შვეიცარიიის სიდიდით მეორე ბანკი Credit Suisse ხარჯების შემცირების მიზნით მთელი მსოფლიოს მასშტაბით თავის 5000 თანამშრომლის ანუ მთლიანი რაოდენობის 10%-ის დათხოვნას გეგმას, – წერს შვეიცარიული პორტალი swissinfo.ch.
პორტალის თქმით, სამუშაო ადგილების პოტენციური შემცირების მასშტაბი განპირობებულია სკანდალების მთელი რიგით და მზარდი იურიდიული ხარჯებით.
27 ივნისს, შვეიცარიის ფედერალურმა სასამართლომ Credit Suisse დამნაშავედ სცნო ბულგარული კოკაინით მოვაჭრე ბანდის ფულის გათეთრების საქმეში და იგი 2 მლნ შვეცარიული ფრანკით (1 $ = 0,9594 შვეიცარიულ ფრანკს) დააჯარიმა. ბანკი განაჩენს ასაჩივრებს.
სააგენტო „როიტერის” ინფორმაციით, Credit Suisse-მა აპრილიდან ივნისამდე პერიოდში ბანკმა, გაზრდილი იურიდიული ხარჯების გამო, 1,59 მილიარდი შვეიცარიული ფრანკის ზარალი დაფიქსირა და აქედან მისი საინვესტიციო ბანკის ზარალი 1,12 მილიარდი შვეიცარიული ფრანკი იყო. 2022 წელი „გარდამავალ წლად” გამოაცხადა და აღნიშნა, რომ განახორციელებს საინვესტიციო-საკონსულტაციო ბანკში რისკების შემცირებისა და მენჯმენტის გაძლიერებისაკენ მიმართულ რესტრუქტურიზაციას. ბანკმა უარყო ხმები მისი გაყიდვის ან დანაწევრების შესახებ.
Credit Suisse-მა ადრე უკვე განაცხადა, რომ საშუალოვადიან პერსპექტივაში ხარჯების 16,8 მილიარდი შვეიცარიული ფრანკიდან 15,5 მილიარდ შვეიცარიულ ფრანკამდე შემცირებას გეგმავს.
„როიტერი” აღნიშნავს, რომ Credit Suisse-ის აღმასრულებელ დირექტორი დაახლოებით ერთი თვის წინ შეიცვალა და ულრიხ კიორნერის დანიშვნას სკანდალებთან ერთად ბანკის აქციების 40%-იანი შემცირებაც უძღოდა წინ.
აღსანიშნავია, რომ Credit Suisse-მა უფრო მეტი რაოდენობით თანამშრომელი 2008 წლის მსოფლიო ფინანსური კრიზისის დროს დაითხოვა. 2008 წლის დეკემბერში, წინა ორი თვის განმავლობში 2,5 მილიარდი შვეიცარიული ფრანკის ზარალის მიღების შემდეგ, Credit Suisse-მა განაცხადა, რომ დაითხოვდა 5300 კაცს ანუ თანამშრომელთა 11%-ს. იმ დროისთვის ბანკს უკვე ჰყავდა დათხოვნილი 1800 თანამშრომელი.
შეგახსენებთ, რომ ბერმუდის უზენაესმა სასამართლომ თაღლითობისა და ანგარიშების არასწორად მართვის თავიდან ასაცილებლად შესაბამისი ზომების მიუღებლობის გამო და დაავალდებულა იგი მიყენებული ზარალის სანაცვლოდ 42 დღის განმავლობაში გადაიხადოს ბიძინა ივანიშვილის სასარგებლოდ 607,35 მილიონი დოლარი
წყარო: https://ipress.ge