„წყალტუბოს აკვაპარკი სჭირდება“ - გახდება თუ არა ბიძინა ივანიშვილის ბიზნესპარტნიორი „Gino Paradise Tbilisi“ –ს დამფუძნებელი

„წყალტუბოს აკვაპარკი სჭირდება“ - გახდება თუ არა ბიძინა ივანიშვილის ბიზნესპარტნიორი „Gino Paradise Tbilisi“ –ს დამფუძნებელი

access_time2019-12-02 12:30:29

მას შემდეგ რაც ბიძინა ივანიშვილმა წყალტუბოს აღორძინება გადაწყვიტა, უნიკალური კურორტის მიმართ ინტერესი ამ დრომდე არ ნელდება.

 

კურორტზე ბიზნესის კეთებით სლოვაკეთში მოღვაწე ქართველი ბიზნესმენი და „Gino Paradise Tbilisi“ –ს დამფუძნებელი ნოდარ გიორგაძეც დაინტერესდა. ბიზნესმენმა კურორტი უკვე მოინახულა და ბიძინა ივანიშვილის პროექტს საინტერესო უწოდა.

 

კომერსანტთან საუბარში გიორგაძე აცხადებს, რომ შეეცდება კურორტის განვითარებაში თავის პატარა წვრილი შეიტანოს. ბიზნესმენი წყალტუბოში აკვაპარკს და მასზე მიბმულ სასტუმრო–spa wellness–ის ცენტრის მოწყობას გეგმავს.

 

„რამდენიმე დღის წინ წყალტუბოში ჩავედი და იქაურობა დავათვალიერე, სიმართლე გითხრათ სასწაული შთაბეჭდილებებით წამოვედი. წყალტუბოს ნამდვილად სჭირდება აკვაპარკი, ის რაშიც ჩვენ ძალიან კარგი სპეციალისტები ვართ. wellness და spa მიბმული წყალტუბოს შესაძლებლობებთან მე ვფიქრობ, უნიკალური პროექტი იქნება. ასე რომ, ჩვენ დიდი ალბათობით ამ პროექტში ჩავერთვებით. ამ ეტაპზე გეტყვით იმას, რომ აკვაპარკი ზამთარ-ზაფხულის სეზონზე იმუშავებს. გამომდინარე იქედან, რომ რეგიონში არაფერი მსგავსი არ არის, ძალიან საინტერესო პროექტი გამოვა. მით უმეტეს მიბმული იქნება ტურისტულ სეზონთანაც. ასევე საინტერესოა  20 კმ-იანი დაშორება ქუთაისის აეროპორტთან“, - აცხადებს ნოდარ გიორგაძე.

 

ბიზნესმენი განმარტავს, რომ ჯერჯერობით ბიძინა ივანიშვილთან წყალტუბოს აღორძინების საკითხზე  საუბარი არ ჰქონია, თუმცა, ამბობს, რომ მილიარდერს დიდი სიამოვნებით შეხვდება. კომერსანტის კითხვაზე შეიძლება თუ არა ბიძინა ივანიშვილის ბიზნეს პარტნიორი გახდეს, ნოდარ გიორგაძე გვპასუხობს:

 

„მიჭირს იმის თქმა ვიქნები თუ არა პარტნიორი. მე როგორც ვიცი, იქ არის ორი კერძო მესაკუთრე, ვისაც უკვე გაკეთებული აქვს სასტუმრო, იქ არის დიდი სასტუმროებიც, რომლებიც გაყიდულია, თუმცა არ ვიცი ვინ არიან მფლობელები. მე ვნახე ადგილები, სადაც შეიძლება აკვაპარკი გაიმართოს და მე პირადად სიამოვნებით ჩავერთვები ამ პროექტში იმიტომ,რომ ნამდვილად სჭირდება რეგიონს ისეთი პროექტი, როგორიც  გვაქვს თბილისში და სლოვაკეთში“, - განმარტავს ნოდარ გიორგაძე.

 

„Gino Paradise Tbilisi“–ს დამფუძნებელი ამბობს, რომ წყალტუბო ფანტასტიკური ადგილია და მიიჩნევს, რომ თუკი კურორტს ინვესტორების მხარდაჭერა ექნება 4-5 წელიწადში ის სამოთხედ იქცევა.  კითხვაზე– აქვს თუ არა წყალტუბოს პოტენციალი გახდეს ბადენ-ბადენის კონკურენტი, ნოდარ გიორგაძე გვპასუხობს.

 

„ბადენ-ბადენი ამ ეტაპზე ხმამაღალი ნათქვამია, მაგრამ ყოფილი საბჭოთა კავშირის დროს, როგორც მახსოვს მაშინ ბადენ-ბადენი არ იყო, არსებობდა წყალტუბო და მას ეს სიდიადე უნდა დაუბრუნდეს. კურორტი ნამდვილად იმსახურებს ამას. მე შევხვდი ადგილობრივებსაც და მინდა გითხრათ, რომ არამარტო ადგილია უნიკალური და შესანიშნავი, არამედ იქაური მოსახლეობა  არის ისეთი მოტივირებული, ისეთი კეთილგანწყობილები არიან, ისეთი პროფესიონალები, რომ  გაკვირვებული და გახარებული ვიყავი“, - განაცხადა ნოდარ გიორგაძემ.

 

ბიზნესმენი ახლა სლოვაკეთში იმყოფება, სადაც პარტნიორებთან  და კოლეგებთან შეხვედრებს მართავს, განსახილველი საკითხი წყალტუბოა. ის მომავალ პოტენციურ ინვესტორებს კურორტს აცნობს და მოუწოდებს ამ საქმეში მონაწილეობა მიიღონ . ნოდარ გიორგაძე „კომერსანტთან“ საკუთარ გეგმებზეც საუბრობს.

 

მირჩევნია აკვაპარკი სუფთა მიწაზე ავაშენო და სხვა ვალდებულებებს არ ვიყო მიბმული, რადგან გარკვეულ შენობებს  თავისებური სპეციფიკა აქვთ, რომელიც აკვაპარკის სპეციფიკაში ვერ ჯდება. თუმცა, არ გამოვრიცხავ, რომ იმ სიდიადის და სილამაზის შემყურემ რაც ვიხილე რომელიმე ობიექტი გარკვეული პირობით ავიღო. მე დღეს მასშტაბური პროექტისთვის მზად არ ვარ, ეს ჩემთვის მოულოდნელი თემა იყო, სულ სხვა გეგმები მქონდა. როდესაც მითხრეს ჩავედი და წყალტუბო დავათვალიერე  დიდი ემოციებით წამოვედი. დღეს პროექტში ჩართვა მარტივია, 5-6 წლის შემდეგ კი ძალიან რომ მოინდომო ადამიანმა შეიძლება ბიზნესის კეთების კუთხით თითიც ვეღარ შეყო. თუ ის მართლა გაკეთდება რაც მე იქ მოვისმინე, არ გამოვრიცხავ, რომ რეგიონული ბადენ-ბადენი გავხდეთ“, - განმარტავს ნოდარ გიორგაძე.

 

ნოდარ გიორგაძემ ბიზნესი სლოვაკეთში დაიწყო, მან 2014 წელს თბილისში აკვაპარკი „ჯინო ფერედაისი გახსნა.  კომპანია მცხეთაში და რაბათში სასტუმროებს ფლობს. გიორგაძე აკვაპარკის მშენებლობას ბაკურიანში გეგმავს, თბილისის ზღვაზე კი „ჯინო ფერედაისის მიმდებარედ 250 ჰექტარზე მინი-ქალაქი „ჯინო გრინ სითი შენდება.

 

შეგახსნებთ, რომ პარტია „ქართული ოცნების“ თავმჯდომარემ, ბიძინა ივანიშვილმა 29 ოქტომბერს განაცხადა, რომ სახელმწიფოსგან გამოისყიდის წყალტუბოს ყველა ობიექტს და პირადი სახსრებით ტურისტული და სამკურნალო ინფრასტრუქტურის სრულმასშტაბიან რეაბილიტაციასა და კურორტის განვითარებას  დაიწყებს. 

 

ორი კვირის წინ საქართველოს მთავრობის წევრებმა წარმოადგინეს გეგმა, თუ რას იღებს სახელმწიფო თავის თავზე კურორტ წყალტუბოს რეაბილიტაციის პროცესში. შედეგად, სახელმწიფოს მონაწილეობა ექვს პუნქტად ჩამოყალიბდა:

 

  • კურორტ წყალტუბოს გენერალური გეგმის მომზადება;

 

  • კურორტის ინფრასტრუქტურული განვითარება;

 

  • წყალტუბოს ტერიტორიაზე სხვადასხვა ყოფილ სანატორიუმსა თუ შენობაში მცხოვრები იძულებით გადაადგილებული პირებისთვის ღირსეული საცხოვრისის შეთავაზება;

 

  • კურორტის ერთიანი ადმინისტრირება და მართვა;


  • მრავალწლიანი მარკეტინგული გეგმის მომზადება და განხორციელება;

 

  • კურორტის მთავარი სიმდიდრის - სამკურნალო წყლის კერძო სექტორისთვის მიწოდების ერთიანი მოდელის ჩამოყალიბება და მართვა;

 

ბაჩო ადამია





ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
access_time2020-06-06 13:00:27
ლიბერთი აგრძელებს ზრუნვას სოციალური პასუხისმგებლობის...

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც
access_time2020-06-06 13:38:15
დაბალბიუჯეტიანი ავიაკომპანია Wizz Air ქუთაისის აეროპორტიდან ფრენებს ამცირებს. საუბარია 19 მარშრუტზე, მათ შორის შარლერუას და ეინდჰოვენის მიმართულებაზე. დაბალბიუჯეტიანი გადამზიდველის ოპერირების გეგმები აღმოსავლეთ ევროპის სხვა ბაზირების აეროპორტებთან...

თბილისელ მძღოლებს ზაფხულში სითი პარკის ჯარიმები ჩამოეწერებათ

თბილისელ მძღოლებს ზაფხულში სითი პარკის ჯარიმები ჩამოეწერებათ
access_time2020-06-06 12:00:29
თბი­ლი­სე­ლებს სითი პარ­კის გა­და­უხ­დე­ლი ჯა­რი­მე­ბი ჩა­მო­ე­წე­რე­ბათ. ინი­ცი­ა­ტი­ვა ცოტა ხნის წინ თბი­ლი­სის მერ­მა...

დონალდ ტრამპის პოსტის გამო, „ფეისბუქში“ მასალის გამოქვეყნების პოლიტიკას შეცვლიან

დონალდ ტრამპის პოსტის გამო, „ფეისბუქში“ მასალის გამოქვეყნების პოლიტიკას შეცვლიან
access_time2020-06-06 11:00:57
მარკ ცუკერბერგი „ფეისბუქზე“ მასალის გამოქვეყნების პოლიტიკის გადახედვის პირობას დებს. ამის შესახებ მსოფლიოში უმსხვილესი სოციალური ქსელის მფლობელმა ცოტა ხნის წინ „ფეისბუქის“ საკუთარ გვერდზე...

5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...


მსგავსი სიახლეები

up