წყალბადი სამყაროში ყველაზე გავრცელებულია ელემენტია და მისი წილი ატომების რაოდენობაში 92%-ს უდროს. მზის მასის 73%-ზე მეტიც წყალბადია. ადამიანის მიერ შექმნილი ყველაზე მრისხხანე იარაღიც წყალბადის სინთეზზეა დამოკიდებული და მისი დამამგრეველი ძალა ჰიროსიმაში ჩამოგდებულ ბომბზე 5000-ჯერ მეტია. წყალბადის ენერგიას მშვიდობიანი მიზნებითაც იყენებენ, მაგრამ ჯერჯერობით მხოლოდ უმნიშვნელო რაოდენობით.

წყალბადი დედამიწაზე თავისუფალი სახით თითქმის არ გვხდება, სამაგიოროდ წყლის მოლეკულის 3 ატომიდან 2 წყალბადისაა. პლანეტის ზედაპირის 71% კი წყლითაა დაფარული. წყლის საერთო მოცულობა კი 1.39 მლრდ კუბური კილომეტრია. თეორიულად კაცობრიობას წყალბადის საწვავის კოლოსალური მარაგი გააჩნია, სირთულეს მისი მოპოვება წარმოადგენს, შედეგად თუ ელექტრომობილების წილი 1%-ს უახლოვდება, წყალბადზე მომუშავე ავტომობილების წილი ჯერ ისევ 0%-ის სიახლოევესაა. 2020 წელს შეერთებულ შტატებში 296 000 ელექტრომობილი და მასზე 316-ჯერ ნაკლები - 937 წყალბადზე მომუშავე ავტომობილი გაიყიდა. 2021 წლის დასაწყისის მდგომარეობით კი საერთო ჯამში შეერთებულ შტატებში 1.7 მლნ-ზე მეტი ელექტრომობილი და 9 ათასზე ნაკლები წყალბადის საწვავზე მომუშავე ელექტრომობილი იყო გაყიდული. მსოფლიო მასშტაბით მსგავსი პროპორცია დაახლოებით 10.8 მლნ 31 ათასზეა, ანუ ყოველ 1 წყალბადმობილზე 348 ელექტრომობილი მოდის.

მიზერული რაოდენობის ავტომობილების გარდა, წყალბადის საწვავზე გემები და მატარებლებიც მუშაობენ. ასევე არსებობს წყალბადის საწვავზე მომუშავე ელექტროსადგურებიც, მაგრამ ჯამურ გენერაციასი მატი წილიც უმნიშვნელოა.

საქართველოში ენერგიის მისაღებად წყალბადი არ იწარმოება, არ არსებობს წყალბადგასამართი სადგური და შესაბამისად წყალბადზე მომუშავე ავტომობილების რაოდენობაც 0-ს უდრის. თუმცა ქვეყანა 2020 წლის სექტემბერში ევროპის რეკონსტრუქციისა და განვითარების ბანკთან ხელმოწერით მწვანე წყალბადის წარმოების პროცესს მაინც შეუერთდა.

საქართველოსთვის წყალბადის საწვავის ათვისება ორმაგად მომგებიანია, ერთი ის, რომ დიდი ოდენობით ჰიდრორესურსი გააჩნია, რაც შეიძლება ნედლეულადაც განვიხილოთ და მეორე წყალბადის საწვავი განახლებად და ეკოლოგიურ ენერგიათა კატეგორიას განეკუთვნება. მწვანე წყალბადის მისაღებად მნიშვნელოვანია, რომ წყლის დაშლისთვის სუფთა წყაროებისგან წარმოებული ელექტროენერგია იქნას გამოყენებული.

ფრანგულ მხარესთან პარტნიორობით საქართველოში მწვანე წყალბადის წარმოების პროექტი - HyGeorgia დავით ოთარაშვილს აქვს შემუშავებული, რომელიც დარგში 2030 წლამდე რეკორდულ - €11 მლრდ-ის ინვესტირებას გეგმავს.

როგორც დავით ოთარაშვილმა გასული წლის დეკემბერში ილიაუნის ZOOM-ის საჯარო ლექციაში განმარტა, ევროკავშირის მიზანია, რომ 2050 წლისთვის კარბონნეიტრალური გახდეს, რის მიღწევაშიც გაერთიანებას წყალბადი მნიშვნელოვნად დაეხმარება. მისივე განმარტებით წყალბადი საქართველოს ენერგოექსპორტის საშუალებას მისცემს.

დავით ოთარაშვილის თქმით, დღეს წყალბადის საწვავი ფასის მხრივ ქარსა და ბუნებრივ გაზს კონკურენციას ვერ უწევს, მაგრამ გლობალური ტენდენცია უკეთესობისკენ იცვლება.

მზე ღამე არ ანათებს, მუდმივქარიანი რეგიონებიც ცოტაა, წყალი კი გაცილებით მეტი. წყლის დაშლის იაფი, უსაფრთხო და მარტივი ხერხის მიგნების შემთხვევაში წყალბადის საწვავს უსაზღვრო შესაძლებლობები უჩნდება.