ხელისუფლება ქვეყანაში ეკოლოგიური მდგომარეობის კატასტროფულ შედეგებს არ აღიარებს

ხელისუფლება ქვეყანაში ეკოლოგიური მდგომარეობის კატასტროფულ შედეგებს არ აღიარებს

person access_time2016-06-28 14:20:40

გარემოს დაცვის სპეციალისტები არაერთგვაროვნად აფასებენ კვლევის შედეგებს, რომლის მიხედვითაც ჰაერის დაბინძურების მიზეზით გარდაცვლილთა რიცხვით საქართველო მსოფლიო ქვეყნებს შორის ლიდერობს. სპეციალისტების ნაწილისთვის ეს შედეგები მოულოდნელი არ ყოფილა, ნაწილი კი საერთაშორისო ენერგეტიკული სააგენტოს“ მიერ ჩატარებული კვლევის მეთოდოლოგიას ეჭვქვეშ აყენებს.


კვლევის მიხედვით, საქართველოში ჰაერის დაბინძურების გამო უფრო მეტი ადამიანი იღუპება, ვიდრე ბულგარეთში, ჩინეთსა და ინდოეთში.


როგორც „კომერსანტს“საქართველოს მწვანეთა მოძრაობადედამიწის მეგობრებისწარმომადგენლმა ნინო ჩხობაძემ განუცახადა, კვლევის შედეგები მისთვის გასაკვირი არ არის.


მისი შეფასებით, საქართველოში საწვავის მოხმარებიდან, ხარისხიდან და ტრანსპორტის რაოდენობიდან გამომდინარე დაბინძურება ძალიან მაღალია.


„გიკვირთ ეს შედეგები? კვლევაში ეს გამოთვლები ხდება საწვავის რაოდენობის მოხმარებიდან, ავტოპარკისა და გზების მდგომარეობიდან, ასევე მწვანე საფარის სტატისკიდან გამომდინარე. მწვანე საფარის სტატისტიკა ზუსტად არ გვაქვს, მაგრამ რაოდენობრივად რამდენ საწვავს მოიხმარს საქართველო და მანქანების რაოდენობიდან გამომდინარე, ჰაერის დაბინძურება საკმაოდ მაღალია“,- ამბობს ჩხობაძე.


მისი თქმით, თუ სახელმწიფომ ქმედითი ნაბიჯები არ გადადგა და არ აამოქმედა ტექდათვალიერება, ასევე საწვავის კონტროლი არ განახორციელა, სიტუაცია არ შეიცვლება.


არასამთავრობო ორგანიზაცია CENN-ის წარმომადგენელი რეზო გეთიაშვილი კი ამბობს, რომ ცოტა უცნაურია, რომ ჰაერის დაბინძურების გამო გარდაცვლილთა რაოდენობით ვუსწრებთ ისეთ ქვეყანას, როგორიც ჩინეთია.

 

„არ ვიცი, ზუსტად რა კრიტერიუმები იდგა ამ კვლევის უკან, სრული სურათი რომ მივიღოთ, სერიოზული მონიტორინგია საჭირო, რაც საქართველოში არ კეთდება.


აქ გამოყენებული იქნებოდა სტატისტიკა, რომელიც ასახავს დაავადების ლოკალიზაციას და ამ დაავადებების შედეგად გარდაცვლილთა რაოდენობას. ეს მონაცემები კი ეყრდნობა ეროვნულ მონაცემებს. შემდგომში, ალბათ, ორი კუთხით არის დანახული ეს მაჩვენებლები: ერთი, რომ ეს დაავადებები ჰაერის დაბინძურებით არის გამოწვეული და მეორე, რომ თუ კონკრეტულ ადგილზე თავს იყრის დაავადებათა ერთი და იგივე სახეობა, შეგვიძლია ვთქვათ, რომ ჰაერის დაბინძურება მაღალია და ის იწვევს ამ დაავადებებს“,- აცხადებს რეზო გეთიაშვილი, თუმცა აღნიშნავს, რომ ეს მხოლოდ მეცნიერული დაშვებაა და ზუსტად იმის თქმა, რომ კონკრეტული დაავადებები გარემოს დაბიძნურების შედეგად არის გამოწვეული, შეუძლებელია.



ამ საკითხზე განმარტება გარემოსა და ბუნებრივი რესურსების დაცვის მინისტრის მოადგილემ ეკატერინე გრიგალავამაც გააკეთა. მისი განცხადებით, საქართველოში ჰაერის ხარისხის შემოწმების შემდეგადისეთი საგანგაშო არაფერი აღმოუჩენიათ, როგორც სტატიაშია ნათქვამი”. ეკატერინე გრიგალავას განცხადებით, სტატია, რომელიც ჰაერის დაბინძურებას ეხება, 2012 წლის კვლევებს ეფუძნება, ”შესაბამისად, დასაზუტებელია”.


მინისტრის მოადგილის განცხადებით, დღის ბოლოს უფრო დაზუსტებული ინფორმაცია ეცოდინებათ და გააცნობენ ფართო საზოგადოებას.


სტატიაში არის მომენტები, რაზეც კომენტარის გაკეთება ახლავე შეგვიძლია. მაგალითად, ის, რომ არ ხდება ჰაერის დაბინძურების გაზომვები, რაც სიმართლეს არ შეესაბამება. ჰაერის ხარისხის შემოწმება 3 მეთოდით ხდება, მათ შორის, ინდიკატორული გაზომვებით, რომელიც შარშან დაიწყო საქართველოს 10 ქალაქში, წელს მას კიდევ რამდენიმე ქალაქი დაემატა. 2016 წელს ჰაერის ხარისხის გაზომვის 3 ეტაპი დასრულებულია და მიმდინარეობს მე-4 ეტაპი. ეს გაზომვები ხდება როგორც ავტომატური სადგურების, ასევე ჯიხურების საშუალებით, რომელიც ქვეყნის რამდენიმე მთავარ ქალაქშია განთავსებული”, - განაცხადა გრიგალავამ.


მისივე თქმით, ჰაერის ხარისხის შემოწმება ხდება ევროკავშირის სტანდარტებთან ჰარმონიზებული ინდიკატორების გამოყენებით. მინისტრის მოადგილის განცხადებით, მონიტორინგის შედეგები ყველას მიეწოდა და მასში დეტალურადაა ნათქვამი, თუ სად როგორი ჰაერი გვაქვს როგორც თბილისში, ასევე საქართველოს სხვა ქალაქებში. მისივე თქმით, შემოწმების შედეგად აღნიშნა მტვრის, აზოტის დიოქსიდისა და ნახშირჟანგის ერთჯერადი მაქსიმალური კონცენტრაციების ნორმაზე გადაჭარბების ცალკეული შემთხვევები.


თუმცა არაფერი ისეთი საგანგაშო, როგორც დღევანდელ სტატიაშია, ჩვენ არ აღმოგვიჩენია”, - განაცხადა მინისტრის მოადგილემ.


რამდენიმე თვის წინ ჰაერის დაბინძურების კვლევა საქართველოს გარემოს ეროვნულმა სააგენტომ გამოაქვეყნა, რომელმაც რიგ შემთხვევებში საგანგაშო შედეგები აჩვენა.


კვლევის მიხედვით, თბილისის მრავალ უბანში ჰაერში აზოტის დიოქსიდის შემცველობა კრიტიკულ ზღვარს აღწევს. აღმოჩნდა, რომ ჯანმრთელობისთვის საშიში ნივთიერების მაღალი კონცენტრაცია ფიქსირდება თბილისის იმ უბნებში, რომლებიც დასასვენებელ ადგილებად მიიჩნევა და უამრავი მცირეწლოვანი ბავშვი იყრის თავს. 

 

კერძოდ, აზოტის დიოქსიდის რაოდენობა კრიტიკულ ზღვარს მიახლოებულია რუსთაველის გამზირზე, პირველ სკოლასთან, ვაკის პარკის და მზიურის ცენტრალურ შესასვლელებთან,  ასევე ბახტრიონისა და გამსახურდიას ქუჩების კვეთაზე, სადაც სკვერია განთავსებული და მოსახლეობა დასასვენებლად იყენებს.

 

მედიკოსების განმარტებით, ჰაერში აზოტის დიოქსიდის არათუ ასეთი მაღალი, საშუალო შემცველობაც კი ჯანმრთელობისთვის შესაძლოა ძალიან საშიში აღმოჩნდეს და ამას  მსოფლიო ჯანდაცვის ორგანიზაციაც ამტკიცებს.

 

დადასტურებული ფაქტია, რომ ასეთი კრიტიკული ნიშნულის მთავარი გამომწვევი მიზეზი ტექნიკურად გაუმართავი ავტომობილებია.

 

იმ ფონზე, როდესაც თბილისის ჰაერის დაბინძურების კუთხით საგანგაშო მდგომარეობაა, ხელისუფლებამ გაურკვეველი დროით გადადო პროექტები, რომელთა განხორციელება პირველი ნაბიჯი იქნებოდა ვითარების გამოსწორებისკენ.

მაგალითად, ცნობილი გახდა, რომ მარჯვენასაჭიანი ავტომობილების რეგისტრაციის აკრძალვა, რამაც მანქანების რაოდენობის შეზღუდვა უნდა გამოიწვიოს, მიმდინარე წლის 1 მარტის ნაცვლად მომავალი წლიდან უნდა ამოქმედდეს.

 

ასევე, ცნობილი გახდა, რომ გაზზე მომუშავე სატრანსპორტო საშუალებების სავალდებულო ინსპექტირება, რომელიც მიმდინარე წლის 1 აპრილიდან უნდა ამოქმედებულიყო, წელს არ შევა ძალაში.

 

ბოლო მონაცემებით, მომავალი წლის ბოლოსთვის გადაიდო ავტომობილების სავალდებულო ტექდათვალიერების ამოქმედებაც.

 

გარემოს დაცვის მინისტრის მოადგილის კომენტარი ადასტურებს, რომ ხელისუფლება რეალობას არ აღიარებს და ვითარების გამოსწორების ნაცვლად, სიტუაციის შელამაზებას ცდილობს.

 




ლარი მყარდება -Bloomberg-ზე 1 დოლარი 2.8800 ლარად ივაჭრება

ლარი მყარდება -Bloomberg-ზე  1 დოლარი 2.8800 ლარად ივაჭრება
access_time2019-12-10 14:10:15
დღეს Bloomberg-ის სავაჭრო პლატფორმაზე, 14:00 საათისთვის ლარი 2,8800 ლარად ივაჭრება. საქართველოს ეროვნული ბანკის მიერ 9  დეკემბრის  დადგენილი კურსით, დღეს ერთი აშშ დოლარის ოფიციალური ღირებულება 2.9446 ლარია. რაც შეეხება ევროს, მისი კურსი 3.2606 ლარია. ეროვნული ბანკი ახალ კურსს დღეს 17:00 საათზე გამოაქვეყნებს. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 2.9300 ლარადაა შესაძლებელი, ხოლო მისი გაყიდვა - 2,8600...

m2-მა საახალწლო საჩუქრების თვე გამოაცხადა

m2-მა საახალწლო საჩუქრების თვე გამოაცხადა
access_time2019-12-10 11:30:00
10 დეკემბრიდან, დეველოპერული კომპანია „m2 დეველოპმენტი“, ახალ აქციას იწყებს და საახალწლო საჩუქრების თვეს აცხადებს. აქცია მშენებარე უბან m3 საბურთალოს ეხება, ბინის ყველა მყიდველი კი დაწესებული სამი საჩუქრიდან ერთ-ერთს მიიღებს. აქციის მონაწილე მომავალი მობინადრეები შეძლებენ აირჩიონ: • ორკაციანი საგზური კუნძულ ბალიზე. (საგზური მთლიანადაა დაფინანსებული და მოიცავს სრულ პაკეტს)• საოჯახო ტექნიკა. (კომპლექტში შედის საუკეთესო ბრენდების ყველა აუცილებელი...

მინისტრებისა და მათი მოადგილეების ბიზნესინტერესები – 2019 წლის მდგომარეობა და აღმოჩენილი დარღვევები

მინისტრებისა და მათი მოადგილეების ბიზნესინტერესები – 2019 წლის მდგომარეობა და აღმოჩენილი დარღვევები
access_time2019-12-10 13:30:53
2019 წლის დეკემბრის მდგომარეობით საქართველოს მთავრობას 11 მინისტრი და 53 მინისტრის მოადგილე ჰყავს. „საერთაშორისო გამჭვირვალობა - საქართველომ“ საჯარო მონაცემთა ბაზების გამოყენებით შეისწავლა ამ თანამდებობის პირთა სამეწარმეო საქმიანობა, ასევე, მათ მიერ საკუთარი ბიზნესინტერესების სავალდებულო გამჟღავნების პრაქტიკა და გარკვეული...

ყველაზე წარმატებული ქართული ბრენდი ტურიზმის ინდუსტრიაში - ნომინაცია #მევქმნი

ყველაზე წარმატებული ქართული ბრენდი ტურიზმის ინდუსტრიაში - ნომინაცია #მევქმნი
access_time2019-12-10 12:05:01
ტურიზმის ინდუსტრიაში ერთ-ერთ მნიშვნელოვან დაჯილდოვების ცერემონიაზე Welcome To Georgia 2019 სასტუმრო „ჯორჯია პალასი“  როგორც ყველაზე წარმატებული ქართული ბრენდი დასახელდა.   სასტუმრო 2008 წლიდან ფუნქციონირებს და ამ ნომინაციის ღირსეული გამარჯვებულია. ისტორიული თვალსაზრისით, სასტუმრო „ჯორჯია პალასი“ განლაგებულია იმ ადგილზე, სადაც ფუნქციონირებდა მე-20 საუკუნეში სახელგანთქმული სანატორიუმი „საქართველო“, რომელიც გავლენიან მაღალჩინოსნებში დიდი პოპულარობით...

ირაკლი ქარსელაძე - 2020 წელს ხაშურისა და ქუთაისის შემოვლითი გზების მშენებლობა დასრულდება

ირაკლი ქარსელაძე - 2020 წელს ხაშურისა და ქუთაისის შემოვლითი გზების მშენებლობა დასრულდება
access_time2019-12-10 12:10:27
დღეს, სასტუმრო „რედისონ ბლუ ივერიაში“ მეგზევის პროფესიული დღის აღნიშვნის ღონისძიება იმართება. ინფორმაციას საავტომობილო გზების დეპარტამენტი ავრცელებს. ღონისძიების ფარგლებში, საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ, საავტომობილო გზების დეპარტამენტის თავმჯდომარემ ირაკლი ქარსელაძემ, 2019 წელს განხორციელებული სამუშაოებისა და 2020 წლის გეგმების შესახებ პრეზენტაცია წარადგინა. მიმდინარე წელს აქტიურად მიმდინარეობს...


მსგავსი სიახლეები

up