„ხელისუფლება,მოსახლეობა და ბიზნესი ფულს კარგავს, ბანკები მდიდრდებიან“ - ოქრიაშვილი გილაურის ანტიკრიზისულ გეგმაზე

„ხელისუფლება,მოსახლეობა და ბიზნესი ფულს კარგავს, ბანკები მდიდრდებიან“ - ოქრიაშვილი გილაურის ანტიკრიზისულ გეგმაზე

access_time2020-03-26 15:00:11

„ნიკა გილაურის ანტიკრიზისულ გეგმა, რომელიც საქართველოს მთავრობას შესთავაზა ეკონომიკური შოკის შესამსუბუქებლად საერთო ჯამში არ ვარგა, რადგან მხოლოდ საბანკო სექტორის ინტერესებს ითვალისწინებს, მგონია რომ ერთ-ერთ ბანკში დაიწერა. დოკუმენტში პირდაპირ წერია, რომ საბანკო სექტორს არაფერი უნდა შეეხოს, მაგრამ ეკონომიკის რეალურ სექტორს თუ შეეხება, არაუშავს იმას დაეხმარებიან. რატომ არ უნდა შეეხოს საბანკო სექტორს? ყველაფერი უნდა ჩამოიშალოს და საბანკო სექტორს არც კი უნდა შეეხოს?“ , - ასე აფასებს ექს-პრემიერ მინისტრის მიერ მომზადებულ დოკუმენტს საპარლამენტო უმრავლესობის წევრი კახა ოქრიაშვილი.


„პსპ“-ს დამფუძნებელი აცხადებს, რომ „Reformatics“-ის მიერ მომზადებული ანტიკრიზისულ გეგმაში ცალკეული პუნქტები მოსწონს მაგალითად, კერძო-საჯარო პარტნიორობის პროექტები (PPP), საგადასახადო წნეხის დროებით შემსუბუქება და ა.შ. თუმცა მთლიანობაში დოკუმენტი მისთვის მიუღებელია:

 

„გილაურის მიერ მომზადებულ ანტიკრიზისულ გეგმაში ვკითხულობთ - „მცირე და საშუალო ბიზნესის მხარდასაჭერად ეროვნული ბანკი სთავაზობს 75-80%-იან გარანტიას ყველა ახალ სესხს ლარში, რომელსაც მცირე და საშუალო ბიზნესი აიღებს შემდეგი 6 თვის მანძილზე“, ამას მოსდევს მეორე პუნქტი - „ასეთი ტიპის გარანტია უნდა მოქმედებდეს მიზანმიმართულად, მხოლოდ ეკონომიკური აქტივობისთვის და არა სავალუტო ოპერაციებისთვის და ეს ბანკებმა უნდა გააკონტროლონ“, - რანაირად უნდა გააკონტროლონ ბანკებმა ეკონომიკის რეალური სექტორი?



ზუსტად ნიკა გილაური იყო მაშინ პრემიერი, როდესაც ბანკებმა არაფინანსურ სექტორში დროებით ოპერირების უფლება მიიღეს, რა დროსაც წარმოიშვა ინტერესთა კონფლიქტი და ბანკებმა დაიწყეს თავისი კლიენტების ჩაყლაპვა, საქართველოს ეკონომიკა კი გააჩერეს. სწორედ ამიტომაა 5 %- იანი ეკონომიკური ზრდა რომ გვაქვს, ბოლო წლების განმავლობაში კი 8%-იან ზრდაზე ნაკლები არ უნდა გვქონოდა.პროცესები მომავალშიც გაგრძელდა და ეროვნულმა ბანკმა ყველაფერი „გააპრავა“.


სხვა პუნქტები მომწონს, მაგრამ ეს კლიშე მთლიანად მორგებულია ბანკებზე. საშემოსავლო გადასახადს თუ შევამცირებთ 50 %-ით კი ბატონო კომპანიებს მისცემს მთავრობა შეღავათებს, სამაგიეროდ, ამ ფულს ბანკი შეიწოვს , ანუ ხელისუფლება კარგავს ფულს, მოსახლეობა კარგავს ფულს, ბიზნესი კარგავს ფულს ბანკები მდიდრდებიან. სოციალურ პოლიტიკურ ნაწილში შეღავათები უნდა მივცეთ ხალხს,იმიტომ, რომ ბანკებმა უფრო მეტი ამოიღონ და მცირე ბიზნესი აკონტროლონ.ეს არის დოკუმენტის მთელი არსი. ადამიანზე კი არ ფიქრობს, ფიქრობს იმაზე, რომ ადამიანს თუ გაუჭირდა ბანკს ფულს ვერ გადაუხდის. ამიტომ მთავრობას ეუბნება ადამიანებს მიეცით შეღავათები, რომ ბანკმა ამ ადამიანისგან უფრო მეტი ფული ამოიღოს, თუნდაც სამით თვის შემდეგ“,- განაცხადა კახა ოქრიაშვილმა.



ბაჩო ადამია




შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“

შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“
access_time2021-04-19 22:30:00
შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი რამდენიმე წუთის წინ, ორბელიანის სასახლეში მოეწერა. კერძოდ, შეთანხმების ტექსტს ოპოზიციური სპექტრიდან ხელი მოაწერეს „სტრატეგია აღმაშენებლის“ თავმჯდომარე გიორგი ვაშაძემ, „ლელოს“ ლიდერებმა - ბადრი ჯაფარიძემ და მამუკა ხაზარაძემ, „რესპუბლიკური პარტიის“ თავმჯდომარე ხათუნა სამნიძემ, „მოქალაქეების“ თავმჯდომარე ალეკო ელისაშვილმა და „გირჩის“...

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ
access_time2021-04-19 19:00:59
სუპერლიგის შექმნა ასეთი რეალური არავის ეგონა. თუმცა გუშინ ღამით ოფიციალურად შექმნეს ახალი ტურნირი და მაშინვე დაიწყო ვარაუდები, პრეტენზიები და მუქარები. მივყვეთ მოვლენებს.   12-მა კლუბმა გადაწყვიტა, რომ უეფასა და ღარიბი გუნდებისთვის ფულის გაყოფა არ სურთ და ახალი ტურნირის შექმნა მოიფიქრეს. ინიციატორები ფლორენტინო პერესი და ანდრეა ანიელი იყვნენ. რეალის ბოსი პრეზიდენტი იქნება, იუვეს ხელმძღვანელი და მანჩესტერის მფლობელი ჯოელ გლეიზერი - ვიცე-პრეზიდენტები.   ლა...

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!
access_time2021-04-19 20:00:01
გასულ წელს ჩინეთმა  საკუთარი ციფრული ვალუტის გატესტვა დაიწყო, რომლის გამოყენებისთვისაც საჭირო არ იქნება ბანკში ანგარიშის ქონა და არც ინტერნეტი. ხელისუფლება აცხადებს, რომ ეს გადახდის სისტემას უფრო ხელისაწვდომს გახდის, ხოლო ეკონომიკას დოლარისგან დამოუკიდებელს. ექსპერტები კი ეჭვობენ, რომ ამ გზით მთავრობა მოსახლეობის კონტროლის კიდევ ერთ მექანიზმს ქმნის. რისთვის სჭირდება ჩინეთს ციფრული ვალუტა,  რომელიც გამოსაცდელად უკვე რამდენიმე მილიონობით გადაეცა...

დღის top 10 საინტერესო ამბავი

დღის top 10 საინტერესო ამბავი
access_time2021-04-19 21:00:13
დღის top 10 საინტერესო ამბავი: რეფინანსირების ისტრუმენტი , რომელსაც ეროვნული ბანკი იყენებს ლარის კურსზე დამატებითი წნეხია ლარის კურსზე გავლენას ეროვნული ბანკის ქმედებები, ბიუჯეტის ხარჯვის გრაფიკი და მოლოდინებიც ახდენს, მთგან...

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2021-04-19 18:00:59
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 19 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 19 აპრილის ვაჭრობის შედეგად (რომლის ოფიციალური კურსი 20 აპრილისთვისაა) ეროვნული...


მსგავსი სიახლეები

up