„ხარისხის კუთხით არანაირი განსხვავება არ არის ქართულ და ბევრ უცხოურ კომპანიას შორის“

„ხარისხის კუთხით არანაირი განსხვავება არ არის ქართულ და ბევრ უცხოურ კომპანიას შორის“

access_time2020-01-30 11:30:21

„ზოგადად, ქართული კომპანიების პროექტებში მონაწილეობის პრობლემა წლებია ნომერ პირველია იმიტომ, რომ რეალურად არ ხორციელდება შესაბამისი ღონისძიება, რათა  ავამაღლოთ მათი მონაწილეობა.“  - ინფრასტრუქტურის მშენებლთა ასოციაციის აღმასრულებელმა დირექტორმა ანა საბახტარიშვილმა ინფრასტრუქტურის მინისტრის მაია ცქიტიშვილის განცხადებას აფასებს.


მინისტრის განცხადებით, ფონდი ცდილობს, რომ მუნიციპალურ პროექტებში მონაწილეობა მეტმა ქართულმა კომპანიამ მიიღოს:


„ვცდილობთ გავზარდოთ პროექტებში ქართული კომპანიების წილი. მშენებლობასთან დაკავშირებული პრობლემები აქვს ქართულ და უცხოური კომპანიებსაც. თუმცა ხორციელდება მკაცრი მონიტორინგი. ხარისხი არის მთავარი, რაზეც აქცენტს ვამახვილებთ,“- განაცხადა მინისტრმა.


ანა საბახტარიშვილი მიიჩნევს, რომ ქართული კომპანიების ნაკლები გამოცდილება არ ნიშნავს, რომ მათ ნაკლები სიზუზტითა და ხარისხით შეუძლიათ სამუშაოების შესრულება. პირიქით, ხშირ შემთხვევაში უცხოურ კომპანიებზე მეტ პასუხისმგებლობას იღებენ და მეტ გარანტიასაც იძლევიან.



„კარგია, რომ ამ თემაზე კომუნიკაცია მინისტრთან შედგა. მანამდე იყო აქცენტი, რომ არ აქვთ ჩვენს კომპანიებს გამოცდილება. დღეს იმის იმედი გაჩნდა, რომ სამინისტროს აქვს გარკვეული ხედვები, თუ როგორ უნდა მოვახდინოთ მონაწილეობის ამაღლება. რაც შეეხება ხარისხს, მინისტრმაც აღნიშნა, რომ ხარისხის კუთხით არანაირი განსხვავება არ არის ქართულ და ბევრ უცხოურ კომპანიას შორის. ქართული კომპანია საქართველოში რჩება, მეტ პასუხისმგებლობას იღებს  და მეტ გარანტიას იძლევა. ძირითადი პრობლემა იყო და რჩება გამოცდილება.  ქვეყანას, რომელმაც ახლახანს დაიწყო მსხვილი პროექტების შესრულება, ვერ ექნება შესაბამისი გამოცდილების დოკუმენტაცია დაგროვილი. თუ ქართულ კომპანიას ექნება საშუალება, რომ ეს პრობლემა გადაიჭრას, ძალიან კარგი იქნება. - ამბობს ანა საბახტარიშვილი.


კომპანია “კავკასუს როუდ პროჯექტის” ხელმძღვანელმა პაატა ტრაპაიძემ „კომერსანტთან“ აღნიშნა, რომ ქართული და არამარტო ქართული კომპანიების ტენდერებში მონაწილეობა პროდუქტის გამძლეობის გარანტიით უნდა იყოს უზრუნველყოფილი, რადგან ინფრასტრუქტურულ პროექტების ხარისხს განსაზღვრავს დრო.


„მუნიციპალური განვითარების ფონდის პროექტებში ბევრი ქართული კომპანია მონაწილეობს. დიდ პროექტებზე როცაა საუბარი, რომელთა ღირებულება 50 მილიონს სცილდება, ამას ანდობენ უცხოურ კომპანიებს. ინფრასტრუქტურულ პროექტებს განსაზღვრავს დრო. ქართულ კომპანიებს საკმარისად აქვს ჩართულობის საშუალება, მაგრამ მიდგომა უნდა იყოს ასეთი, პროექტის ღირებულება უნდა განისაზღვროს დროის ხანგრძლივ მონაკვეთში. ტენდერებში მონაწილე უნდა იყოს პასუხისმგებელი რომ მისი პროდუქტის 10, 15 და 20 წლის განმავლობაში გაძლებს“ - ამბობს პაატა ტრაპაიძე.

 

მარიამ მორგოშია




ყველა დახმარების პაკეტი ყველა რესტორანს ვერ მოერგება - რესტორატორთა ასოციაცია

ყველა დახმარების პაკეტი ყველა რესტორანს ვერ მოერგება - რესტორატორთა ასოციაცია
access_time2021-03-05 13:00:52
ფულადი დახმარების გარეშე დარჩენილი რესტორნებისთვის ასოციაცია ეკონომიკურ გუნდთან მოლაპარაკებების გაგრძელებას გეგმავს. მსჯელობა იქნება როგორც რეგიონში არსებული ასევე მსხვილი რესტორნებისთვის გარკვეული დახმარების გამოყოფაზე. „პანდემიის დაწყებიდან დღემდე იყო დახმარების რამდენიმე პაკეტი. ეს იყო საშემოსავლო და ქონების გადასახადის გადავადება, საბანკო პროცენტების სუბსიდირების პროგრამა და ბოლო ფულადი დახმარება. რა თქმა უნდა, ყველა რესტორანი ერთდროულად ამ სამ დახმარების პაკეტს ვერ...

„ეკონომიკური თავისუფლების ინდექსით“ საქართველო მსოფლიოში მე-12 ადგილზეა

„ეკონომიკური თავისუფლების ინდექსით“ საქართველო მსოფლიოში მე-12 ადგილზეა
access_time2021-03-05 14:00:00
2021 წლის „ჰერითიჯის ფონდის“ მიერ გამოქვეყნებული ეკონომიკური თავისუფლების ინდექსის თანახმად, საქართველო, 77.2 საერთო ქულით, მსოფლიოში მე-12, ხოლო ევროპის რეგიონის 45 სახელმწიფოს შორის მე-7 ყველაზე თავისუფალ ეკონომიკად არის დასახელებული. ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს. „ქვეყანა მოთავსებულია ინდექსის უმეტესწილად თავისუფალი ეკონომიკების ჯგუფში. 2020 წლის ინდექსთან შედარებით, მიმდინარე საანგარიშო წელს საქართველომ...

საკრედიტო პორტფელში უმოქმედო სესხები გაორმაგებულია - ლიდერი „ქართუ ბანკია“

საკრედიტო პორტფელში უმოქმედო სესხები გაორმაგებულია - ლიდერი „ქართუ ბანკია“
access_time2021-03-05 11:00:01
2020 წლის კრიზისის ფონზე, საკრედიტო პორტფელში უმოქმედო სესხების წილი წლის დასაწყისიდან 3.9 პროცენტული პუნქტით გაიზარდა და მიმდინარე მდგომარეობით 8.4%-ს შეადგენს, რაც წინა წელთან შედარებით გაორმაგებული მაჩვენებელია, - ამის შესახებ ინფორმაცია საქართველოს ეროვნული ბანკის ფინანსური სტაბილურობის კომიტეტმა სხდომის გადაწყვეტილების...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-04 21:30:17
დღის Top 10 საინტერესო ამბავი:   1. გაზრდილი ფასები და შემცირებული მომხმარებელი - ბათუმის რესტორნებს მოგებაზე გასვლა აგვისტომდე შეუძლებლად მიაჩნიათ   ბათუმში რესტორნების შიდა სივრცეები 1-ლი მარტიდან გაიხსნა, კვების ობიექტებს...

ბათუმის დინამო ყველაზე ძვირად ღირებულია! ქართულ ლიგაში მოთამაშის საშუალო ფასი 138 ათასი ევროა

ბათუმის დინამო ყველაზე ძვირად ღირებულია! ქართულ ლიგაში მოთამაშის საშუალო ფასი 138 ათასი ევროა
access_time2021-03-04 21:00:45
„ტრანსფერმარკტმა“ ეროვნული ლიგის გუნდების ჯამური ფასები განაახლა და ცნობილი გახდა, რომ გერმანული ინტერნეტ-პორტალის შეფასებით, მთავარი ქართული ლიგის ყველაზე ძვირადღირებული კლუბი ბათუმის „დინამოა“. საქართველოს ვიცე-ჩემპიონის მოთამაშეების ჯამური ფასი 5,1 მილიონი ევროა. ყველაზე ნაკლები ჯამური ღირებულება კი „სამტრედიას“ აქვს. ბათუმის დინამო ასევე ლიდერობს მოთამაშეთა...


მსგავსი სიახლეები

up