა ახალშექმნილ სტრუქტურებთან დაკავშირებით სხვა ექსპერტებიც. ისინი ექსპორტის ხელშეწყობის სააგენტოს, ასევე, პრემიერის აპარატში ერთი ფანჯრის პრინციპით მომუშავე სტრუქტურის შექმნასაც სკეპტიკურად უყურებენ.


ამ კრიტიკის პარალელურად კი ირკვევა, რომ ექსპორტის ხელშესაწყობად ეკონომიკის სამინისტროში დამატებით ოთხი ახალი სამსახური შექმნეს. სამინისტროში შემავალი ახალი სტრუქტურული ერთეულები დეპარტამენტებისგან დამოუკიდებლად, თითოეულ რეგიონზე (აფრიკა-აზია, ევროპა, ამერიკა და სამეზობლო) ცალ-ცალკე იმუშავებენ.

 

არსებული სიტუაციის გათვალისწინებით მერიის მიერ 2 უწყების გაუქმება, ერთი მხრივ, წინგადადგმულ ნაბიჯად ფასდება, თუმცა, მეორე მხრივ, გაუგებარი რჩება, რატომ არ მიიღო ეს გადაწყვეტილება მერიამ უფრო ადრე, თუ ოპტიმიზაციის საშუალება არსებობდა? რატომ ინახავდა სახელმწიფო ისეთ უწყებებს, რომელთა არსებობის აუცილებლობაც არ იდგა? და ვინ უნდა აიღოს პასუხისმგებლობა წლების განმავლობაში ბიუჯეტიდან არაეფექტურად დახარჯულ მილიონებზე?


 

"საქართველოს რეფორმების ასოციაციის" (GRASS) ეკონომისტი ბესო ნამჩავაძე „კომერსანტთან“ აცხადებს, რომ ამა თუ იმ უწყების საქმიანობის შეფასება და ბიუჯეტიდან თანხების ხარჯვის მიზანმიმართულობა აუდიტმა უნდა შეისწავლოს და შესაბამისი რეკომენდაციები დადოს.

 

მერიის შემთვევაში  რეკომენდაციები მიეწოდება  საკრებულოს და ის მიიღებს გადაწყვეტილებას კონკრეტული პირების პასუხისმგებლობის შესახებ. სისხლის სამართლის ნიშნები თუა, ეს სხვა საკითხია, მაგრამ როცა კორუფციის ნიშნები არ ჩანს  და მხოლოდ მიზნობრიობაზეა საქმე, ამაზე უკვე მხოლოდ პოლიტიკური პასუხისმგებლობა დგება. თუმცა, ეს ბიუჯეტებიც თავის დროზე საკრებულოს დამტკიცებულია და ისინიც თავის მხრივ პასუხისმგებლები არიან მის ხარჯვაზე. ამ შემთხვევაში არ არსებობს რაიმე მექანიზმი, რადგან ეს სხვადასხვა ეტაპზე კოლექტიურად მიღებული გადაწყვეტილებაა“,- აღნიშნავს ნამჩავაძე.

 

„კომერსანტი“ ამ საკითხზე პარლამენტარების აზრითაც დაინტერესდა.

 

როგორც საფინანსო საბიუჯეტო კომიტეტის თავმჯდომარემ თამაზ მეჭიაურმა განაცხადა, ის მოსამართლის როლს ვერ მოირგებს და ვერ გადაწყვეტს, ვისი პასუხისმგებლობაა არამიზანიმართულად დახარჯული თანხები.

 

მისი შეფასებით, თუ არსებობს ისეთი სტრუქტურები, რომელთა საქმიანობაც არაეფექტურია და მათში დახარჯული ფული არ იძლევა ისეთ ეფექტს, რომელიც  ამ დანახარჯებს ამართლებს, უნდა გაუქმდეს.  


„თუ არსებობს არამხოლოდ ეჭვი, არამედ მტკიცებულება, რომ ამას ვინმე მიზანმიმართულად აკეთებს, კონკრეტული პირების პასუხისმგებლობა უნდა დადგეს.  ზოგადად უნდა მოხდეს ყველა სტრუქტურის ისე ფუნქციონირება, რომ მაქსიმალურად მოუტანოს ქვეყანას ეფექტი.  ყველა ის თანხა, რომელიც იყო ბიუჯეტიდან დახარჯული, ჩვენი გადასახადის გადამხდელების თანხები, უნდა იყოს გამოყენებული ისე, რომ მოგვცეს მაქსიმალური ეფექტი. თუმცა, კონკრეტულად  რომელიმე სტრუქტურაზე კომენტარის გაკეთება გამიჭირდება“,- აცხადებს მეჭიაური.


დეპუტატი ნოდარ ებანოიძე კი „კომერსანტთან“ ამბობს, რომ მსგავსი სტრუქტურების შექმნის წინააღმდეგია. მისი თქმით, ყველა მსგავსი უწყება, რომელიც რაიმეს მხარდასაჭერად იქმნება, არაეფექტურია. პარლამენტის წევრი ამბობს, რომ ზოგადად, ბიუროკრატიული ხარჯები ძალიან დიდია, თუმცა, რომელი უწყებების ხარჯზე უნდა მოხდეს თანხების ოპტიმიზაცია, ამაზე არ უფიქრია.


ჩვენ არ გვაქვს კანონმდებლობაში ეფექტიანობის და ეკონომიურობის ვალდებულებები, ამიტომ ნებისმიერი ხარჯი, რომელიც ხელაწეულია საკრებულოს თუ პარლამენტის მიერ არ არის უკანონო. რომელიმე მუნიციპალიტეტმა რომ დახარჯოს ფული იმაში, რომ უფასო რძე ასვას მოსახლეობას, ეს არ არის უკანონო, უბრალოდ არის უგუნური“,- ამბობს ებანოიძე. 

 




მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 

მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 
access_time2021-04-14 10:00:02
მედიკამენტების ფასები საქართველოს მოსახლობის ყველაზე დიდი, მოუგვარებელი პრობლემაა, პრობლემა რომლის შესახებაც იცის ყველამ. საკითხზე წლებია საუბრობს როგორც მმართველი გუნდი, ისე ოპოზიციური პარტიებიც და თვითონ ფარმაცევტული კომპანიებიც, თუმცა ფაქტი ერთია, საუბართან ერთად ფასები მხოლოდ და მხოლოდ იზრდება. 2011 წლიდან საქსტატის მონაცემებით სისხლძარღვთა გამაფართოებელი მედიკამენტების ფასი 105 პროცენტით, ტკივილგამაყუჩებელი მედიკამენტები 60 პროცენტით, ხოლო ანტიბიოტიკები 78 პროცენტით გაიზარდა. როგორც...

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა
access_time2021-04-13 18:30:53
„სავალუტო ფონდის პროგნოზით საქართველოს მიმდინარე ანგარიშის დეფიციტი 2021 წლიდან გაუმჯობესდება, 2022 წელს 7.98%_მდე დაიწევს, 2024 წლიდან კი 6%_ს ჩამოცდება და 2026 წლისთვის 5.56%_მდე შემცირდება. ერთ სულ მოსახლეზე მშპ აშშ დოლარში 2021-2026 წლებში 60%_ით გაიზრდება და ერთ სულზე 6782 აშშ დოლარი გახდება“ - ამის შესახებ საქართველოს ფინანსთა მინისტრის მოადგილე მიხეილ დუნდუამ „კომერსანტთან“ განაცხადა. მიხეილ დუნდუას განცხადებით, საერთაშორისო სავალუტო ფონდის...

13 აპრილი - რეგიონში მხოლოდ ქართული ლარი გაუფასურდა

13 აპრილი - რეგიონში მხოლოდ ქართული ლარი გაუფასურდა
access_time2021-04-13 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 13 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 15 პუნქტით გაუფასურდა. შედარებისთვის, დაახლოებით 68 პუნქტით არის გაუფასურებული თურქული ლირა, სომხური დრამი 16 პუნქტით გაუფასურდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 13 აპრილის ვაჭრობის შედეგად (რომლის ოფიციალური კურსი 14 აპრილისთვისაა) ეროვნული...

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს
access_time2021-04-13 16:10:00
საქართველოს ფინანსთა სამინისტრომ, შერჩეულ საერთაშორისო და ადგილობრივ საინვესტიციო ბანკებთან (JP Morgan, Goldman Sachs, ICBC Standard, TBC Capital და Galt & Taggart), იურიდიულ მრჩევლებთან (Backer & McKenzie და BLC) და საერთაშორისო ფისკალურ აგენტთან (Citi) ერთად, დაასრულა ევრობონდების ლონდონის საფონდო ბირჟაზე განთავსებისთვის მოსამზადებელი ეტაპი. ინფორმაციას სამინისტრო ავრცელებს. „ტრანზაქცია დღეს ოფიციალურად გამოცხადდა Bloomberg-ის სავაჭრო პლატფორმაზე. 13 და 14...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-13 21:00:13
დღის Top 10 საინტერესო ამბავი: 1.„ნამახვანჰესის მოქმედი ხელშეკრულებით აშენება მიუღებელია“ - სოციალური სამართლიანობის ცენტრი მშენებარე ნამახვანჰესის გარშემო პროტესტი გრძელდება. აქტივისტები პროექტის სრულ გაუქმებას ითხოვენ. მოწინააღმდეგეთა ერთი ნაწილისთვის თავად ჰესი...


მსგავსი სიახლეები

up